National News
Wakulima wa Taveta Walalamikia Uharibifu wa Mimea Yao
Wakaazi wa Mariwenyi gatuzi dogo la Mwatate kaunti ya Taita Taveta wamelalamikia uharibifu mimea yao unaosababishwa na wanyamapori katika eneo hilo.
Kisa cha hivi karibuni ni kuharibiwa kwa ekari 5 za shamba la mihogo ambao wanasema uharibifu huo umesababishwa na Ndovu hata mashamba yao huku wakiripoti kwamba mimea kama vile migomba na matikiti maji imeharibiwa na ndovu pasipo na fidia.
Wamelilaumu Shirika la huduma kwa wanyamapori, KWS kwa kile walichosema kuwa limezembea katika kuwadhibiti wanyamapori hao wanaoendelea kuwasababishia hasara.
Aidha wanaitaka serikali kupitia Shirika la KWS kuingilia kati swala hilo, wakisema wanapitia ugumu kwani tegemeo lao ni Kilimo ila mimea yao imekuwa ikiharibiwa na wanyamapori.
Wameeleza kusikitishwa na Shirika la KWS, wakisema kwamba Shirika hilo inawajali sana wanyamapori kuliko binadamu kwani limekosa kuangazia masaibu yanayowakumba mashinani.
Mwenyekiti wa kamati ya Leba katika bunge la kitaifa Ken Chonga amesema baadhi ya wakenya ambao wanasafiri katika mataifa ya miliki za kiarabu kusaka ajira wamekosa kuzingatia sheria za Wizara ya Leba nchini na kuangukia mikononi mwa walaghai.
Chonga amesema ni lazima wakenya hao wachunguze mawakala wanaowasafirisha katika mataifa hayo kama wanatambulika na serikali, ndipo waingie katika mikataba ya uajiri ambayo imezingatia sheria za Leba nchini.
Akizungumza na Wanahabari mjini Kilifi, Chonga ambaye pia ni Mbunge wa Kilifi Kusini amesema ili wakenya waepuke madhila mbalimbali kutoka kwa waajiri wao katika mataifa hayo ni lazima wasafirishwe na mawakala waliosajiliwa na serikali.
Wakati huo huo amesema japo serikali iko mbioni kuhakikisha inawatafutia wakenya kazi katika mataifa ya ughaibuni ni lazima wanaosaka ajira za ughaibuni waingie katika mkataba wa uajiri kabla ya kusafiri nje ya nchi.
Serikali ya kaunti ya Kilifi imesema visa vya dhulma za kijinsia katika kaunti hiyo vimepungua kwa kiwango kikubwa.
Kulingana na Naibu Gavana wa kaunti hiyo Flora Mbetsa Chibule, visa hivyo viliongezeka zaidi msimu wa maambukizi ya virusi vya Corona, ambapo kaunti ya Kilifi iliorodheswa nafasi ya tatu nchini baada ya kaunti ya Bungoma na Samburu.
Chibule amesema kwa sasa ni asilimia 12.3 pekee ya visa hivyo vilivyoripotiwa tofauti na asilimia 30 wakati wa maambukizi ya Corona, akisisitiza kwamba juhudi hizo zimefanikiwa kupitia ushirikiano wa jamii na wadau mbalimbali.
Kiongozi huyo amedokeza kwamba serikali ya kaunti imetoa mafunzo kwa maafisa wa kutoa ushauri nasaha ili kusaidia kupambana na visa hivyo mashinani, akisema juhudi hizo zitaendelezwa sawa na kudhibiti madhila hayo.
Wakati uo huo ameweka wazi kwamba kaunti hiyo imekamilisha ujenzi wa sehemu salama ya kuwahifadhi watoto wanaopitia dhulma za kijinsia wakati kesi zao zikiendelea Mahakamani.
Chama cha DCP chashinikiza wakenya kupinga mswada wa fedha, 2025
Mamlaka ya KPA yalalamikia changamoto zinazolemaza shughuli zake.
