News
Mwalimu wa Madrasa adaiwa kumlawiti mvulana eneo la Kwa Mwango mjini Kilifi
Hali ya wasiwasi na ghasia zilishuhudiwa katika eneo la Kwa Mwango karibu na Mkoroshoni mjini Kilifi Agosti 28, 2025.
Hii ni baada ya wakaazi wenye hasira kuvamia madrassa ya msikiti wa Masjid Rehema, wakipinga tuhuma za udhalilishaji wa watoto unaofanywa na Mwalimu wa Madrasa hiyo.
Kulingana na walioshuhudia tukio hilo walisema kisa hicho kilidhiirika wakati mama mmoja alipofichua kwamba mwanawe ambaye ni mwanafunzi wa madrasa hiyo kwamba alilawitiwa na mwalimu mmoja wa madrasa hiyo.
Mama huyo ambaye alikuwa akipiga nduru na kulalamikia madhila aliyofanyiwa mwanawe yalisababisha umati wa watu kuvamia madrassa hiyo na bweni la wanafunzi hao, wakitaka kuchoma majengo ya madrassa hiyo kwenye msikiti huyo wa Masjid Rehema.
Wakaazi hao walivamia msikiti huo wakiwa na dhamira ya kumuadhibu Mhubiri huyo huku wengine wakifunga barabara ya Kilifi – Malindi pamoja na kuwasha moto, hali iliyosababisha msingamano wa magari katika eneo hilo ambalo kwa kawaida huwa na shughuli nyingi.
Wenyeji hao walivunja lango na kuingia msikitini na kuanza kumshanbulia Mhubiri huyo ambaya baadaye aliokolewa na Maafisa wa usalama ambao walimkamata mshukiwa na kumpeleka kituo cha Polisi mjini Kilifi.
Maafisa wa Polisi wamnusuru Mwalimu wa madrassa ya msikiti wa Masjid Rehema
Maafisa hao wa usalama wameeleza vyanzo vya habari Kwamba wanaendelea na Uchunguzi na mshukiwa atafikishwa mahakani hivi karibuni.
Taarofa ya Eric Ponda
Wahudumu wa Afya kaunti ya Lamu wametishia kuelekea Mahakamani kuishtaki serikali ya kaunti hiyo kwa kukaidi kutekeleza matakwa yao.
Wahudumu hao waliishtumu serikali ya kaunti ya Lamu kwa kupuuza matakwa yao na badala yake kutumia vitisho ili kuwashurutisha kurejea kazini.
Kulingana na viongozi wa wahudumu hao, licha ya mgomo wao kuendelea kwa zaidi ya wiki mbili serikali ya kaunti hiyo imekataa kata kuandaa vikao vya kusuluhisha malalamishi yao.
Baadhi ya changamoto wanazolalamikia ni pamoja na kufanya kazi kwa zaidi ya miaka 10 bila ya kupandishwa vyeo, kupuuzwa kwa mkataba wa makubaliano ya nyongeza ya mishahara, kunyimwa kwa mishahara kwa baadhi ya wahudumu hao miongoni mwa matakwa mengine.
“Mkiendelea kutufinyilia itabidi tufuate njia ya sheria kwa sababu tunajua tunalilia haki yetu, haiwezekani serikali ya kaunti inashindwa kutupandisha vyeo ilhali tumefanya kazi kwa miaka 15 sasa, hatuwezi kuendelea kufanya kazi katika mazingira duni na pia mkataba wa makubaliano kuhusu nyongeza ya mishahara sharti itekelezwe” walisisitiza viongozi hao.
Wakati uo huo serikali ya kaunti ya Lamu imejibu malimishi yao kupitia barua na kutangaza kuwa mgomu huo ni kinyume cha seria na kuwataka wahudumu hao kurejea kazini mara moja.
Taarifa ya Elizabeth Mwende
Rais William Ruto ametuma jeshi la KDF kusimamia ujenzi wa vituo vya afya zaidi ya 75 kote nchini katika juhudi za kuhakikisha ujenzi unakamilika kwa haraka.
Akizungumza katika kaunti ya Narok wakati wa uzinduzi wa hospitali ya Sogoo Level 4, waziri wa ulinzi Patrick Mariru alifichua kuwa ujenzi wa hospitali hiyo yenye mamlaka kamili itakamilika baada ya mda wa miezi 11.
Ujenzi wa hospitali ya Sogoo Level 4 ulivutia rais Ruto alipozuru eneo hilo mwezi mei mwaka 2025, jambo lililomfanya kuagiza KDF kuipandisha hadhi.
Mariru hata hivyo alishikilia kuwa wafanyikazi wote wasio na ujuzi watatolewa kutoka kwa jamii.
“Jeshi litamsimamia mkandarasi. Hilo liwe wazi, kazi yote itafanywa na vijana wa Sogoo. Tutaweka maafisa wawili na kila jioni watanipa ripoti ya maendeleo,” alisema Mariru.
“Tuna zaidi ya miradi 75 tunayosimamia na sio kwamba tunabadilisha wakala wa serikali tunataka tu kushirikiana na ofisi tofauti miongoni mwao wizara za afya na michezo.”
Taarifa ya Joseph Jira
Ghasia zatanda nchini Nepal licha ya marufuku ya kutotoka nje.
Wahudumu wa afya Lamu watishia kuishtaki serikali ya kaunti hiyo
