Huku ama Kule! Bavyombo Azua Gumzo Mitandaoni Kisa Siasa za 2027 Kilifi

Fadhili Bavyombo, msanii maarufu wa muziki wa bango kutoka Pwani ya Kenya, amezua mjadala mkubwa mitandaoni baada ya kuchapisha ujumbe tata wa kisiasa kwenye ukurasa wake wa Facebook. Ujumbe huo uliowalenga wanasiasa wakuu wa Kaunti ya Kilifi umevutia maelfu ya mashabiki na kuchochea maoni mbalimbali kuhusu uchaguzi wa Gavana wa Kilifi mwaka 2027.

Katika chapisho hilo, Bavyombo aliandika:

“Wananichanganya 😅 Sijui huku ama kule… Hebu leo nambieni… Ninacho kiskia huku ndicho ninacho kiskia kule…”

Ujumbe huu uliambatana na picha za Gideon Mung’aro (Gavana wa sasa wa Kilifi) na Aisha Jumwa (aliyekuwa Mbunge wa Malindi, sasa akilenga kiti cha ugavana 2027). Kwa kutumia majina ya mafumbo, aliwataja kama Huku na Kule – jambo lililozua utani, hisia kali na mijadala ya kisiasa

Chapisho hilo liliambatana na picha za wanasiasa wawili wa kaunti Kilifi – Gideon Mung’aro (Gavana wa sasa) na Aisha Jumwa (aliyewahi kuwa Mbunge wa Malindi na sasa akimezea mate kiti cha ugavana 2027). Katika lugha ya mafumbo, Mung’aro aliitwa HUKU, na Jumwa KULE – jambo lililowapa mashabiki wake nafasi ya kuchangia kwa hisia kali na zenye utani mwingi.

Chapisho hilo limepokelewa kwa mitazamo tofauti, huku baadhi ya mashabiki wakitoa maoni ya kuunga mkono, ya kuchekesha na ya kisiasa:

• Mwangiri Ndoro: “Mng’aro hata 20 ana deserve. Jumwa ni mama mzuri lakini ana majivuno.”

• Ben Bello: “Siasa ni maslahi tu mkuu!”

• Simon Gambo: “Pale unafaidika tu bro, siyo hisia.”

• Masika Mcute: “Tuko huku sisi. Kule kwa matanga hatuwezi!”

• Senior Mwayele: “Fata kazi yako ya usanii. Huyawezi!”

Wengine walienda mbali zaidi kwa kukosoa wagombea moja kwa moja:

• 🏚️ Davis Mwalimu: “Jumwa aolewe kwanza. Nyumba ilimshinda ataweza Kilifi?”

Wasanii na Siasa: Nafasi ya Bavyombo Katika Mjadala wa Umma

Ujumbe wa Bavyombo unadhihirisha kuwa wasanii wana ushawishi mkubwa katika kuanzisha mijadala kuhusu uongozi. Wengine wamepongeza ujasiri wake huku baadhi wakihimiza abakie kwenye kazi ya muziki.

Kwa kutumia tu swali rahisi – “Huku ama Kule?” – Bavyombo amehamasisha mijadala kuhusu mustakabali wa Kilifi, mwaka 2027.

🤔 Je, Wewe Upo Huku au Kule ama Hauko Popote?

Nambie kwenye maoni: Ni nani anayefaa kuliongoza jimbo la Kilifi mwaka 2027? Na je, unaona wasanii kama Bavyombo wakipaswa kushiriki katika mijadala ya kisiasa?