Entertainment

Entertainment Archives - COCO FM 98.9

Wimbo Diamond Platnumz na Ciara “Low” umeingia rasmi kwenye chati kubwa za muziki Marekani, ukishika nafasi ya #37 kwenye Billboard Mainstream R&amp;B/Hip-Hop Airplay na #49 kwenye Billboard R&amp;B/Hip-Hop Airplay. Wawili hao waliungana katika wimbo “Low”, wimbo wa mapenzi unaochanganya mizizi ya R&amp;B ya Ciara na melodi za Kiswahili pamoja na midundo ya kipekee ya Bongo Flava ya Diamond Platnumz. Hii ni hatua kubwa sio tu kwa muziki wa Tanzania lakini pia kwa Afrika Mashariki. Kwa mara nyengine tena, Diamond anaonesha uwezo wa wasanii wa Afrika Mashariki kutokea kwenye majukwaa makubwa duniani. Ushirikiano wake na wasanii wa kimataifa kama Ciara unaendelea kufungua milango mipya kwa muziki wa Tanzania na Afrika Mashariki, ukiongeza thamani ya muziki wetu katika soko la kimataifa. Baadhi ya nyimbo za Diamond Platnumz na wasanii wa kimataifa “Wasted Energy” – Alicia Keys ft. Diamond Platnumz. “Waka” – Diamond Platnumz ft. Rick Ross. “Nana” – Diamond Platnumz ft. Flavour (Nigeria). “Inama” – Diamond Platnumz ft. Fally Ipupa. “Kidogo” – Diamond Platnumz ft. P-Square (Nigeria). “African Beauty” – Diamond Platnumz ft. Omarion (USA). “Marry You ” – Diamond Platnumz ft. Ne-Yo (USA)

Wimbo wa Diamond Platnumz na Ciara LOW Waingia Kwenye Chati ya Kimataifa - COCO FM 98.9

Wimbo wa Diamond Platnumz na Ciara LOW Waingia Kwenye Chati ya Kimataifa

Comment

https://backend.cocomedia.co.ke/wp-content/uploads/2025/10/diamond.jpg

Home

COCO FM 98.9

https://backend.cocomedia.co.ke/wp-content/uploads/2024/10/cropped-Cocomedia-Logo-New.png

https://secure.gravatar.com/avatar/1d41f0acaa4c67d07f3af545313789fb5ba59fc8fc42d1d52ece451eac375e1d?s=96&d=mm&r=g

Elvis Baya

Tech

Tech Archives - COCO FM 98.9

Kama umewahi kushughulika na stakabadhi za serikali nchini Kenya, bila shaka unajua jinsi safari hiyo ilivyo ndefu — foleni zisizoisha, mahitaji yasiyoeleweka, na safari zisizo na kikomo kutoka ofisi moja hadi nyingine. Iwapo ni uhamisho wa hati miliki ya ardhi, marekebisho ya majina kwenye cheti cha KCPE/KCSE, usajili wa biashara, au uhalalishaji wa ndoa, mchakato unaweza kuwa wa kukatisha tamaa. Lakini vipi kama kungekuwa na njia rahisi, ya kisasa, na ya moja kwa moja? Usiwaze. Njia imepatikana. Njia ni eBureau. eBureau ni jukwaa la mtandaoni lililoundwa mahsusi kusaidia Wakenya kushughulikia taratibu rasmi bila usumbufu. Hapa unasahau madalali na makosa yanayogharimu pesa — eBureau inakupa uwezo wa kufanikisha kila mchakato mwenyewe, kwa ujasiri na kwa usahihi. Kupitia mwongozo wa hatua kwa hatua, eBureau inaonyesha: Fomu zipi unazohitaji kujaza, Wapi pa kuziwasilisha, Kiasi cha ada kinachohitajika, na Muda unaokadiriwa kwa kila hatua. eBureau, ni zaidi ya mwongozo — ni rafiki wako wa kidijitali katika kushinda urasimu wa Kenya. Hii haijaundwa kwa wataalamu wa teknolojia au maafisa wa serikali — imeundwa kwa sababu ya wewe na mimi. Yaani, Mkenya anayejali muda, uwazi, na uhuru. Kupitia eBureau: Unaokoa muda kwa kuepuka safari zisizo na ulazima, Unaokoa pesa kwa kuepuka madalali, Na unabaki kwenye udhibiti, ukijua kinachoendelea kila hatua ya njia. Katika nchi ambapo urasimu mara nyingi unakwamisha maendeleo, eBureau si tu urahisi — ni nguvu ya mabadiliko. Inawapa wananchi ujasiri wa kushughulikia stakabadhi zao kwa urahisi, uwazi, na usahihi. Uko tayari kuchukua udhibiti wa safari yako ya makaratasi? Tembelea eBureau.co.ke leo na ujionee jinsi mchakato unavyoweza kuwa rahisi. Na ukishajaribu — shiriki maoni yako. Maoni yako yatasaidia eBureau kuendelea kuboresha huduma zake kwa manufaa ya kila Mkenya.

eBureau; Njia Mpya ya Kukabiliana na Urasimu Nchini Kenya - COCO FM 98.9

eBureau; Njia Mpya ya Kukabiliana na Urasimu Nchini Kenya

https://backend.cocomedia.co.ke/wp-content/uploads/2025/10/man-5806012_1920-768x512-1.jpg

News

News Archives - COCO FM 98.9

news

news Archives - COCO FM 98.9

Mahakama ya Kilifi imemhukumu kifungo cha mwaka mmoja gerezani mwanaume wa umri wa miaka 30 kwa kosa la kuvamia na kumjeruhi mwenzake. Akitoa hukumu hiyo, Hakimu wa Mahakama hiyo Ivy Wasike amesema hukumu hiyo imezingatia uzito wa kesi hiyo na ushahidi wa pande zote uliotolewa mbele ya Mahakama kuhusu kesi hiyo. Hukumu hiyo imetolewa baada ya kiongozi wa mashtaka Nancy Njeru kueleza Mahakama kwamba mshtakiwa Kelvin Fujo Magogo ana rekodi ya uhalifu wa wizi wa mifugo na kesi hiyo iko katika Mahakama hiyo. Awali kabla ya hukumu hiyo kutolewa, Mahakama ilielezwa kwamba mshtakiwa Fujo, mkaazi wa Madamani wadi ya S okoke eneobunge la Ganze kaunti ya Kilifi, mnamo tarehe 14 mwezi Juni mwaka 2022 mwendo wa saa saba usiku katika eneo la Kiwandani mjini Kilifi akitumia panga alimjeruhi mlalamishi Noah Karisa Kalume. Mahakama hiyo vilevile ilielezwa kwamba mshtakiwa aliabiri pikipiki ya mlalamishi ili kupelekwa kwake ambapo baadaye aliingia ndani ya nyumba kuchukua nauli badala yake akatoka na panga na kumjeruhi mlalamishi ambaye aliokolewa na bodaboda mwenzake aliyekuwa akipita na kumfikisha hosipitalini kwa matibabu. Mshtakiwa ameelezwa kuwa ana siku 14 za kukata rufaa iwapo hajaridhishwa na hukumu hiyo. Taarifa ya Teclar Yeri

Mwanaume mmoja ahukumiwa kifungo cha mwaka mmoja gerezani kwa kosa la uvamizi - COCO FM 98.9

Mwanaume mmoja ahukumiwa kifungo cha mwaka mmoja gerezani kwa kosa la uvamizi

https://backend.cocomedia.co.ke/wp-content/uploads/2025/09/law-judge-closeup-lawyer-gavel-600nw-2346359661.webp

https://secure.gravatar.com/avatar/f498acb3e6d05ff2e4db9e308e3e11f563ce6dff94ad74c006699a77fe1e8f47?s=96&d=mm&r=g

Mwahoka

Sports

Sports Archives - COCO FM 98.9

Mahakama Kuu mjini Kakamega imetupilia mbali ombi lililowasilishwa na mlinda lango wa zamani wa Harambee Stars, Patrick Matasi, hatua ambayo imeiruhusu rasmi Shirikisho la Soka la Kenya (FKF) kuendelea na hatua za kinidhamu dhidi yake kuhusiana na madai ya upangaji wa matokeo ya mechi (match-fixing). Uamuzi huo ni ushindi mkubwa kwa FKF katika vita vyake dhidi ya udanganyifu kwenye soka, baada ya mahakama kuthibitisha kuwa shirikisho hilo lilitenda ndani ya mamlaka yake chini ya Kanuni za FKF za Kupambana na Upangaji wa Mechi. Matasi alikuwa amewasilisha kesi mwezi Aprili 2025, na kupata amri za muda (conservatory orders) zilizozuia kwa muda FKF kutekeleza adhabu yake ya kusimamishwa kwa siku 90.

Mahakama Kuu ya Kakamega yatupilia mbali ombi la Patrick Matasi, FKF yapewa ruhusa kuendelea na nidhamu dhidi yake - COCO FM 98.9

Mahakama Kuu ya Kakamega yatupilia mbali ombi la Patrick Matasi, FKF yapewa ruhusa kuendelea na nidhamu dhidi yake

https://backend.cocomedia.co.ke/wp-content/uploads/2025/10/TASI.jpg

https://secure.gravatar.com/avatar/5b0a36d4b513016d50b4d97a232d073587fb20ecca89624df31a797e59bdf306?s=96&d=mm&r=g

Kaka JP

Timu ya taifa ya Kenya ya Para Air Badminton iliibuka na ushindi mnono dhidi ya Uturuki A kwa alama 3–0 katika kipengele cha Mixed Triples na pia ikaishinda Uturuki 2 katika Mixed Triples Relays wakati wa Mashindano ya Dunia ya Michezo ya Uwezo (World Ability Sports Beach Games) yanayoendelea katika ufuo wa Pompei, Mersin, Uturuki siku ya Jumatano. Ushindi huo uliihakikishia Kenya tiketi ya kucheza fainali siku ya Alhamisi na Ijumaa mtawalia. Akizungumza baada ya mechi, kocha mkuu John Mburu alionyesha furaha kubwa kutokana na matokeo hayo, lakini alilalamikia changamoto ya ukosefu wa lugha ya kimataifa inayowaunganisha wageni. “Waamuzi wanazungumza Kituruki, bahati nzuri mmoja wa wachezaji wetu, Nicholas Keiyo, anaelewa lugha hiyo. Hilo limetusaidia sana kufanikisha ushindi huu,” alisema Mburu, ambaye aliwateua Benson Nduva, Caleb Omollo, Mary Nduku, Patrick Mwema na Boniface Were kwa mechi ya robo fainali dhidi ya Uturuki 1, ambapo Kenya ilishinda 3–0. Katika nusu fainali za Jumatano, Caleb Omollo, Patrick Mwema, Benson Nduva, Mary Nduku na Boniface Were waliichapa Uturuki 2 iliyokuwa na Sükrü Gül, Cemre Gül Arïn na Fuhat Soruklu, katika mchezo mkali uliomalizika kwa ushindi wa 3–0 kwa Kenya, na hivyo kufuzu fainali ya Ijumaa. Jioni ya Jumatano, Kenya ilijiandaa kwa pambano la Mixed Triples Relays, mbio za kusisimua ambapo timu hufukuzia kufikisha alama 60, kila robo ikiwa na alama 15, na kila timu ikiwa na wachezaji sita. Timu ya Kenya A chini ya Mburu iliwajumuisha Mary Nduku, Benson Nduva na Caleb Omollo, huku Nicholas Keiyo, Elizabeth Nabwire na Patrick Mwema wakiwa wachezaji wa akiba, walipokutana na Ali Altiparmak, Burak May, Iremnur Yazgan, Mustafa Tugra na Sedat Tumkaya wa Uturuki 1. Kenya ilianza vizuri kwa kufungua pengo kubwa — Kenya 56 dhidi ya Uturuki 29 — lakini wenyeji wakapunguza pengo hilo, na Burak May kufunga kwa sekunde za mwisho kuwapa ushindi wa 60–59, licha ya juhudi za Patrick Mwema kuokoa mchezo huo. Katika mchezo mwingine, Kenya B iliyoongozwa na Newton Gatobu, Japheth Kaikai, Ashley Autai, Boniface Were, Petronila Muhani na Martin Gikonyo ilipoteza 42–60 dhidi ya timu ya mchanganyiko ya Bahrain/Uturuki iliyokuwa na Ahmed Abuseter, Kerim Kíyak, Zeinab Ali, Sukru Gul na Elfi Dokuzluoglu. Tegemeo la mwisho la Kenya lilikuwa Kenya A kurejea kwa mchezo wa lazima kushinda dhidi ya Uturuki 2. Kwa kutumia uzoefu na mbinu zake, Kocha Mburu aliwapanga nyota wake bora — Benson Nduva, Caleb Omollo na Elizabeth Nabwire — katika robo ya mwisho iliyokuwa na mvutano mkubwa hadi sekunde za mwisho. Kenya ilishinda 60–50, ikiwanyamazisha wenyeji waliokuwa wakishangilia. Kwa ushindi huo, matumaini ya Kenya ya kupata medali katika Air Para-Badminton Mixed Triples Relays na Mixed Triples yako hai, huku timu mbili zikijihakikishia nafasi katika fainali za Alhamisi na Ijumaa.

Timu ya Taifa ya Kenya ya Para Air Badminton yashinda wenyeji Uturuki, yajikatia tiketi ya fainali - COCO FM 98.9

Timu ya Taifa ya Kenya ya Para Air Badminton yashinda wenyeji Uturuki, yajikatia tiketi ya fainali

https://backend.cocomedia.co.ke/wp-content/uploads/2025/10/59759-1.jpg

Timu ya ngumi ya Kenya iliendeleza mwendo wake mzuri katika siku ya tatu ya Mashindano ya Ngumi ya Afrika Kanda ya Tatu, ikitoa maonyesho kabambe yaliyodhihirisha kuwa ni miongoni mwa wagombea wakuu wa taji hilo. Mapambano makali ya nusu fainali yaliyofanyika katika Ukumbi wa Ndani wa Kasarani yalishuhudia mabondia wengine wawili wa Kenya — Amina Martha na Cynthia Nimiai — wakitinga fainali, na hivyo kupeleka idadi ya Wakenya waliopo fainali hadi tisa kufikia sasa. Katika pambano la nusu fainali la wanawake uzito wa bantam (52–54 kg), Amina Martha alionyesha ujasiri wa hali ya juu dhidi ya Roman Asefa Abate wa Ethiopia, akishinda kwa alama 3–2 katika uamuzi wa mgawanyo baada ya raundi tatu zilizokuwa za ushindani mkubwa. Katika uzito huo huo, Zulfa Yusufu wa Tanzania alimzidi Bisambu Bawo wa Jamhuri ya Kidemokrasia ya Kongo (DRC) kwa ushindi wa wazi wa 5–0, na hivyo kuweka jukwaa la fainali ya Afrika Mashariki kati ya Martha na Yusufu. “Kwa sasa nimefurahi sana na ninatamani kushinda dhahabu, hivyo huu ni mwanzo tu kuelekea lengo langu,” alisema Martha baada ya pambano lake. Katika uzito wa wanawake light welter (60–63 kg), Cynthia Nimiai wa Kenya alitawala pambano dhidi ya Namutebi Erina wa Uganda, akishinda kwa alama 5–0 katika uamuzi wa pamoja. Kwa matokeo hayo, Kenya sasa ina mabondia tisa waliotinga fainali, ikifuatia DRC ambayo ina wanane kumi na nne, huku Tanzania na Uganda zikifuatia kwa kuwa na mabondia watano kila moja. Kocha mkuu wa Tanzania, Msongi Hassan, aliwasifia wachezaji wake na wale wa mataifa jirani, akisema mataifa ya Afrika Mashariki yameonyesha maendeleo makubwa. “Mechi zimekuwa ngumu kwa sababu wachezaji wa Congo ni wapinzani imara, lakini mabondia wetu wameonyesha uelewa wa kiufundi na ustahimilivu mkubwa,” alisema. Kadri nusu fainali zinapokamilika, Timu ya Kenya imesisitiza kuwa imedhamiria kubadilisha matokeo mazuri hadi sasa kuwa medali za dhahabu, hatua ambayo itathibitisha hadhi yake kama nguvu inayokua katika ngumi za bara la Afrika.

Kenya yaendeleza ubabe katika Mashindano ya Ngumi ya Afrika Kanda ya Tatu - COCO FM 98.9

Kenya yaendeleza ubabe katika Mashindano ya Ngumi ya Afrika Kanda ya Tatu

https://backend.cocomedia.co.ke/wp-content/uploads/2025/10/boxing-one.webp