Business
Serikali Yahimizwa Kuharakisha Leseni za Ndege Ili Kufanikisha Malengo ya Utalii 2027
Ili kufanikisha malengo ya taifa ya kupokea watalii milioni tano ifikapo mwaka 2027 serikali imehimizwa kuharakisha utoaji wa leseni kwa ndege na ndege za kukodi.
Wadau wa sekta ya utalii nchini wamesema leseni hizo zitasaidia katika kusafirisha watalii kutoka mataifa ya nje kuingia nchini.
Wakizungumza jijini Mombasa wakati wa kongamano la 21 la kila mwaka la chama cha wahudumu wa hoteli na wapishi (KAHC), Wakiongozwa na afisa mkuu Mtendaji wa chama hicho Mike Macharia, wameeleza kuwa ucheleweshaji wa utoaji wa leseni kwa mashirika mapya ya ndege umekuwa kikwazo kikubwa kwa ukuaji wa sekta hiyo.
Macharia aidha ameonya kuwa iwapo suala hilo halitashughulikiwa kwa haraka, basi taifa linaweza kupoteza fursa muhimu ya kukuza uchumi kupitia utalii.
Wadau hao pia wameitaka serikali kuweka mazingira ya kuwezesha uwekezaji zaidi katika sekta ya anga, hususan kwa mashirika yanayolenga kuleta watalii moja kwa moja kutoka masoko ya kimataifa.
Wawekezaji wa ndani na nje ya nchi wanaendelea kuonyesha nia ya kuekeza katika mradi wa kiuchumi wa dongo kundu kaunti ya Mombasa.
Mradi huo unaotarajiwa kuongeza uzalishaji katika viwanda na thamani ya bidhaa ndani ya nchi na nje, unatarajiwa kukamilika hivi karibuni.
Kampuni ya nishati kutoka China, Ruike Energy Group Limited, ni mwekezaji wa hivi karibuni kuonyesha nia ya kupata nafasi ndani ya eneo hilo la kiuchumi la Dongo Kundu kwa ajili ya kuanzisha kiwanda cha kusafisha mafuta.
Kulingana na halmashauri ya bandari nchini KPA hatua hiyo italeta faida Zaidi ikiwemo kubuni nafasi za ajira, ikuaji wa uchumi, upatikanaji wa vifaa vya baharini, na urahisi wa kufikia masoko ya kanda na ya kimataifa.
Taarifa ya Pauline Mwango
Shirika la usambazaji umeme nchini, KETRACO, limethibitisha dhamira yake ya kuimarisha usalama wa chakula, ukuaji wa kijani, na ushirikiano wa kieneo kupitia uekezaji mkubwa katika miundombinu ya umeme.
Katika maonesho ya Kimataifa ya kilimo ASK yanayoendelea kaunti ya Mombasa, KETRACO imeonyesha jinsi miundombinu yake ya umeme inavyowezesha kilimo cha kisasa na uzalishaji wa viwandani.
Kwa mujibu wa kaimu mkurugenzi mkuu, mhandisi Kipkemoi Kibias, KETRACO imekamilisha miradi 43 ya njia za kusafirisha umeme, huku mingine 29 ikitarajiwa kukamilika ifikapo mwaka 2028.
Kibias, alisema shirika hilo tayari limejenga zaidi ya kilomita elfu sita za njia za umeme wa msongo mkubwa, likiwa pia na vituo 46 vya kusambaza umeme na upanuzi wa mitambo 33.
Katika eneo la Pwani, Kibias alisema upanuzi wa mpango wa Green Energy Backbone umewezesha usambazaji wa kawi safi kwa asilimia 93, jambo lililopunguza utegemezi wa mafuta na kuchochea maendeleo ya biashara za kilimo, utalii na uchumi wa baharini.
Kibias alisema KETRACO inaendelea kuwekeza katika teknolojia za kisasa na kuunganisha Kenya na nchi jirani kupitia njia za kimataifa kama zile za Ethiopia, Tanzania na Uganda hatua zitakazowezesha biashara ya umeme Afrika Mashariki.
Taarifa ya Mwanahabari wetu
Sinner na Alcaraz Wakutana Tena Fainali ya US Open Baada ya Muitaliano Kufuzu Fainali ya Tano Mfululizo ya Grand Slam
Ndoto ya Harambee Stars ya kufuzu Kombe la Dunia 2026 Yagonga mwamba baada ya kupigwa 3-1 na Gambia Kasarani
Kocha wa Uingereza Thomas Tuchel akataa madai ya “laana” huku akilenga kuvunja ukame wa miaka 60 wa mataji makubwa
-
News20 hours agoMahakama ya Kilifi imetoa hukumu kwa wanaume 6 wanaokabiliwa na mashtaka ya unajisi
-
Sports19 hours agoKocha wa Uingereza Thomas Tuchel akataa madai ya “laana” huku akilenga kuvunja ukame wa miaka 60 wa mataji makubwa
-
News22 hours agoThoya: Serikali kuu iongeze mgao wa fedha kwa sekta ya Afya