Uncategorized

Uncategorized Archives - COCO FM 98.9

news

news Archives - COCO FM 98.9

Waziri wa Fedha nchini John Mbadi amesema serikali inalenga kuwaondolea ushuru wa PAYE wakenya wanaopata mshahara wa chini ya shilingi elfu 30 kwa mwezi huku wale wanaopata mshahara wa shilingi elfu 30 hadi laki tano wakitozwa ushuru wa asilimia 25.Waziri Mbadi alisema hatua hiyo inalenga zaidi ya wakenya milioni 1.5 na hivi karibuni atawasilisha mswada bungeni ili pendekezo hilo liangaziwe na sheria ya ushuru ifanyiwe marekebisho kabla ya kupitishwa kwa mswada wa fedha wa mwaka wa 2026. Waziri Mbali aliyasema hayo wakati wa kikao cha kukusanya maoni ya umma katika kaunti ya Meru ambapo alikuwa amefanya kikao cha mazungumzo na Rais William Ruto na kuafikiana kuhusu pendekezo hilo. Waziri huyo wa fedha nchini aliongeza kwamba mswada huo pia utajumuisha pendekezo la kupunguza ushuru wa PAYE kwa asilimia 5 kwa wakenya wanaopokea mshahara wa kati ya shilingi elfu 32,050 kwa mwezi hadi shilingi laki tano, akisema punguzo hilo la asilimia 5 litasaidia wakenya kumudu gharama ya maisha. &#8220;Tumekubaliana na Rais kwamba wananchi wenye kipato cha chini wanapaswa kupata nafuu kwenye mishahra yao kwani idadi kubwa ya wananchi wanapitia hali ngumu ya maisha na hatua hii itasaidia wakenya wengi kuwa na pesa mfukoni. Sidhani kama kuna mbunge yeyote atapinga pendekezo hilo&#8221;, alisema Mbadi. Waziri huyo wa fedha alishikilia kwamba hatua hiyo inalenga kupunguza mzingo wa ushuru kwa wakenya wa kipato cha chini na cha kati na kuwasaidia kujikimu katika kipindi hiki cha gharama ya juu ya maisha. Kwa sasa kikomo cha ushuru wa PAYE kinaathiri wakenya wengi wenye kupokea mshahara wa kuanzia shilingi elfu 24, akisema wataalamu wamebaini kwamba kupunguzwa kwa ushuru kutachangia matumizi ya nyumbani kuwa ya usawa na kusaidia kuimarisha uchumi unaokabiliwa na mahitaji duni. Taarifa ya Mwahoka Mtsumi

Wakenya wanaopata mshahara wa chini ya elfu 30 kuondolewa PAYE - COCO FM 98.9

Wakenya wanaopata mshahara wa chini ya elfu 30 kuondolewa PAYE

Comment

https://backend.cocomedia.co.ke/wp-content/uploads/2026/02/IMG-20250924-WA0011-1758712951.jpg

Home

COCO FM 98.9

https://backend.cocomedia.co.ke/wp-content/uploads/2024/10/cropped-Cocomedia-Logo-New.png

https://secure.gravatar.com/avatar/f498acb3e6d05ff2e4db9e308e3e11f563ce6dff94ad74c006699a77fe1e8f47?s=96&d=mm&r=g

Mwahoka

Idara ya usalama katika eneo la Magarini kaunti ya Kilifi imeanzisha uchunguzi kuhusu baadhi ya nyumba za ibada zinazohushwa na mafunzo ya Imani potovu katika eneo la Chamari eneo la Magarini. Naibu Kamishna wa eneo hilo Michael Ololtuaa alisema baadhi ya wachungaji wamekuwa wakiwashurutisha waumini wapande juu ya miti iliyoko katika mazingira ya makanisa wakiamini kwamba matatizo yao yataisha. Ololtuaa alisema serikali haitakubali mafunzo kama hayo kuendelea kushuhudiwa makanisani, akisema makanisa yatakayopatikana yakiendelea mafunzo hayo yafungwa na wachungaji kupokonywa vibali. &#8220;Mambo ya kupanda juu ya miti na kuanza kutabiri mambo ya kupotosha watu kiimani kama serikali hatutakubaliana na suala hilo na kutafunga hayo makanisa na kuwachukulia hatua wachungaji wanaohusika na mafunzo potovu&#8221;, alisema Ololtuaa. Kwa upande wake Kiongozi wa wachungaji katika eneo la Adu Johnson Kaingu amesema wachungaji katika eneo hilo wameanza kupokea mafunzo bora ya kidini ili kudhibiti mafunzo potovu kwenye nyumba za ibada. &#8220;Tumeanzisha mafunzo kwa wachunguji wa maeneo haya na tutahakikisha mafundisho hayo yanaendelea ili kuzuia waumini kupotoshwa na imani potovu&#8221;, alisema Kaingu. Taarifa ya Mwahoka Mtsumi

Polisi waanzisha uchunguzi dhidi ya mafunzo potovu Chamari - COCO FM 98.9

Polisi waanzisha uchunguzi dhidi ya mafunzo potovu Chamari

https://backend.cocomedia.co.ke/wp-content/uploads/2025/09/police.jpg

Viongozi wa kidini katika eneo bunge la Kinango wamejitokeza na kuishinkiza serikali ya kaunti ya Kwale kuweka mikakati bora ya kukabiliana na kiangazi kikali katika eneo hilo. Viongozi hao wakiongozwa na Katibu wa Maimam kaunti ya Kwale Faraj Abubakar Omar walisema badala ya kusubiri misaada ya dharura kutoka kwa wahisani mbalimbali itakuwa bora zaidi iwapo serikali ya kaunti hiyo itawekeza katika miradi ya kuhifadhi maji. Omar alisema licha ya eneo hilo kuwa na vyanzo vya maji viongozi wa kiserikali wamekosa mifumo bora ya kuhifadhi maji, akisisitiza haja ya kukamilishwa kwa ujenzi wa mabwawa ili kuwasaidia wakaazi kufanikisha Kilimo nyunyizi. Aidha alisema iwapo viongozi watawekeza zaidi katika ujenzi wa mabwawa basi eneo hilo litakuwa na uzalishaji wa chakula cha kutosha na kukabiliana na changamoto za uhaba wa chakula na ukame. &#8220;Eneo ambalo ni kame huwa ni kame watu mpaka wafahamu hapo na badala yake kuwe na kilimo mbadala kwa hivyo ni ombi haya mabwawa ambayo yameanza yafanyiwe haraka iwezekanavyo yakamilike ili wananchi wa maeneo kama hayo badala ya kulia kila siku na njaa tuweze kulima na kuzalisha chakula&#8221;, alisema Omar. Taarifa ya Mwahoka Mtsumi

Serikali yahimizwa kuwekeza zaidi kukabiliana na kiangazi - COCO FM 98.9

Serikali yahimizwa kuwekeza zaidi kukabiliana na kiangazi

https://backend.cocomedia.co.ke/wp-content/uploads/2026/02/9.jpg

Rais William Ruto amewaagiza maafisa wa usalama kuhakikisha maeneo ya makanisa na sehemu zengine ya kuabudu zinapewa ulinzi wa hali juu ili kuhakikisha waumini wanashiriki ibada zao kwa amani. Akizungumza wakati wa ibada ya Jumapili katika Kanisa la PEFA kaunti ya Nairobi, Rais Ruto aliema ni lazima mazingira ya nyumba za ibada yalindwe dhidi ya vurugu za kisiasa, akisema tabia hizo zinafaa kukoma. Kiongozi wa nchi, aliwahimiza wanasiasa kujitenga na siasa za vurugu kwenye nyumba za ibada, akiwataka kutafuta uongozi na siasa zao nje ya mazingira ya makanisa kwani maeneo hayo yanafaa kupewa heshima. Akigusia suala la kisiasa, Rais Ruto alionekana kujipigia debe kisiasa ili kudhibiti kiti chake katika uchaguzi mkuu ujao, akisisitiza suala la Tutam wakati wakenya wanapokaribia uchaguzi mkuu. &#8220;Unawezapiga siasa na kutafuta uongozi kila mahali lakini maeneo ya makanisa hiyo hatutakubaliana nayo, makanisani na kwenye madhabahu ni mahali pa kuheshimiwa, kwa hivyo wanasiasa tutafute mahali kwengine kwa kuleta fujo huko haitakubaliwa na maafisa wa usalama ni lazima muweke ulinzi kwa waumini&#8221;, alisema Rais. Kwa upande wake Mwenyekiti wa kitaifa wa Chama cha ODM ambaye pia ni Gavana wa Homabay Gladys Wanga alisema viongozi wa chama hicho wamempa ruhusu Kinara wao Dkt Oburu Oginga kufanya mazungumzo na vyama vyengine ili kubuni Muungano wa kisiasa. &#8220;Sisi kama wanachama wa ODM tumemruhusu Kiongozi wetu Dkt Oburu Oginga kufanya mazungumzo na vyema vingine vya kisiasa vilivyo na ajenda na kusongeza Kenya wetu mbele&#8221;, alisema Wanga. Taarifa ya Mwahoka Mtsumi

Rais Ruto aonyo wanasiasa dhidi ya vurugu Makanisani - COCO FM 98.9

Rais Ruto aonyo wanasiasa dhidi ya vurugu Makanisani

https://backend.cocomedia.co.ke/wp-content/uploads/2025/09/ruto.jpg

Baraza la magavana, bodi ya huduma za umma kaunti ya Mombasa pamoja na Muungano wa maafisa wa Kliniki nchini (KUCO), wametia saini mkataba wa makubaliano ya kurejea kazini.  Mweyekiti wa kamati ya ukusanyaji wa rasilimali na ushirikiano katika baraza la magavana ambaye pia ni Gavana wa Nandi Stephen Sang, Mwenyekiti wa Bodi ya huduma za umma kaunti ya Mombasa Farida Abdallah, pamoja na viongozi wa Muungano wa maafisa wa Kliniki wameshuhudia kutiwa saini kwa mkataba huo. Makubaliano hayo yamehitimisha rasmi mgomo wa kitaifa wa siku 36 wa maafisa wa kliniki, uliyokuwa umesitisha shughuli za utoaji wa huduma za afya katika vituo vya afya vya umma kote nchini. Mchakato wa mashauriano, uliotegemea mazungumzo na ujenzi wa maridhiano, ulihitimishwa kwa ahadi ya Serikali za kaunti kutekeleza kikamilifu maazimio yaliyokubaliwa, ikiwemo kutiwa saini kwa mkataba wa makubaliano wa malipo nchini CBA, unaotarajiwa kufanyika Februari tarehe 2 mwaka huu. Mpangilio wa kurejea kazini unafungua njia ya kurejelewa kwa huduma muhimu za afya na unaimarisha dhamira ya uongozi wa kaunti katika kuimarisha mifumo ya afya ya umma. Taarifa ya Mwahoka Mtsumi

Maafisa wa Kliniki watia saini mkataba wa kurejea kazini - COCO FM 98.9

Maafisa wa Kliniki watia saini mkataba wa kurejea kazini

https://backend.cocomedia.co.ke/wp-content/uploads/2026/01/623777723_18120333526575716_5430264819259659793_n.jpg

Tume huru ya uchaguzi na mipaka nchini IEBC, imefichua kwamba inakabiliwa na upungufu wa fedha wa takriban shilingi bilioni 22. Mwenyekiti wa IEBC, Erastus Ethekon, alisema changamoto za kifedha, pamoja na vikwazo vya kisheria na kiutendaji, zinaweka hatarini uwezo wa tume hiyo kuendesha uchaguzi huru, haki na uwazi. Katika kikao na Wanahabari, Ethekon alisema upungufu huo umetokana na mahitaji mbalimbali ya kiutendaji, ikiwemo ununuzi wa vifaa vya uchaguzi, elimu ya mpiga kura, uajiri na mafunzo ya maafisa wa vituo vya kupigia kura, pamoja na kuboresha mifumo ya kiteknolojia. Mwenyekiti huyo wa IEBC alisema tayari Tume hiyo imeanza mazungumzo na Hazina ya kitaifa, na itawasilisha rasmi ombi la ufadhili katika wiki zijazo, kwani inahitaji kima cha shilingi bilioni 63 japo tayari imepokea shilingi bilioni 41. Akigusia suala la mipaka, Mwenyekiti wa IEBC alisema uwekaji mipaka unasalia kuwa msingi wa kikatiba, akisema kwamba tume hiyo imezidi muda unaohitajika wa kutathmini upya mipaka kwa miaka minane na 12. Wakati huo huo alibainisha kwamba ukaguzi wa mwisho ulipaswa kukamilika ifikapo mwaka wa 2024 lakini hadi sasa suala hilo bado halijatekelezwa, akitaja kutokuwepo kwa muda mrefu kwa makamishna. Taarifa ya Mwahoka Mtsumi

IEBC inakabiliwa na upungufu wa shilingi bilioni 22 - COCO FM 98.9

IEBC inakabiliwa na upungufu wa shilingi bilioni 22

https://backend.cocomedia.co.ke/wp-content/uploads/2026/01/589986086_1200646372167071_7194154834593886190_n.jpg

Mahakama ya Kilifi katika kaunti ya Kilifi inatarajiwa kutoa uamuzi wa dhamana kwa mshukiwa wa wizi wa kimabavu Joel Kalume Robert maarufu Kalume Diga. Hakimu wa Mahakama hiyo James Mwaniki aliagiza mshukiwa Diga kuendelea kuzuiliwa rumande hadi Disemba 21 mwaka wa 2025, ambapo Mahakama itatoa uamuzi iwapo mshukiwa anafaa kuachiliwa kwa dhamana au la. Agizo hilo lilitolewa baada ya Kiongozi wa mashtaka Winnie Otieno kueleza Mahakama kwamba kulingana na ripoti ya afisa wa jamii, Diga hastahili kuachiliwa kwa dhamana kwani wanakijiji wanahamaki na huenda akauwawa. Akijitetea mbele ya Hakimu Mwaniki, Diga alisema ana familia na watoto wanaomtegemea hivyo anaomba Mahakama hiyo kumwachilia kwa dhamana. Ombi la Diga mbele ya Mahakama ni baada ya kukanusha mashtaka dhidi yake kwamba alitekeleza wizi wa mabavu wa pikipiki mjini Kilifi. Taarifa ya Teclar Yeri.

Mahakama ya Kilifi kutoa uamuzi wa dhamana kwa kesi ya Kalume Diga - COCO FM 98.9

Mahakama ya Kilifi kutoa uamuzi wa dhamana kwa kesi ya Kalume Diga

https://backend.cocomedia.co.ke/wp-content/uploads/2025/11/1000246452.jpg

Kituo cha redio cha COCO FM kimeng’aa katika tuzo za kila mwaka makala ya saba za Africa Champions Awards zilizoandaliwa jijini Mombasa. Katika tamasha ya tuzo hizo Coco Fm imetambuliwa kama kituo bora na kinachokua kwa kasi zaidi nchini Kenya. Vile vile Coco FM imetwaa tuzo ya kituo bora kinachopeperusha matangazo yake kupitia sauti na video, zinazopeperushwa hewani kupitia redio na mitandao ya kijamii. Tuzo nyengine imemwendea mwanahabari nguli Lolani Kalu kutokana na taarifa na makala anazoandaa hasa zinazoangazia maisha ya mwananchi wa kawaidia. Akizungumza katika hafla hiyo, msimamizi wa kituo hicho Said Kashindo alipongeza juhudi za watangazaji wa COCO FM kwa kuangazia taarifa sahihi na zinazohusu maisha ya wakaazi vile vile matangazo na vipindi bora. Kashindo pia alimshukuru msikilizaji kwa kuamini matangazo ya stesheni ya Coco fm na kuahidi kuendelea kuwajuza mengi zaidi yanayofanyika nchini na hata ulimwenguni kwa ujumla. Taarifa ya Joseph Jira. &nbsp;

COCO fm yang’aa kwenye tuzo za Africa Champions Awards 2025 - COCO FM 98.9

COCO fm yang’aa kwenye tuzo za Africa Champions Awards 2025

https://backend.cocomedia.co.ke/wp-content/uploads/2025/11/582530169_1155825816638637_7797370496597645458_n.jpg

Timu ya taifa ya hoki ya wanaume ya Kenya, Chui, ilipata kichapo chake cha pili mfululizo katika mashindano ya Kombe la Mataifa ya Afrika (ACN) baada ya kufungwa 3-1 na mabingwa watetezi Afrika Kusini siku ya Jumapili huko Ismailia, Misri. Matokeo hayo yalikuja siku moja tu baada ya Kenya kupoteza kwa 2-1 dhidi ya wenyeji Misri siku ya Jumamosi. Keenan Horne, Mustapha Cassiem, na Davis Calvin waliifungia Afrika Kusini, huku Bethuel Masambu akipachika bao pekee la kufutia machozi kwa Kenya. Chui walianza vizuri, wakilishambulia lango la Afrika Kusini mapema na kulazimisha kosa la kiulinzi lililosababisha Samkelo Mvimbi kutolewa nje kwa rafu kali mwishoni mwa robo ya kwanza, ambayo ilimalizika bila bao. Dakika nne tu tangu kuanza kwa robo ya pili, Horne alifunga kupitia penalti kona, na kuipa Afrika Kusini uongozi. Baada ya hapo, kasi ya Kenya ilianza kushuka baada ya Charles Ashiundu kupata adhabu ya muda kwa mwenendo usio wa kiungwana. Cassiem aliongeza bao la pili kwa Afrika Kusini dakika ya 23 kwa shuti safi la uwanjani, na kuwapa mabingwa hao uongozi wa 2-0 hadi mapumziko. Katika robo ya tatu, Kenya ilibadilisha mbinu na kufanikiwa kupata penalti kona dakika ya tisa, ambapo Masambu alifunga na kupunguza pengo, jambo lililowasha tena matumaini ya kurejea mchezoni. Hata hivyo, Afrika Kusini ilijipanga upya na kuimarisha safu ya ulinzi, huku kiungo wa Sikh Union, Cliff Omari, akikosa nafasi nzuri ya kufunga akiwa karibu na goli. Dakika tatu baada ya kuanza kwa robo ya mwisho, Davis Calvin alihakikisha ushindi wa Afrika Kusini kwa kufunga kupitia penalti kona nyingine, na kufanya matokeo kuwa 3-1. Kenya sasa itamenyana na Ghana siku ya Jumanne, wakitafuta ushindi wao wa kwanza kwenye mashindano haya, huku Afrika Kusini ikitarajiwa kukutana na Misri. Mapema siku hiyo ya Jumapili, Ghana iliicharaza Zambia kwa mabao 5-0. Baadaye jioni, Misri ilitarajiwa kumenyana na Nigeria kabla ya mashindano kusimama kwa mapumziko siku ya Jumatatu.

Timu ya taifa ya wanaume ya hoki ya Kenya, Chui, yashindwa kwa mara ya pili mfululizo kwenye Kombe la Mataifa ya Afrika (ACN) - COCO FM 98.9

Timu ya taifa ya wanaume ya hoki ya Kenya, Chui, yashindwa kwa mara ya pili mfululizo kwenye Kombe la Mataifa ya Afrika (ACN)

https://backend.cocomedia.co.ke/wp-content/uploads/2025/10/picha.webp

https://secure.gravatar.com/avatar/5b0a36d4b513016d50b4d97a232d073587fb20ecca89624df31a797e59bdf306?s=96&d=mm&r=g

Kaka JP

Utafiti uliyofanmywa na kampuni ya utafiti ya Infotrak umeonyesha wazi kwamba asilimia 57 ya wakenya wanasema kwamba taifa linaelekea mahali pabaya, asilimia 17 wakiridhishwa na mwelekeo wa taifa huku asilimia 21 wakikosa kuweka wazi mtizamo wao. Utafiti huo pia uliweka wazi kwamba wakenya wengi wanalalamikia gharama ya juu ya maisha na ukosefu wa ajira ambao umesababishwa na utawala mbaya. Akitoa ripoti ya utafiti huo, Meneja wa Utafiti kutoka Infotrak Johvine Wanyingo alisema asilimia 66 ya wakenya wanaamini kwamba gharama ya juu ya maisha imechangia pakubwa hayo hiyo. Wanyingo alisema utafiti huo ambao ulifanywa mwezi Agosti mwaka huu na kuhusisha wakenya 2,400 kote nchini umeonyesha wazi kwamba asilimia 30 ya wakenya wakilalamikia ukosefu wa ajira, asilimia 15 wakilalamikia utawala mbaya na asilimia 15 wakikosa bima ya SHA. &#8220;Mwezi Septemba mwaka jana angalia asilimia ilikuwa nusu kwa nusu lakini sasa wakenya umeonyesha kuchoka na hali ngumu ya maisha inayoendelea nchini&#8221;, alisema Wanyingo. Hata hivyo baadhi ya wakenya waliohojiwa walikuwa na mtizamo tofauti kwani asilimia 41 wamesema taifa limeshuhudia amani na utulivu, asilimia 37 wakisema serikali imetekeleza maendeleo na asilimia 28 wakisema uchumi wa nchi unaimarika. Taarifa ya Mwahoka Mtsumi

Asilimia 57 ya wakenya wanasema taifa linaelekea mahali pabaya - COCO FM 98.9

Asilimia 57 ya wakenya wanasema taifa linaelekea mahali pabaya

https://backend.cocomedia.co.ke/wp-content/uploads/2025/09/glenhclolyhstozu2361195eaaeaeea.jpg

Naibu Chifu wa eneo la Sabaki eneo bunge la Magarini kaunti ya Kilifi Rachael Malingi amewahimiza kina mama wajawazito kuhakikisha wanafika hospitalini ili kujifungua salama. Akizungumza mjini Malindi, Malingi alisema baadhi ya kina mama ambao ni wajawazito wanaenda kwa waombezi na wakunga badala ya hospitalini hali ambayo inahatarisha maisha ya mama na mtoto aliye tumboni. Malingi alisema vifo vya kina mama kufariki wanapojifungua nyumbani vitadhibitiwa ikiwa watatilia maanani suala la kuenda hospitalini. ‘’Ningependa kuhimiza wale wazazi ambao bado wanapata watoto tafadhalini tukaweze kupata watoto hospitalini. Hii mambo ya kuenda kwa waombezi, mambo ya kuenda kwa waganga na wewe ni mjamzito hiyo hatutaruhusu’’ alisema Malingi. Naye Teresiah Ilobi ambaye ni mhudumu wa afya kutoka shirika la Shamiri Afrika aliwahimiza wanaume kuambatana na wenza wao wajawazito hadi kliniki ili kupata ushauri wa kitaalamu kuhusu afya ya uzazi. ‘’ Wababa muambatane na wamama kuelekea hospitalini ina umuhimu wake.Sisi kama wahudumu wa afya tunapata wakati mgumu sana wakati mama amefika na hali ya afya yake haijui’’ alisisitiza Ilobi Ni kauli ambayo iliungwa mkono na Malingi na kusisitiza umuhimu wa wananchi kuwa na hulka ya kufika hospitalini kufanyiwa vipimo vya afya mara kwa mara. Katika suala la usafi Malingi alisema mji wa Malindi unapaswa kusafishwa ili kudhibiti mlipuko wa magonjwa mbalimbali huku baadhi ya wakazi wakiinyooshea kidole cha lawama ofisi husika. Taarifa ya Janet Mumbi

Maafisa tawala wahimiza kina mama wajawazito kujifungulia hospitali - COCO FM 98.9

Maafisa tawala wahimiza kina mama wajawazito kujifungulia hospitali

https://backend.cocomedia.co.ke/wp-content/uploads/2025/09/WhatsApp-Image-2025-09-18-at-00.12.49-scaled.jpeg

Rais William Samoei Ruto amesema usajili wa makurutu watakaojiunga na huduma ya vijana kwa taifa NYS utaongezeka kutoka vijana 18,000 hadi 100,000 katika miaka mitatu ijayo. Akizungumza katika hafla ya 89 ya kufuzu kwa makurutu wa NYS katika kambi ya Gilgil katika kaunti ya Nakuru, Rais Ruto alisema ongezeko hilo linaonyesha uimarishaji katika mafunzo na ujuzi ili kudhibiti hali ya ukosefu wa kazi miongoni mwa vijana nchini. ‘’Serikali pia imeanzisha mipango kadhaa inayolenga kukabiliana na ukosefu wa ajira kwa vijana’’ alisema rais Ruto. Rais Ruto pia alisema NYS imekuwa yenye tija katika masuala ya kama ya kilimo, uhandisi na ujenzi miongoni mwa mengine. &#8220;Tayari inazalisha unga wa mahindi, mafuta ya kupika, na bidhaa za matunda, kupunguza gharama, na kuzalisha mapato. Hivi karibuni, NYS pia itatoa sifa zinazotambulika kitaifa na kimataifa.&#8221; aliongeza rais Ruto. Zaidi ya makurutu 18,000 idadi ambayo ni kubwa zaidi katika historia ya NYS, baada ya kufanya mafunzo ya miezi sita rais Ruto aliagiza wizara ya mambo ya ndani kuhakikisha makurutu 4000 wanajiunga na huduma ya kitaifa kwa polisi wakati wa kuwasajili makurutu 10,000 katika usajili ujao wa maafisa wa polisi. Waliohudhuria hafla hiyo ni Gavana wa Nakuru Susan Kihika, waziri wa utumishi wa umma nchini Geoffrey Ruku na Kamanda Mkuu wa NYS James Tembur. Taarifa ya Janet Mumbi

Rais Ruto: Usajili wa makurutu wa NYS utaongezeka hadi laki moja - COCO FM 98.9

Rais Ruto: Usajili wa makurutu wa NYS utaongezeka hadi laki moja

https://backend.cocomedia.co.ke/wp-content/uploads/2025/08/WhatsApp-Image-2025-08-28-at-02.11.43.jpeg

Siku kumi baada ya mwanablogu Ndiang’ui Kinyagia kutoweka, kesi ya kumtaka inspecta jenerali wa polisi Doglas Kanja kueleza alipo mwanablogu huyo iliendelea kusikilizwa katika mahakama ya Milimani jijini Nairobi. Inspecta jenerali wa polisi Douglas Kanja pamoja na mkurugenzi wa idara ya upelelezi wa makosa ya jinai DCI Mohammed Amin walikosa kufika katika mahakama kama ilivyo amriwa hapo awali. Haya yanajiri huku maafisa wa DCI wakiongozwa na mkurugenzi wa DCI wakiiambia mahakama siku ya jumatatu 30 juni 2025 kwamba hawakumkamata mwanablogu huyo. Kwa upande wake Jaji Chacha Mwita aliwataka wawili hao kuhakikisha wanaeleza alipo mwanablogu huyo. “Hakuna vile mtu anaweza toweka ghafla na hajulikani alipo, hatutaki maneno mengi tunachotaka ni huyu mtu ako wapi mleteni mbele ya mahakama awe hai au mfu tunachotaka ni huyu mtu yupo wai?”,aliuliza jaji Chacha Mwita. Viongozi mbalimbali akiwemo kinara wa chama cha PLP Martha Karua, mbunge wa Embakasi Mashariki Paul Ongili Owino maarufu Babu Owino miongoni mwa viongozi wengine walihudhuria kikao cha kesi hiyo huku Karua akisema kwamba, wawili hao wameonyesha utovu mkubwa na nidhamu kwa kukiuka amri ya mahakama. Ikumbukwe kwamba mwanablogu Kinyagia alikamatwa tarehe 21 juni 2025 kwa kosa la uhalifu wa kimitandao ikiwa ni kuchapisha ratiba ya maandamano yaliyofanyika Jumatano tarehe 25 Juni 2025. Taarifa ya Elizabeth Mwende

Douglas Kanja, Mohammed Amin wakosa kufika mahakamani. - COCO FM 98.9

Douglas Kanja, Mohammed Amin wakosa kufika mahakamani.

https://backend.cocomedia.co.ke/wp-content/uploads/2025/07/DOUGLAS-KANJA.jpg

MOMBASA – Serikali ya Kaunti ya Mombasa imetakiwa kuchukua hatua za haraka kuondoa taka zilizorundikana katika soko la Marikiti, hatua inayolenga kupunguza hatari ya kiafya na uvundo unaosababishwa na uchafu huo, hasa katika msimu huu wa mvua. Akizungumza na wanahabari, Mwenyekiti wa soko hilo, Muhammad Ali, amesema kuwa hali ya uchafu sokoni hapo imefikia kiwango cha kutisha, huku baadhi ya wanunuzi wakikwepa kufika sokoni humo kutokana na harufu kali na mazingira yasiyovutia. &#8220;Tumejaribu kuwasiliana na serikali ya kaunti mara kadhaa kuhusu suala hili, lakini hadi sasa hatujapata suluhisho la kudumu. Taka zimejaa kila kona ya soko, na hali hii si tu inatishia afya ya wananchi, bali pia inasababisha hasara kwa wafanyabiashara,&#8221; alisema Ali. Kwa mujibu wa mwenyekiti huyo, mvutano kati ya serikali ya kaunti na baadhi ya wafanyabiashara kuhusu ni nani anapaswa kukusanya taka umekuwa kizingiti kikuu katika kutatua changamoto hiyo. Hata hivyo, amesisitiza kuwa ni jukumu la moja kwa moja la serikali ya kaunti kuhakikisha kuwa huduma za ukusanyaji taka zinatolewa kwa wakati katika masoko yote ya umma. “Hili si suala la kubebana lawama. Serikali ya kaunti ina wajibu wa kuhakikisha mazingira safi na salama kwa wafanyabiashara na wateja,&#8221; aliongeza. Wafanyabiashara sokoni Marikiti wanasema hali hiyo imeathiri sana mapato yao, huku wakiitaka kaunti kuingilia kati na kurejesha heshima ya soko hilo linalohudumia maelfu ya wakazi wa Mombasa kila siku.

Kaunti ya Mombasa Yatakiwa Kuchukua Hatua za Dharura Kusafisha Soko la Marikiti - COCO FM 98.9

Kaunti ya Mombasa Yatakiwa Kuchukua Hatua za Dharura Kusafisha Soko la Marikiti

https://backend.cocomedia.co.ke/wp-content/uploads/2025/06/1623234880-marikiti-4.jpg

https://secure.gravatar.com/avatar/542824b2f603b4c6c1a07eac72a156288492bd0e87141791bd4d2cc8bd795f0c?s=96&d=mm&r=g

Pauline Mwango

News

News Archives - COCO FM 98.9

Kikao cha kutafuta mwafaka kuhusu mzozo uliyoshuhudiwa kati ya wakaazi wa eneo la Jaribuni kaunti ya Kilifi na wawekezaji wa timbo za eneo hilo uliyosababisha kufungwa kwa barabara, kilifanyika ramsi. Kikao hicho kilichoongozwa na Waziri wa madini na Uchumi samawati nchini Ali Hassan Joho kilijumuisha pia wawekezaji wa timbo hizo na wenyeji kama hatua moja wapo ya kuibuka na mwafaka. Kikao hicho ambacho pia kilihudhuriwa na Gavana wa Kilifi Gedion Mung’aro kimeshuhudia kuanzishwa kwa mradi wa ujenzi wa barabara zinazoelekea katika timbo za eneo hilo la Jaribuni. Japo barabara hizo zimesalia kufungwa kufuatia maandamano yaliyoshuhudiwa ya wenyeji wakilalamikia uchafuzi wa mazingira, ubovu wa barabara pamoja na kupuuzwa kwa miradi ya maendeleo, huenda sasa mwafaka wa mzozo huo ukapatikana

Ujenzi wa Barabara ya Kuelekea Timbo za Jaribuni Kuanza - COCO FM 98.9

Ujenzi wa Barabara ya Kuelekea Timbo za Jaribuni Kuanza

https://backend.cocomedia.co.ke/wp-content/uploads/2025/04/1000472573.jpg

Serikali imejitokeza na kupinga taarifa zinazoendelea katika mitandao ya kijamii kwamba inalenga kuwasilisha mswada wa fedha wa mwaka wa 2025 bungeni ambao unalenga kuongeza ushuru kwa wakenya. Msemaji wa Serikali Isaac Mwaura amesema taarifa hizo ni propaganda zisizo na ukweli wowote na ambazo zinalenga kuwagonganisha wakenya kama ilivyoshuhudiwa mwezi Juni mwaka wa 2024 wakati wananchi walipozua vurugu kupinga mswada wa fedha. Katika kikao na Wanahabari katika jumba la mikutano la KICC jijini Nairobi, Mwaura amesema japo serikali iko na mipango ya kutengeneza bajeti ya mwaka wa kifedha wa 2025/2026, ni lazima wananchi wahusishwe kikamilifu katika vikao vya kutoa maoni ya umma. Msemaji huyo wa serikali amebainisha kwamba serikali itahakikisha inawashikiza wakenya wanaokwepa kulipa ushuru kuwajibika huku akisema wakenya zaidi ya milioni 8.5 wamenufaika na bima ya Afya ya Taifa Care. Wakati huo huo ameelezea hatua zilizopigwa na serikali za kimaendeleo katika kipindi cha zaidi ya miaka miwili sasa, akisisitiza haja ya wakenya kuunga mkono serikali kufanikisha ajenda yake ya maendeleo kwa wananchi wote.

Mwaura: Hakuna Mswada wa Fedha wa Mwaka 2025 uliyowasilishwa Bungeni - COCO FM 98.9

Mwaura: Hakuna Mswada wa Fedha wa Mwaka 2025 uliyowasilishwa Bungeni

https://backend.cocomedia.co.ke/wp-content/uploads/2025/04/1000471629.jpg