News
Uingereza imeekeza dola milioni 60 kwa mradi wa Kawi ya jua, Kilifi
Serikali ya Uingereza ilitangaza kuekeza kima cha dola milioni 60 zaidi katika mradi wa uzalishaji wa Kawi ya miale ya jua katika eneo la Langobaya kaunti ya Kilifi.
Kulingana na Balozi wa Uingereza nchini Kenya Neil Wigan, hatua hiyo itasaidia kuongeza viwango vya uzalishaji wa kawi ya miale ya jua katika kituo hicho.
Wigan alidokeza kwamba mpango huo unalenga kuimarisha pakubwa sekta ya uwekezaji nchini hasa katika kaunti ya Kilifi.
“Tumeekeza zaidi ya dola milioni 60 kwa ajali ya kuekeza mradi huu kwani aliyekuwa akijenga mradi huo alikuwa anautekeleza kwa nafasi ndogo lakini vile tumemsaidia itafungua kazi nyingi na tunafikia kuongeza zaidi ili kufikia mega watsi 80”, alisema Wigan.
Kawi ya miale ya jua katika eneo la Langobaya, Malindi
Kauli yake imeungwa mkono na Katibu wa idara ya uekezaji nchini Abubakar Hassan ambaye amesema uzalishaji wa kawi katika kituo hicho ni hatua muhimu kwa taifa la Kenya kwani itasaidia kupunguza bei ya umeme sawa na kulinda mazingira.
Kwa upande wake Naibu Gavana wa kaunti ya Kilifi Flora Mbetsa Chibule amesema kaunti ya Kilifi kupitia uongozi wa Gavana Gedion Mung’aro inathamini sana uungwaji mkono kutoka kwa serikali ya Uingereza na hatua hiyo inaonyesha wazi ushirikiano mwema katika ya serikali ya Kenya na Uingereza.
Taarifa ya Mwanahabari wetu
Gavana wa kaunti ya Mombasa, Abdulswamad Shariff Nassir amesema serikali ya kaunti ya Mombasa wametenga shilingi milioni 80 kugharamia sehemu ya matibabu ya wakaazi ambao hutibiwa katika hospitali za Level 4 na Level 5.
Akizungumza katika kaunti ya Mombasa, Nassir alisema fedha hizo zitagharamia bima ya afya ya SHA ya wenyeji wa kaunti hiyo kwa muda wa mwaka mmoja.
Gavana Nassir pia alisema fedha hizo zitagharamia madeni ya ziada ya matibabu kwa watoto wa chini ya umri wa miaka 5 ambao wanatibiwa kupitia bima hiyo ya SHA.
“Tumeweka dawati maalum na fedha kuweza kuwalipia ile amana ambayo ilikuwa inalipiwa SHA. Na itakuwa sio ya Public health pekee lakini kando na Public health mnakuwa mumelipiwa kwa mwaka mzima’’, alisema gavana Nassir
Wakati huo huo Gavana Nassir alieleza matumaini kwamba mpango huo utasaidia kwa asilimia kubwa kuimarisha huduma za matibabu kwa wenyeji wa kaunti hiyo.
Taarifa ya Janet Mumbi
Naibu gavana kaunti ya Kilifi Flora Mbetsa Chibule, amependekeza adhabu kali kwa watu wanaotekeleza visa vya dhulma za kijinsia katika jamii.
Chibule alisema visa vya dhulma za kijinsi dhidi ya watoto vimekithiri katika jamii hasa kaunti ya Kilifi, akiahidi ushirikiano wa hali ya juu na wadau mbalimbali ili kukomesha visa hivyo.
Akizungumza wakati wa maadhimisho ya hamasa kuhusu dhulma za kijinsia katika uwanja wa Bofa Youth mjini Kilifi, Chibule alisema ili kufanikisha ndoto ya mtoto wa kike ni lazima haki zao za kimsingi zilindwe.
“Kwa ambao wanadhulumu mtoto wa kike na kiume, kwa wale ambao wanaingia misuli kwa misuli wanafaa kuwekwa gerezani kabisa”, alisema Chibule.
Wanaharakati wa kijamii wapinga unyanyasaji wa kijinsi, Kilifi
Kwa upande wake Mwakilishi wa kike kaunti ya Kilifi Getrude Mbeyu aliyeandaa hafla hiyo kupitia hazina ya kitaifa ya NGAAF na kutoa hundi ya kima cha shilingi milioni 1.6 kwa makundi 14, alisisitiza hamasa zaidi kwa jamii kuhusu jinsi ya kukomesha visa hivyo.
“Ni jukumu letu la kuwaeleza hawa watu watambua jinsi ya kuripoti hizi kesi, yani kwa mfano umedhulumiwa ni wapi pa kuanzia na hatua hii itakomesha hizi visa”, alisema Mbeyu.
Naye Mzee wa mataa wa Kiwandani mjini Kilifi Elina Nyevu alisema visa vya dhulma za kimapenzi vimekithiri mno katika mtaa huo, akipendekeza hamasa zaidi kwa jamii.
“Hapa kwetu Kiwandani visa vya dhulma za kijinsia ni vingi sana, kuna ulevi na ukosefu wa ajira ambao umechangia utumiaji wa Mihadarati na unyanyasaji wa watoto wadogo kimapenzi, alisema Elina.
Hata hivyo katika halfa hiyo baadhi ya watoto waliopitia madhila hayo hasa ubakaji wameelezea masaibu waliopitia japo haki yao kupitia idara ya usalama walikosa kufaulu.
Taarifa ya Lolani Kalu.
Nassir: Kaunti ya Mombasa wametenga milioni 80 za Afya
Chibule, apendekeza adhabu kali kwa wanaoendeleza dhulma za kijinsia
