Business

Business Archives - COCO FM 98.9

News

News Archives - COCO FM 98.9

news

news Archives - COCO FM 98.9

Muungano wa mawakala wa usafiri wa baharini nchini (KSAA), umeibua wasiwasi kuhusu ongezeko la gharama za uendeshaji wa shughuli za usafiri wa baharini katika bandari ya Mombasa. Muungano huo pia ulitahadharisha kwamba ucheleweshaji na ukosefu wa ufanisi, unahatarisha ushindani wa bandari hiyo ambayo ni kitovu kikuu cha biashara nchini. Akizungumza na Wanahabari Afisa mkuu mtendaji wa Muungano huo Elijah Mbaru, alisema sekta ya usafiri wa baharini ilikumbwa na mabadiliko makubwa mwaka uliopita, hali iliyosababisha hasara kwa kampuni za usafirishaji. Mbaru alisema meli nyingi zinatumia muda mwingi kusubiri vibali na nafasi ya kudokoa, jambo ambalo limeongeza gharama za mafuta, ada za kuchelewa na gharama nyingine za uendeshaji katika bandari ya Mombasa. Wakati huo huo Muungano huo uliitaka serikali na wadau husika kuboresha ufanisi, kupunguza ucheleweshaji, na kuongeza miundo mbinu ili kuhakikisha bandari ya Mombasa inaendelea kuimarika kimataifa. Taarifa ya Mwanahabari wetu

Muungano wa KSAA waibua wasiwasi kuhusu ongezeko la gharama za bandarini - COCO FM 98.9

Muungano wa KSAA waibua wasiwasi kuhusu ongezeko la gharama za bandarini

Comment

https://backend.cocomedia.co.ke/wp-content/uploads/2025/11/bandari.jpg

Home

COCO FM 98.9

https://backend.cocomedia.co.ke/wp-content/uploads/2024/10/cropped-Cocomedia-Logo-New.png

https://secure.gravatar.com/avatar/f498acb3e6d05ff2e4db9e308e3e11f563ce6dff94ad74c006699a77fe1e8f47?s=96&d=mm&r=g

Mwahoka

Wakulima wa mapapai kutoka eneo bunge la Ganze kaunti ya Kilifi wameitaka serikali ya kaunti kwa ushirikiano na serikali kuu kujenga viwanda ili kuwasaidia kuuza matunda yao. Wakizungumza na cocofm wakulima hao walisema kuwa msimu huu mapapai ni mengi japo wateja ni wachache mno, hali ambayo inafanya matunda hayo kuharibika sokoni. Kulingana na wakulima hao, wanakadiria hasara kwani mapapai yanaoza mashambani kutokana na ukosefu wa soko. Walisema iwapo serikali itawatengeneza kiwanda cha matunda kaunti ya Kilifi basi huenda uchumi wao ukainuka na kuwapatia motisha wa kundeleza kilimo hicho. Ni kauli ambayo iliungwa mkono na wafanyibiashara wa matunda katika soko la Kwa Charo wa Mae ambao walisema kuwa wanakadiria hasara kutokana na mapapai kuharibika sokoni kutokana na wingi wa matunda hayo. “Mapapai sai ni mengi mashambani na hakuna soko hali ambayo inafanya matunda kuharibika shambani, serikali inafaa kujenga viwanda ili kutusaidia kuuza matunda ili kutupunguzia hasara hizi tunazopata.”walisema wakulima. Taarifa ya Pauline Mwango.

Wakulima wa Paipai Ganze washinikiza serikali kujenga kiwanda - COCO FM 98.9

Wakulima wa Paipai Ganze washinikiza serikali kujenga kiwanda

https://backend.cocomedia.co.ke/wp-content/uploads/2025/11/paipai.jpg

Bei za baadhi ya bidhaa humu nchini zinatarajiwa kupanda hata zaidi msimu huu ikilinganishwa na hapo awali. Wafanyibiashara wanaoagiza bidhaa kutoka nchi jirani Tanzania mjini Kilifi walisema bidhaa kama vile kitunguu zinatarajwa kupanda bei kutokana na maandamano ambayo yalishuhudiwa hivi karibuni. Kulingana na wafanyibiashara hao hali ilivyo kwa sasa katika taifa la Tanzania hawawezi kuingia katika taifa hilo kununua na hata kuangiza bidhaa kutoka nchi hiyo. Kwa sasa kilo ya kitunguu inauzwa kwa shilingi 100 katika soko la Kwa Charo wa mae mjini Kilifi sawa na soko la mazeras kaunti ya Kilifi bei ambayo inatarajiwa kupanda. Hata hivyo walitolea wito wakulima wa humu nchini kuendeleza kilimo cha Kitunguu kwa wingi ili kukoma kutengemea Kitunguu kutoka nchi jirani ya Tanzania. “Biashara inatarajiwa kuwa ngumu kwani kupata bidhaa ambazo tunatarajia kutoa Tanzania itakuwa ngumu kwani wengi wanaogopa kuingia katika nchini hiyo. ‘&#8221;Wakulima wa humu nchini lazima waongeze kiwango cha kitunguu wanachopanda ili kusaidia hali hii”. Taarifa ya Pauline Ngome

Bei za Vitunguu kupanda zaidi msimu huu - COCO FM 98.9

Bei za Vitunguu kupanda zaidi msimu huu

https://backend.cocomedia.co.ke/wp-content/uploads/2025/09/ec9de8f0d4c9344bf6cc2c606e523be4.webp

Serikali imesema imechukua hatua za dharura ili kuongeza ufanisi katika bandari ya Mombasa, kufuatia ongezeko kubwa la mizigo linalosababisha msongamano mkubwa wa meli bandarini humo. Ongezeko hilo limehusishwa na uchaguzi mkuu uliokamilika hivi majuzi nchini Tanzania, ambao umechochea kuongezeka kwa shehena za bidhaa zinazoingizwa nchini, hali inayosababisha zaidi ya meli 22 kusubiri kushushwa mizigo. Mkurugenzi mkuu wa KPA nahodha William Ruto alisema kwa kawaida bandari ya Mombasa hushughulikia takriban konteina 3,520 kwa siku, lakini wingi wa mizigo ulioshuhudiwa umepelekea uwezo wake kufikia kiwango cha juu zidi. Aidha, Ruto alidokeza kuwa katika kukabiliana na changamoto hiyo, halmashauri ya bandari nchini (KPA) kwa ushirikiano na mamlaka ya mapato nchini (KRA) zimeweka kanuni mpya zinazolenga kupunguza msongamano na kuongeza kasi ya upakuaji mizigo. Ruto alielekeza kuwa, waagizaji wa mizigo ya ndani watalazimika kushughulikia mizigo yao kupitia vituo vya (CFS) mjini Mombasa, huku mizigo ya usafirishaji wa nchi jirani, ikitakiwa kushuhulikiwa katika vituo vya mizigo vya ndani vya Nairobi au Naivasha (ICD). Aidha, KPA ilizitaka meli zinazobeba mizigo ya kusafirishwa kuelekeza safari zao katika Bandari ya Lamu ili kupunguza msongamano katika bandari ya Mombasa. Taarifa ya Mwanahabari wetu

Uchaguzi mkuu Tanzania umechangia msongamano wa mizigo bandarini Mombasa - COCO FM 98.9

Uchaguzi mkuu Tanzania umechangia msongamano wa mizigo bandarini Mombasa

Serikali imesema imeweka mipango ya kuimarisha ufugaji mashiani kupitia teknolojia ili kupiga jeki uchumi wa taifa. Akizungumza nchini Qatar rais Wiliam Ruto alisema kuwa ufugaji ni kiungo muhimu cha ustawi wa uchumi nchini ambapo sekta ya maziwa inachangia lita Billioni 5.3 kila mwaka. Rais alidokeza kuwa  juhudi zilizowekwa zimeimairisha ufugaji kwa asilimia 45 katika kipindi cha miaka mitatu. Aidha ruto alisema kiwango hicho bado kiko chini ikilinnganishwa na uwezo ambao wafugaji wako nao wa kuzalisha maziwa zaidi. Wakati uo huo Rais aliwarai waekezaji wa nje kuekeza katika sekta hiyo humu nchini ili kuongeza uzalishaji. Alisema kupitia uwekezaji wafugaji watawezeshwa zaidi na uchumi wa taifa utaimarika . “Ufugaji ni sekta muhimu sana kwa ukuaji wa uchumi na endapo itawekezwa itafanya vizuri hivyo serikali inampango wa kutumia tekinolojia kuimarisha ufugaji kwa minajili na kuinua uchmi. “Kwa hivyo inawaomba muendelee kuekeza zaidi katika sekta hii ili kuongeza uzalishaji.” Taarifa ya Pauline Mwango

Rais Ruto: Serikali imeweka mikakati ya kuimarisha ufugaji kupitia teknolojia - COCO FM 98.9

Rais Ruto: Serikali imeweka mikakati ya kuimarisha ufugaji kupitia teknolojia

https://backend.cocomedia.co.ke/wp-content/uploads/2025/11/577762490_1428167275331208_8935300510274099147_n.jpg

Wadau katika sekta ya utalii eneo la Watamu kaunti ya Kilifi wanasema uhaba wa maji ambao unashuhudiwa kwa mda mrefu unaathiri biashara zao. Kulingana na wadau hao, walitishia kufunga zaidi ya hoteli 75 kutokana na uhaba wa maji ambao umeshuhudiwa kwa miezi miwili sasa. Aidha walisema kuwa kwa sasa watalii wengi wameanza kuhamia maeneo jirani ya Zanzibar hali ambayo inaathiri uchumi wa eneo hilo. Waliitaka idara husika kuingilia kati na kuhakikisha tatizo la maji linatatuliwa ili kuwawezesha kuendeleza shuhuli zao huku wakionya kuwa hatua hiyo huenda ikaathiri wafanyikazi wapatao elfu 10 ambao wanategemea sekta ya utalii hali itakayoathiri uchumi wa kaunti ya Kilifi. “Tayari zaidi ya wawekezaji 30 wamesema kuwa mawakala wao wa kimataifa wametishia kusitisha mkataba na kuelekeza huduma zao kwenye maeneo mbadala yenye huduma thabiti hali ambayo itapelekea hali ya kiuchumi kwa wanaotegemea utalii kuwa mbaya zaidi.” Walisema wadau hao wa utalii. Taarifa ya Pauline Mwango

Wadau wa sekta ya utalii walalamikia uhaba wa maji Kilifi - COCO FM 98.9

Wadau wa sekta ya utalii walalamikia uhaba wa maji Kilifi

https://backend.cocomedia.co.ke/wp-content/uploads/2025/11/74627089_2654554584605872_306110063011954688_n.jpg

Wafanyibiashara wa kuuza matunda kaunti ya kilifi wanalalamikia kudorora kwa biashara zao kufuatia kupungua kwa matunda. Wakizungumza na Coco Fm wafanyibiashara hao walisema kwa sasa matunda kama vile machungwa, maembe na mananasi yamepotea hali inayofanya biashara zao kudorora. Kulingana na wafanyibiashara hao gharama ya uzalishaji imekuwa juu na kufanya wakulima wengi kushindwa kuendeleza shughuli za kilimo. Aidha waliongeza kuwa kwa sasa wanategemea matunda kutoka nchi jirani ya Tanzania hali ambayo inafanya uchumi wa taifa unashuka. Waliongeza kuwa taifa linaweza kuzalisha matunda kwa kiwango kikubwa na kuimarisha maisha ya wakulima. Aidha waliitaka serikali kuwawezesha wakulima na mbinu za kisasa hasa  wakulima kutoka maeneo kame pamoja na kupunguza gharama ya uzalishaji ili kuzidisha mapato zaidi. “ Nchi iko na uwezo mkubwa ya kuzalisha matunda iwapo serikali itawawezesha wakulima kama vile kuwachimbia mabwawa na hata kuwapa mbolea na mbegu” Taarifa ya Pauline Mwango

Wafanyibiashara wa kuuza matunda kaunti ya Kilifi wanalalamikia kudorora kwa biashara - COCO FM 98.9

Wafanyibiashara wa kuuza matunda kaunti ya Kilifi wanalalamikia kudorora kwa biashara

https://backend.cocomedia.co.ke/wp-content/uploads/2025/07/FB_IMG_1521301591908-1-1-e1751519606874.jpg

Wadau wa sekta ya utalii eneo la Pwani wametoa wito kwa serikali kufungua anga ya Kenya kwa mashirika zaidi ya ndege za kimataifa, wakisema kuwa hatua hiyo itapunguza gharama za usafiri na kuongeza idadi ya watalii. Wakizungumza jijini Mombasa, wadau hao walisisitiza umuhimu wa kuimarisha utalii wa biashara na mikutano wakisema  eneo la Pwani ni kivutio kikubwa cha  wageni wa kimataifa. Takwimu zinaonyesha kuwa mwaka uliopita, kati ya mikutano ya vyama zaidi ya 11,000 iliyofanyika duniani kote, Kenya iliandaa mikutano 29 pekee, ambapo mikutano mitano tu ilifanyika Pwani. Hii inaashiria kuwa miakakati zaidi inastahili kuwekwa ili kuhakikisha kuwa mikutano zaidi ya kibiashara inafanyika eneo la pwani hali ambayo itainua uchumi wa eneo hili. “Serikali kuu kwa ushirikiano na serikali za kaunti zinastahili kuimarisha utalii biashara kwa kufungua anga zaidi jambo ambalo litaimarisha uchumi.” Kwa upande wake, Gavana wa Mombasa, Abdulswamad Shariff Nassir alisema kuwa kaunti hiyo ina uwezo wa kupokea hadi wageni 3,000 kwa siku kupitia usafiri wa ndege, sawa na wageni milioni 1.95 kwa mwaka. Kwa sasa, Kenya inashikilia nafasi ya 63 duniani katika utalii wa mikutano, hali inayoonyesha haja ya maboresho makubwa katika sekta hiyo. “ Kaunti ya Mombasa iko na uwezo mkubwa wa kupokea wageni wa nje na wandani ambao ni zaidi milioni 1.95 na kwa sasa tunaweka mikakati zaidi kuboresha utalii ili kubuni nafasi za ajira kwa vijana wetu. Taarifa ya Pauline Mwango

Serikali yahimizwa kufungua anga ya Kenya kwa mashirika zaidi ya ndege za kimataifa - COCO FM 98.9

Serikali yahimizwa kufungua anga ya Kenya kwa mashirika zaidi ya ndege za kimataifa

https://backend.cocomedia.co.ke/wp-content/uploads/2025/09/IMG_20250911_102939-1.jpg

Waziri wa Utalii, Rebecca Miano, amesema Kenya inalenga kupokea watalii milioni 5 wa kimataifa na wengine takriban milioni 10 wa ndani kwa ndani. Akizungumza jijini Mombasa katika kongamano la kuadhimisha siku ya kimataifa ya utalii nchini, waziri Miano alisema serikali pia inalenga kufungua anga huru ili kuruhusu watalii wengi wakimataifa kuzuru Kenya. Wakati huo huo, waziri Miano aliwataka viongozi wa serikali za kaunti kukumbatia tamaduni na masuala ya uvumbuzi na ubunifu kama vyanzo vikuu vya kuvutia watalii. Katika hafla hiyo vile vile, Miano alisema chuo cha utalii cha Ronald Ngala, mradi unaopatikana katika eneo la Vipingo kaunti ya Kilifi na ulioanza kujengwa tangu mwaka 2010, utakamilika hivi karibuni ili kuanza kutoa mafunzo kwa wanafunzi wanaonuia kusomea taaluma mbalimbali za utalii. Waziri Miano alidokeza kuwa kukamilika kwa ujenzi wa chuo hicho kutaimairisha sekta ya utalii kwa kuogeza idadi ya wataalamu wa ndani na hivyo kuboresha huduma kwa watalii nchini. Kauli yake imeugwa mkono na katibu mkuu katika idara ya utalii John Ololtuaa akisema kwamba serikali imejitolea kuhakikisha sekta ya utalii imeimarika. Naye gavana wa Mombasa Abdulswamad Sharrif Nassir alisisitiza ushirikiano kati ya serikali ya kitaifa na zile za kaunti ili kuboresha sera za utalii ili kuwavutia watalii zaidi kutoka ughaibuni. Tarifa ya Mwanahabari wetu

Rebecca Miano:Sekta ya utalii nchini kuimarika zaidi - COCO FM 98.9

Rebecca Miano:Sekta ya utalii nchini kuimarika zaidi

https://backend.cocomedia.co.ke/wp-content/uploads/2025/09/IMG-20250927-WA0022.jpg

Bandari ya Mombasa imeendelea kuthibitisha nafasi yake kama lango kuu la biashara Afrika Mashariki baada ya kupokea kwa mara ya kwanza meli kubwa ya mizigo, ya MV CMA CGM Cleveland. Meli hiyo yenye uwezo wa kubeba zaidi ya makasha 6,550 na yenye urefu wa meta 300, iliwasili nchini baada ya safari kutoka Ningbo nchini China, kupitia Singapore na Colombo, Sri Lanka. MV Cleveland ni sehemu ya huduma ya usafirishaji ya Kilima Service, inayounganisha Afrika Mashariki na masoko ya Asia na dunia kwa ujumla. Katika bandari ya Mombasa, meli hiyo itashughulikia zaidi ya makasha 4,500, kabla ya kuelekea bandari ya Dar es Salaam nchini Tanzania. Akizungumza wakati wa kupokea meli hiyo, mkurugenzi mkuu wa halmashauri ya Bandari nchini KPA nahodha William Ruto alisema hatua ya meli hiyo kutia nanga katika bandari ya Lamu na sasa bandari ya Mombasa ni ishara tosha ya kuongezeka kwa umuhimu wa Kenya katika biashara ya kimataifa, na kuimarisha nafasi ya bandari zake kama viungo muhimu katika sekta ya usambazaji duniani. Taarifa ya Mwanahabari wetu.

Meli kubwa ya mizigo MV CMA CGM Cleveland yatia nanga bandarini Mombasa - COCO FM 98.9

Meli kubwa ya mizigo MV CMA CGM Cleveland yatia nanga bandarini Mombasa

https://backend.cocomedia.co.ke/wp-content/uploads/2025/09/MELI.jpg

Ni afueni kwa wakulima wa majani Chai baada ya Waziri wa Kilimo nchini Mutahi Kagwe kuzindua soko la mauzo ya Chai maalum ya Othodox katika mnada wa chai wa Mombasa. Hatua hii ya serikali kuu ni ya kukuza uzalishaji na usafirishaji wa majani chai wa daraja la juu kutoka Kenya. Akizungumza na vyombo vya habari jijini Mombasa, Waziri Kagwe alisema uzinduzi huo ni hatua muhimu ya kuimarisha nafasi ya Kenya katika soko la majani chai ulimwenguni. Katika mnada huo wa kwanza wa majani chai ya Othodox jumla ya kilo zaidi ya 91,000 zilizowekwa sokoni zinatarajiwa kuwaletea wakulima mapato ya juu zaidi ikilinganishwa na majani chai ya kawaida aina ya CTC. Kagwe alidokeza kuwa serikali inafanya mazungumzo na taifa la Iran ili kufufua tena biashara ya majani Chai baina ya mataifa hayo mawili baada ya kushuka kwa usafirishaji wa majani chai mwaka jana. Taarifa ya Pauline Mwango

Majani Chai aina ya Othodox yazinduliwa mnadani Mombasa - COCO FM 98.9

Majani Chai aina ya Othodox yazinduliwa mnadani Mombasa

https://backend.cocomedia.co.ke/wp-content/uploads/2025/09/MAJANI-CHAI.jpg

Mapato ya kilimo cha mboga na matunda yalipungua hadi shilingi bilioni 136.6 ikilinganishwa na shilingi bilioni 156.7 zilizonakiliwa mwaka jana. Mapato ya majani chani pia yalipungua kwa asilimia 84 hadi shilingi bilioni 178 katika kipindi hicho. Washikadau katika sekta ya kilimo walisema huenda hali ikawa mbaya zaidi iwapo wakulima hawataafikia viwango vya kimataifa vinavohitajika. Taasisi za kifedha zilitakiwa kutoa mikopo kwa  wakulima wa viwango vya chini kununua pembejeo ambazo zinawasaidia kuafikia viwango hivyo. Mkurugenzi wa viwango katika kampuni ya Trade Market Afrika Andrew Edewa alisema vyeti vingi vya kimataifa huwa ghali kupata hivyo ipo haja ya kufadhili wakulima zaidi ili kuhakikisha bidhaa nyingi za humu nchini zinauzwa katika masoko ya nje. Wakati huo huo wakulima walishauriwa kubuni vyama vya ushirika ambavyo vitawawezesha kupata mikopo ya riba nafuu. Taarifa ya Pauline Mwango

Mapato ya mboga na matunda yatajwa kupungua - COCO FM 98.9

Mapato ya mboga na matunda yatajwa kupungua

https://backend.cocomedia.co.ke/wp-content/uploads/2025/09/MAEMBE.jpg

Mamlaka ya udhibiti wa kawi na petroli (EPRA) imekutana na maafisa wa Serikali ya Kaunti ya Mombasa kwa lengo la kutoa elimu kuhusu kanuni mpya za mpango jumuishi wa nishati kitaifa wa mwaka 2025. Kanuni hizo zinaelekeza uandaaji wa mipango ya nishati kulingana na mahitaji ya wananchi katika ngazi ya kitaifa na kaunti. Mtaalamu wa mipango ya nishati kutoka EPRA, Raymond Asungose alisema mpango huo unahusisha ukusanyaji wa taarifa kutoka kwa wananchi ili kusaidia kupanga miradi ya nishati kwa usahihi. Aliongeza kuwa mpango huo utasaidia kaunti kuwa na msingi thabiti wa kuandaa bajeti ya miradi ya nishati kila mwaka, na hivyo kuongeza uwazi na uwajibikaji kwa serikali za kaunti. Kwa mujibu wa EPRA, kaunti zote 47 zinatarajiwa kushirikishwa katika mchakato huu kabla ya mwisho wa mwaka wa kifedha ifikapo Juni 2026. Taarifa ya Mwanahabari wetu

EPRA kutoa elimu kuhusu kanuni mpya za mpango wa nishati wa 2025 - COCO FM 98.9

EPRA kutoa elimu kuhusu kanuni mpya za mpango wa nishati wa 2025

https://backend.cocomedia.co.ke/wp-content/uploads/2025/09/NISHATI.jpg

Wafanyibiashara humu nchini wanaendelea kulalamikia kudorora kwa uchumi siku chache tu baada ya rais Wiliam Ruto kusema kuwa uchumi wan chi umeimarika. Wakizungumza mjini Kilifi kaunti ya Kilifi wafanyibiashara wanaojihusisha na biashara za kuuza mbonga wamesema kuwa wateja wamepunguza kiwango cha bidhaa wanazonunua kutokana na hali ngumu ya maisha. Aidha waliongeza kuwa bidhaa nyingi sokoni zimepanda bei kutokana na gharama ya juu ya uzalishaji. Waliitaka serikali kupunguza gharama ya maisha pamoja na kuwawezesha na fedha za mikopo ili kujiendeleza kimaisha. Wakati huo huo waliitaka serikali kuu na kaunti ya Kilifi kuwawezesha wakulima na mbinu za kisasa za kilimo ili kuongeza mapato ambayo yatainua uchumi wa kaunti. Taarifa ya Pauline Mwango

Wafanyabishara Kilifi walalamikia gharama ya maisha - COCO FM 98.9

Wafanyabishara Kilifi walalamikia gharama ya maisha

Waziri wa Kilimo, Mutahi Kagwe, amesisitiza umuhimu wa wakulima nchini kukumbatia teknolojia ya kisasa katika shughuli zao za ufugaji, akisema kuwa hiyo ndiyo njia bora ya kuinua kiwango cha uzalishaji na kuimarisha nafasi ya Kenya katika masoko ya kimataifa. Akizungumza jijini Mombasa wakati wa kikao cha baraza la magavana, waziri Kagwe alisema matumizi ya teknolojia ya kisasa ni hitaji muhimu kwa wakulima wanaotaka kufikia viwango vinavyohitajika katika masoko ya kimataifa ya bidhaa za mifugo. Alisema kuwa serikali kupitia wizara ya kilimo inalenga kutenga bajeti maalum kwa ajili ya utoaji wa chanjo kwa mifugo, hatua ambayo itachangia kwa kiasi kikubwa kuboresha afya ya wanyama na kuongeza ubora wa bidhaa zinazotokana na mifugo. Aidha, waziri Kagwe alitoa wito kwa taasisi za utafiti wa kisayansi nchini kuhakikisha kuwa shughuli zao zinaangazia kwa undani mahitaji halisi ya sekta ya ufugaji, ili kusaidia wakulima kupata suluhisho kwa changamoto mbalimbali ikiwemo chakula kinachofaa kutumika kwa mifugo. Aidha, Waziri Kagwe alitoa wito kwa taasisi za utafiti wa kisayansi nchini kuhakikisha kuwa shughuli zao zinaangazia kwa undani mahitaji halisi ya sekta ya ufugaji, ili kusaidia wakulima kupata suluhisho kwa changamoto mbalimbali ikiwemo chakula kinachofaa kutumika kwa mifugo. Taarifa ya mwanahabari wetu &nbsp;

Wakulima waombwa kukumbatia teknolojia katika ufugaji - COCO FM 98.9

Wakulima waombwa kukumbatia teknolojia katika ufugaji

https://backend.cocomedia.co.ke/wp-content/uploads/2025/09/KAGWE.jpeg

Wavuvi wa eneo la Pwani wameitaka   serikali kuu na zile za kaunti kuwatafutia masoko ya kimataifa kwa ajili ya bidhaa zao za samaki. Wavuvi hao walisema licha ya kuwa na rasilimali kubwa ya samaki baharini, wanakabiliwa na changamoto ya ukosefu wa masoko hali inayosababisha samaki kuharibika na kupelekea   kuuzwa kwa bei ya chini sokoni. Walieleza kuwa kuanzishwa kwa masoko ya kimataifa kutawasaidia kupata faida zaidi, kuongeza ajira kwa vijana na kuchochea maendeleo ya kiuchumi katika maeneo ya pwani. Walitaka pia serikali kushirikiana na sekta binafsi kuwekeza katika miundombinu ya uhifadhi wa samaki, teknolojia ya usindikaji na usafirishaji ili bidhaa hizo zikidhi viwango vya kimataifa. Taarifa ya Pauline Mwango

Wavuvi Pwani walilia soko la kimataifa - COCO FM 98.9

Wavuvi Pwani walilia soko la kimataifa

https://backend.cocomedia.co.ke/wp-content/uploads/2025/09/samaki.jpg

Utafiti wa udhibiti wa sekta ya fedha humu nchini uliotolewa na benki kuu ya Kenya unaonyesha kuwa uwekaji mifumo ya kifedha mitandaoni inachangia kwa mchipuko wa uhalifu ikiwemo ubadilishaji wa kadi na udukuzi wa taarifa za wateja. Kulingana na ripoti hiyo wadukuzi waliiba shilingi bilioni 1.6 za wateja hali inaoashiria hali ya hatari kwenye shughuli za ubadilishanaji wa fedha mtandaoni na kwenye simu. Aidha ripoti hiyo inaonyesha kuwa udukuzi wa taarifa za wateja umechangia hasara ya shilingi milioni 199.1 huku taasisi za kifedha zikilazimika kulipa kati ya shilingi 80 na shilingi milioni 400 kila mwaka. Ili kukabiliana na hatari hiyo, benki kuu ya Kenya imebuni kitengo cha kukabiliana na ulaghai wa kifedha mtandaoni. Benki hiyo ilisema kuwa kitengo hicho ni nguzo muhimu ya utekelezaji wa kanuni za matumizi mabaya yatarakilishi pamoja na uhalifu wa mtandao za mwaka 2024. Taasis za kifedha zilitakiwa kuzingatia kanuni hizo na kutoa taarifa kuhusu visa vya uhalifu mtandaoni kwa benki hiyo. Taarifa ya Pauline Mwango

Benki kuu ya Kenya yabuni kitengo cha kukabili ulaghai wa kifedha mtandaoni - COCO FM 98.9

Benki kuu ya Kenya yabuni kitengo cha kukabili ulaghai wa kifedha mtandaoni

https://backend.cocomedia.co.ke/wp-content/uploads/2025/09/CENTRAL-BANK.jpg

Bandari ya Mombasa imepokea meli ya kwanza ya aina yake, MV Grande Shanghai, ambayo imetengenezwa kwa teknolojia ya kisasa inayowezesha kupunguza kwa kiasi kikubwa uchafuzi wa mazingira. Meli hiyo ya urefu wa mita 220 inayomilikiwa na kampuni ya Grimaldi Group, inaweza kubeba hadi magari 9,000, na inatumia mfumo wa umeme wa kujielekeza bila msaada wa kuvutwa. Tofauti na meli nyingi zilizotangulia, Grande Shanghai ni mojawapo ya kizazi kipya cha meli za mizigo zilizojengwa kwa kuzingatia masharti ya kimataifa kuhusu kupunguza utoaji wa gesi chafu. Ujio wa meli hiyo unajiri wakati ambao KPA imezindua sera yake ya Green Port ya mwaka 2024–2028, unaolenga kupunguza athari za shughuli za bandari kwa mazingira. Miongoni mwa hatua zinazopangwa ni pamoja na kuweka miundombinu ya umeme kwa ajili ya meli zinazotia nanga, kuhamasisha matumizi ya nishati mbadala, na kuleta vifaa vya kushughulikia mizigo visivyochafua hewa. MV Grande Shanghai ni meli ya kwanza kati ya kumi ambazo Grimaldi Group inapanga kuzindua, zote zikiwa na uwezo wa kutumia nishati safi. Taarifa ya Mwanahabari wetu

Meli ya Mv Grande Shanghai yatia nanga bandari ya Mombasa - COCO FM 98.9

Meli ya Mv Grande Shanghai yatia nanga bandari ya Mombasa

https://backend.cocomedia.co.ke/wp-content/uploads/2025/09/Grande-Shanghai-Naming-Ceremony_1-scaled-1.jpg

Rais William Ruto amesema kuwa uchumi wa taifa umeimarika hata zaidi tangu alipoingia mamlakani. Akizungumza na vyombo vya habari rais Ruto alidokeza kuwa mwaka wa 2022 Kenya ilikabiliwa na matatizo ya kiuchumi, huku mfumuko wa bei za bidhaa ukifika aslimia 9.6. Kiongozi wa taifa alidokeza kuwa shilingi ya kenya ilibadilishwa kwa dola ya Marekani kwa shilingi 165 wakati huo. Kuhusu kilimo rais Ruto alisema kumenakiliwa ongezeko la mavuno ya mahindi kutoka magunia milioni 40 mwaka wa 2022 hadi magunia milioni 64 mwaka jana 2024. Aidha Ruto aliongeza kuwa utengezaji wa sukari umeongezeka hadi tani elfu 815. Wakati huo huo Ruto alisema kuwa kupitia ujenzi wa nyumba za bei nafuu, nafasi za ajira zimepatikana huku serikali ikilenga kuajiri vijana milioni moja kufikia mwaka ujao 2026. Taarifa ya Pauline Mwango

Ruto:Uchumi wanchi umeimarika pakubwa - COCO FM 98.9

Ruto:Uchumi wanchi umeimarika pakubwa

https://backend.cocomedia.co.ke/wp-content/uploads/2025/09/ruto.jpg

Halmashauri ya bandari nchini KPA imetangaza mpango wa kuboresha huduma katika kivuko cha feri cha Likoni, unaojulikana kama “Traffic Circulation Management Plan” unaolenga kupunguza msongamano, kuongeza usalama, na kuboresha hali ya usafiri kwa zaidi ya watu laki nne na magari elfu sita, yanayotegemea kivuko hicho kila siku. Miongoni mwa maboresho yanayotarajiwa ni pamoja na upanuzi wa maeneo ya kusubiria abiria, ujenzi wa madaraja ya watu wanaotembea kwa miguu, magati mapya ya magari, na kupanga upya kituo cha mabasi ili kuondoa vurugu na usumbufu Pia, zaidi ya vibanda 900 vya biashara vitajengwa kwa wafanyabiashara wadogo, kuhakikisha kuwa fursa za kiuchumi zinaendelea kuwepo. Ujenzi huo utaanza mwezi ujao upande wa Likoni na unatarajiwa kukamilika ndani ya mda wa miaka miwili. Hatua hiyo imeungwa mkono na viongozi wa kaunti, wabunge, wafanyabiashara, na wadau mbali mbali wakisema hatua hiyo itasaidia wananchi ambao wanategemea kivuko hicho kila siku. KPA iliahidi kuwa mradi huu utazingatia mahitaji ya watu wote wakiwemo watu wanaoishi na ulemavu na kuleta huduma salama, bora, na jumuishi. KPA ilisema itaandaa kikao cha umma ili kuwapa wakaazi nafasi ya kutoa maoni yao kabla ya mradi huo kuanza kutekelezwa. Taarifa ya Mwanahabari wetu

KPA kuboresha huduma katika kivuko cha feri - COCO FM 98.9

KPA kuboresha huduma katika kivuko cha feri

https://backend.cocomedia.co.ke/wp-content/uploads/2025/09/FERRY.jpg