Sports
Vilabu Vya KCB Na GSU Mabingwa Taji La Kenya Cup
Kilabu ya wanabenki KCB ya wanawake ndiyo mabingwa wa Voliboli taji mpya la Kenya Cup fainali iliopigwa ugani Kasarani Indoor Arena wikendi hii.
Hii ni baada ya vipusa hao wa kocha Japheth Munala kuwashinda Kenya Pipeline kwa seti 3-0 za 25-16,25-19,25-22 katika fainali kali ilipigwa katika uga huo
Kwa mujibu wa kocha huyo ni kwamba haikua mechi rahisi kwao na mabingwa wa taji la ligi ya Voliboli nchini Kenya Pipeline ila walikua wamejipanga vizuri kwa mechi hiyo kuliko mechi yoyote ile.
“Tunaheshimu sana wapinzani wetu,ila niliambiwa wachezaji wangu wamejitoe zaidi kwani nilijua si mechi rahisi dhidi ya Pipeline kwani ni timu nzuri mno.”
Katika upande wa wanaume kilabu ya GSU ilinyuka WanaKDF seti 3-0 za 25-22,26-24,25-17 na kuibukia mabingwa wa kombe hilo.
Zaidi ya mabondia 180 wa kiwango cha juu kutoka vilabu 26 kote nchini wanatarajiwa kushiriki mashindano ya ndondi ya mzunguko wa pili Kenya yanayotarajiwa kuanza hii leo hadi 19 mwaka huu yatakayoandaliwa katika taasisi ya Alliance Francaise jijini Mombasa.
Miongoni mwa mabondia watakaoshiri mashindano hayo ni Bonface Mogunde wa huduma ya polisi nchini ambaye hajapoteza pambano katika uzani wake, mshindi wa dhahabu kwenye Michezo ya Afrika Edwin Okongo wa KDF mabondia wa Mombasa, Kombo Mwinyifaki na Shaffi Bakari, pia watapanda ulingoni.
Mashindano hayo yameandaliwa na chama cha Ndondi cha Kaunti ya Mombasa kwa ushirikiano na taasisi ya Alliance Française kama sehemu ya mradi wa ushirikiano wa michezo kati ya Kenya na Ufaransa uitwao Ndondi Mashinani, kwa usaidizi wa Ubalozi wa Ufaransa.
Michuano hiyo inalenga kukuza vipaji, hasa kwa wanawake na vijana, pamoja na kuandaa wawakilishi wa Mombasa kwa mashindano ya Olimpiki yajayo.
Mboko: Serikali lazima ikomeshe mauaji dhidi ya Wanawake
Mabondia Kutoka Vilabu Mbalimbali Nchini, Kuzindua Uhasama Mjini Mombasa
