Business

Business Archives - COCO FM 98.9

news

news Archives - COCO FM 98.9

Vijana humu nchini wamehimizwa kukumbatia ukulima wa bustani ili kujiiinua kiuchumi. Kulingana na Swalehe Joha ambaye anaendeleza kilimo hicho kutumia mitungi, alisema wakulima wanaweza endeleza kilimo bila hata kuwa na shamba. Akizungumza na coco fm Joha alisema kuwa ameendelea kufaidika kupitia kilimo hicho cha bustani huku akiwata vijana hasa wanabodaboda kujihusisha na kilimo hicho ili kujinufaisha. Aidha Joha alieleza kuwa kupitia aina ya kilimo hicho amepata faida kwani mtungi mmoja anaweza kupanda mimea 20 jambo ambalo anataja kuimarisha maisha. Aliwashauri vijana ambao hawana ajira pamoja na wahudumu wa bodaboda kukumbatia aina hii ya kilimo ili kujiendeleza kimaisha na kukoma kulaumu serikali kutokana na uhaba wa ajira. Taarifa ya Pauline Mwango

Vijana nchini wahimizwa kukumbatia kilimo bustani - COCO FM 98.9

Vijana nchini wahimizwa kukumbatia kilimo bustani

Comment

https://backend.cocomedia.co.ke/wp-content/uploads/2025/09/Garden-Farming.jpeg

Home

COCO FM 98.9

https://backend.cocomedia.co.ke/wp-content/uploads/2024/10/cropped-Cocomedia-Logo-New.png

https://secure.gravatar.com/avatar/f498acb3e6d05ff2e4db9e308e3e11f563ce6dff94ad74c006699a77fe1e8f47?s=96&d=mm&r=g

Mwahoka

Entertainment

Entertainment Archives - COCO FM 98.9

Mwanamuziki nyota wa Kenya, Bien-Aimé Baraza almaarufu Bien, amepata nafasi kubwa ya kimataifa baada ya kutajwa miongoni mwa wasanii watakaotumbuiza kwenye tamasha la Afro Nation Portugal 2026. Tamasha hilo, litakalofanyika Julai 3–5 mjini Portimão, Algarve, litawakutanisha nguli wa muziki wa Afrobeats, hip-hop na burudani ya kimataifa. Bien atashiriki jukwaa moja na mastaa wa kimataifa akiwemo Wizkid, Asake, Tyla, Gunna, Mariah the Scientist na Olamide, katika toleo linalotarajiwa kuwa miongoni mwa yale yenye mvuto mkubwa zaidi. Afro Nation limekua tamasha kubwa zaidi duniani la kusherehekea muziki wa Afrobeats na urban, likivutia makumi ya maelfu ya mashabiki kutoka kila pembe ya dunia. Hii nakuwa hatua nyingine muhimu katika safari ya Bien kama msanii wa kujitegemea. Akitambulika kwa sauti yake ya kipekee na uandishi wa nyimbo wa hali ya juu, Bien ameendelea kujijenga kama mmoja wa watumbuizaji mahiri barani Afrika. Kujumuishwa kwake kwenye orodha ya wasanii wa Afro Nation kumepokelewa kwa shangwe na mashabiki, wakikitaja kama wakati wa kihistoria unaoimarisha nafasi ya Kenya katika jukwaa la muziki wa kimataifa. Kwa Bien, tukio hili si tu ushindi wa kibinafsi, bali pia ni hatua ya kupeperusha bendera ya Kenya kwa fahari. Kwa miaka mingi, amekuwa akizungumza kwa msisimko kuhusu haja ya wasanii wa Kenya kupenya katika masoko ya kimataifa, akisisitiza uimara, ubunifu na ushirikiano wa kimataifa kama nguzo kuu za mafanikio. Bien alijitokeza kwa mara ya kwanza kama mmoja wa waanzilishi wa kundi la Sauti Sol, bendi ya Afro-pop iliyoshinda tuzo na kujulikana katika bara zima la Afrika. Kupitia vibao maarufu kama Suzanna, Sura Yako na Short N Sweet, kundi la Sauti Sol lilijipatia umaarufu kwa mchanganyiko wao wa kipekee wa Afrobeat, R&amp;B na midundo ya sauti za kuvutia. Kundi hilo liliendelea kushinda tuzo mbalimbali za bara, ikiwemo MTV Africa Music Awards, na hata kuteuliwa kwa tuzo za BET. Baada ya kutangaza kupumzika ili kila mmoja afuate miradi ya kibinafsi, Bien alijidhihirisha haraka kama nguvu ya kipekee katika muziki. Nyimbo zake binafsi na ushirikiano wake na wasanii wengine zimekuwa zikishika nafasi za juu kwenye chati za muziki nchini Kenya na nje, huku uwazi wake katika masuala ya mapenzi, udhaifu wa kibinadamu na afya ya akili ukimfanya azidi kuwapendekea mashabiki. Kuutumbuiza katika Afro Nation kunachukuliwa kama fursa ya kubadilisha kabisa mwelekeo wa maisha ya muziki wa msanii. Matoleo ya awali yamemkaribisha wakali wa kimataifa kama Burna Boy, Davido, Megan Thee Stallion na Chris Brown, jambo lililolipa tamasha hili sifa ya kuwa jukwaa kuu la kuonesha ubora wa Afrobeats na muziki wa diaspora. Kuwepo kwa Bien jukwaa moja na mastaa kama Wizkid na Asake kutamwezesha kufikiwa na mashabiki wapya na kuendelea kujenga ufuasi wa kimataifa. Kwa mashabiki wa Kenya, huu ni wakati wa fahari kuona mmoja wao akiwakilisha katika jukwaa lenye heshima kubwa kama hili. Onyesho la Bien linatarajiwa kuwa moja ya vivutio vikuu vya tamasha hilo, na wengi wanaamini litafungua sura mpya katika safari yake kama msanii wa kujitegemea

Bien Kupeperusha Bendera ya Kenya Afro Nation Portugal 2026 - COCO FM 98.9

Bien Kupeperusha Bendera ya Kenya Afro Nation Portugal 2026

https://backend.cocomedia.co.ke/wp-content/uploads/2025/10/Untitled-design-2.png

https://secure.gravatar.com/avatar/1d41f0acaa4c67d07f3af545313789fb5ba59fc8fc42d1d52ece451eac375e1d?s=96&d=mm&r=g

Elvis Baya

Sports

Sports Archives - COCO FM 98.9

Mashindano ya nne ya kila mwaka ya Lamu7s Rugby Tournament, yaliyoandaliwa na Waridi Foundation, yamethibitisha nafasi ya michezo katika kuonyesha muunganiko wa kuwawezesha vijana, utalii endelevu, na maendeleo ya jamii. Athari za mashindano haya zilienea zaidi ya uwanjani. Yakiwa yamefanyika katika Siku ya Utalii Duniani, tukio hilo liliunganisha mpango wa “Plant &amp; Play”, ambapo mikoko 5,000 ilipandwa kando ya pwani ya Lamu, kulikuwa na kampeni ya kusafisha mji, pamoja na kutangaza vivutio vya kiutalii vya mazingira asilia vya Lamu kama vile Msitu wa Pangani, Ziwa Kenyatta, na zaidi ya aina 126 za ndege. Shughuli hizi ziliendana na mwito wa kimataifa wa utalii endelevu huku zikifaidisha moja kwa moja mazingira ya wenyeji. Mwanzilishi wa Waridi Foundation, Jennifer Waridi, ambaye alianza mashindano haya alipokuwa Miss Tourism Kenya mwaka 2017, alisisitiza dhamira pana ya mashindano hayo: “Lamu ni kituo cha kipekee cha utalii—kuanzia fukwe zake za mchanga hadi vivutio vya eco-tourism vya bara. Lamu7s linaunganisha michezo, uendelevu, na utalii ili kuunda nafasi kwa vijana wetu.” Mashindano haya yameungwa mkono na washirika kama vile Green Pamoja Initiatives, Asali Mikoko, Pride of Lamu, White Label Entertainment, na Chama cha Waislamu wa Lamu, na yamekuwa mfano wa jinsi michezo inaweza kuendesha maendeleo ya kijamii na kiuchumi. Licha ya changamoto za kimuundo, mashindano ya timu nne yaliyoshirikisha Mpeketoni Girls Rugby Team, Young Cubs Mpeketoni, na Malindi Turtles yalivutia watazamaji kutoka sehemu kubwa ya Kaunti ya Lamu. Malindi Turtles walitetea taji lao kwa ushindi wa 12–0, lakini ushindi mkubwa ulikuwa ni hamasa inayokua kwa rugby katika eneo ambalo bado mchezo huo unaendelea kuimarika. Kwa mara ya kwanza, timu zote shiriki zilipokea zawadi za fedha taslimu—hatua iliyolenga kuthamini jitihada na kuhamasisha ushiriki mkubwa wa mizizi. Viongozi akiwemo Naibu Gavana Dkt. Mubarak Bhajaj na maafisa kadhaa wa kaunti waliapa kuunga mkono rugby kwa muda mrefu kupitia utoaji wa vifaa na sare. Mwanamuziki mashuhuri wa Pwani Susumila aliipa ladha ya kitamaduni kupitia onyesho lililoadhimisha vipaji vya wenyeji. Kwa umaarufu unaokua na mtazamo wake wa pande nyingi, Lamu7s inajipanga kama tukio kuu ambalo si tu linakuza vipaji vya michezo bali pia linaendeleza fahari ya jamii na ulinzi wa mazingira.

Lamu7s Rugby: Michezo, Utalii Endelevu na Vijana Kuunganishwa kwa Mafanikio - COCO FM 98.9

Lamu7s Rugby: Michezo, Utalii Endelevu na Vijana Kuunganishwa kwa Mafanikio

https://backend.cocomedia.co.ke/wp-content/uploads/2025/10/raga.webp

https://secure.gravatar.com/avatar/5b0a36d4b513016d50b4d97a232d073587fb20ecca89624df31a797e59bdf306?s=96&d=mm&r=g

Kaka JP

Mashindano ya kandanda ya kombe la Dola yamezinduliwa rasmi hii leo mjini Mombasa. Mashindano hayo ambayo yanajumuisha timu ishirini kutoka kaunti za Mombasa, Kwale na Kilifi, yanatarajiwa kufanyika kwa kipindi cha mwezi mmoja katika uwanja wa Mombasa Sports Club. Akizungumza na wanahabari, Afisa wa Mawasiliano wa Kampuni ya Dola, Hassan Ibrahim, amesema mashindano haya yamelenga kuwapa vijana fursa ya kuonyesha vipaji vyao, pamoja na kuwaweka katika nafasi nzuri ya kujikuza kisoka. Aidha amebainisha kuwa mshindi wa mashindano haya atajinyakulia kitita cha shilingi nusu milioni, huku timu zitakazomaliza katika nafasi ya pili hadi ya nne zikijishindia zawadi ya kati ya shilingi laki mbili na nusu hadi elfu hamsini. Aidha, wachezaji binafsi watakaoonyesha kiwango cha juu cha mchezo watatunukiwa shilingi elfu ishirini kila mmoja. &#8220;Leo tunaanza ukurasa mpya wa makala ya mwaka huu kombe la SISINIDOLA Kaunti za Mombasa,kwale na Kilifi,Mshindi atapokea nusu milioni naye wa pili mpaka nafasi ya nne watanufaika na pesa hadi laki mbili wa nafasi ya nne kando na wachezaji kutuzwa.&#8221; Kwa upande wake, Mwenyekiti wa Shirikisho la Soka FKF Kaunti ya Mombasa, Allamin Abdallah, amewataka vijana wanaoshiriki kutumia nafasi hiyo kama jukwaa la kujitangaza na kujiendeleza kisoka. &#8220;mashindano haya ni fursa kwa vijana kuonyesha uwezo walio nao kwani ukanda wa pwani inajulikana kwa mapenzi ya dhati kwa soka .&#8221; Nao Kocha Rajab Babuu, ambaye ni msimamizi wa Mombasa Sports Club, amemtaka mfadhili wa mashindano hayo kuhakikisha kuwa wanawafuata kwa karibu wachezaji watakaoibuka na vipaji, ili kuwapa mwongozo na kuwaendeleza katika taaluma yao ya kandanda. &#8220;Haya mashindani ni jambo zuri kwa vijana wetu na naomba mfadhili wetu wafuatilie vijana ili vipaji vyao pamoja na values ziwe katika hali shwari.&#8221; Meshi hizo zimeongoa nanga rasmi uwanjani Mombasa Sports Club hii leo.

Mashindano ya kandanda ya Kombe la Dola yamezinduliwa rasmi hii leo katika kaunti ya Mombasa. - COCO FM 98.9

Mashindano ya kandanda ya Kombe la Dola yamezinduliwa rasmi hii leo katika kaunti ya Mombasa.

https://backend.cocomedia.co.ke/wp-content/uploads/2025/10/DOLA-2.jpg

News

News Archives - COCO FM 98.9

Mwanasiasa Stanley Kenga Karisa imejiunga rasmi na Chama cha DCP kinachoongozwa na Rigathi Gachagua. Kenga amejiunga na Chama hicho ili kugombea ubunge wa Magarini kaunti ya Kilifi utakaoandaliwa Novemba 27 mwaka huu baada ya kushurutishwa kujiondoa katika kinyang’anyiro hicho kupitia chama cha UDA., Akizungumza baada kukabidhiwa tiketi ya DCP na Kinara wa chama hicho Rigathi Gachagua, Kenga alipongeza uamuzi wa Chama cha DCP kwa kumpa nafasi ya kugombea ubunge wa Magarini, akisema wakaazi wa Magarini wako na nafasi nyengine katika uchaguzi huo mdogo. &#8220;Wakati milango ilipofungwa ile ng&#8217;ambo ya pili hapa DCP, mlitufungulia milango, mkatupokea na tunashukuru. Kwa sababu mmepekea nafasi kwa jamii ya Magarini tuwezekuwa kwa debe kwa huu uchaguzi mdogo ambao unakuja tarehe 27 mwezi wa Novemba, ninasema kwamba tuko tayari na tutachukua kiti cha Magarini kupitia DCP&#8221;, alisema Kenga. Wakati huo huo aliahidi kuhakikisha Chama cha DCP kinashinda uchaguzi huo mdogo wa Magarini, huku akiwarai wafausi wake kutorudi nyuma katika kupigania demokrasia. Taarifa ya Mwahoka Mtsumi 

Stanley Kenga kupeperusha bendera ya DCP-Magarini - COCO FM 98.9

Stanley Kenga kupeperusha bendera ya DCP-Magarini

https://backend.cocomedia.co.ke/wp-content/uploads/2025/10/WhatsApp-Image-2025-10-03-at-01.24.41.jpeg

0-0x0-0-0#

Familia moja eneo la Junju kaunti ya Kilifi inalilia haki baada mtoto wao kwa jina Anestine Dzidza Tunje mwanafunzi mwenye umri wa miaka 15 wa Gredi ya 8 katika shule ya Msingi ya Gongoni iliyoko Junju anayedaiwa kupigwa na mwalimu hadi kuvuja damu ndani ya kichwa chake hali iliyomfanya kufariki. Akizungumza na waandishi wa habari nje ya hospitali ya rufaa mjini Kilifi kaunti ya Kilifi, Alex Tunje Mzungu alisema kuwa mwanawe alianza kusema ana maumivu kwenye mwili wake hali iliyomfanya kupeleka hospitalini ili kupata huduma za matibabu katika hospitali ya Vipingo. Mzungu alisema kuwa mwanawe alizidiwa na ndipo alipochukua hatua ya kumpeleka pia katika hospitali ya rufaa mjini Kilifi ambapo alilazwa na kisha kufariki na kulingana na ripoti ya upasuaji kutoka kwa daktari marehemu alifariki kutokana na hali ya kuvuja damu ndani ya kichwa chake. &#8220;Nikamuuliza vipi waendeleaje akisema anaskia vibaya nikamchukua nikampeleka hospitali’’ alisema Mzungu Kwa upande wake Jimmy Thoya na Caroline Mbeyu ambao pia ni wanafamilia waliitaka idara ya usalama kumchukulia hatua za kisheria mwalimu huyo na pia kuweka mikakati ambayo itadhibiti visa kama hivyo kutokea shuleni. Kwa upande wake Salome Karisa ambaye ni mtetezi wa haki za watoto alikashifu kitendo hicho na kuahidi kama mashirika ya kutetea haki za kibinadamu watahakikisha haki inapatikana kwa familia hiyo. &#8220;Tunapinga vikali kitendo kama hiki ya uvunjaji wa sheria hususan kwa haki za watoto na tunaomba yule mwalimu aliyehusika apate kuchukuliwa hatua’’ alisema Karisa Taarifa ya Janet Mumbi

Familia yalilia haki baada ya mtoto wao kufariki baada ya kupigwa kichwa na mwalimu - COCO FM 98.9

Familia yalilia haki baada ya mtoto wao kufariki baada ya kupigwa kichwa na mwalimu

https://backend.cocomedia.co.ke/wp-content/uploads/2025/09/IMG_20250930_121908_678-scaled.jpg