News
Migos, awataka walimu wakuu wa shule za upili kuwapa wanafunzi vyeti vya masomo
Waziri wa Elimu nchini Julius Migos Ogamba amewataka walimu wakuu wa shule za upili kuwapa wanafunzi vyeti vyao vya masomo.
Ogamba vile vile aliwapongeza baadhi ya walimu waliowapa wanafunzi vyeti vyao vya mitihani ya kitaifa licha ya kuwa madeni ya Karo.
Ogamba alisema hatua za baadhi ya shule kutowakabidhi wanafunzi vyeti vyao vya mitihani ya Kitaifa ni kunyume cha sheria.
Akizungumza jijini Mombasa wakati wa kongamano la wakuu wa shule za upili, Ogamba alisema haipaswi kuwa hivyo kwani ni haki ya kila mwanafunzi kupokea cheti pindi tu anapokamilisha mtihani.
“Nachukua fursa hii kuwashukuru nyote hasa wale ambao mliwapa wanafunzi vyeti vyao licha ya wao kuwa na madeni ya karo, ila wakati niliwaambia kuhusu kupeana vyeti kwa wanafunzi hata kama wanadaiwa mlifanya vyema kwa sababu wakati ambapo unashikilia cheti hicho na hujalipwa pesa unazodai bado haina maana nyote mnateseka sababu wewe hujapata pesa unazodai na mwanafunzi pia hana cheti”. …alisema Ogamba.
Taarifa ya Elizabeth Mwende
Muungano wa Wazee wa Kaya kaunti ya Kilifi umeitaka serikali kuu kupitia bunge la kitaifa kubadilisha sheria ya mwaka wa 1926 kuhusu uchawi ili kuwezesha utamaduni kudhibiti mauaji ya wazee yanayoendelea kushuhudiwa kaunti ya Kilifi.
Wakiongozwa na Stanley Kahindi Kiraga wamesema kuwa sheria hiyo imechangia pakubwa mauaji ya wakongwe Kilifi kutokana na swala kuwa haitambui uwepo wa uchawi na jinsi ya kuudhibiti.
Kiraga sasa anasema ni sharti sheria hiyo iondolewe au ifanyiwe ukarabati bungeni hali itayopelekea uchawi kudhibitiwa kupitia mila na utamaduni.
“Vijana wanaowaua wazee wakiwasingizia kuwa wachawi wanazidi kuongezeka na kwa sababu hakuna sheria ya moja kwa moja ya kuwashtaki na kuwafunga” amesema Kiraga akieleza kusikitishwa kwake na ongezeko la magenge ya vijana wanaolipwa kutekelezwa mauaji ya wazee kwa shutuma za uchawi.
Taarifa ya Hamis Kombe
Mahakama ya Kilifi imeanzisha upya kesi ya mwanaume mmoja anayekabiliwa na shtaka la ulaghai wa pesa.
Hii ni baada ya Mwanaume huyo kwa jina Samuel Ngonyo, kuachiliwa kwa dhamana hapo awali lakini alikosa kudhuhuria vikao Mahakamani hali iliyopelekea kesi hiyo kuanzishwa upya.
Hakimu mkuu wa Mahakama hiyo Charles Obulutsa aliagiza jamaa huyo kuzuliwa rumande baada ya agizo la kukamatwa kwake kuidhinishwa na Mahakama baada ya jamaa huyo kupuuza vikao vya Mahakama vya awali.
Kabla ya agizo hilo, Mahakama ilielezwa kwamba mnamo tarehe tofauti kati ya mwezi Septemba hadi Oktoba mwaka 2021 katika maeneo la Ganze kaunti ya Kilifi kwa kutumia njia ya ulaghai, mshukiwa alichukua pesa taslimu shilingi elfu 50 ya mlalamishi Grace Sidi Katana.
Mahakama ilielezwa zaidi kwamba mshukiwa alitekeleza kitendo hicho baada kumdanganya Mlalamishi kwamba yeye ni Mwandishi na afisa wa kazi za umma hivyo angemsaidia Moses Katana mtoto wa mlalamishi kupata kazi ya serikali.
Kesi hiyo itaendelea mnamo tarehe 13 mwezi Agosti mwaka huu.
Taarifa ya Mwanahabari wetu
Timu Ya Taifa Ya DR Congo Yawasili Nchini Kwa Mechi Ya Ufunguzi Dhidi Ya Harambee Stars
Wazee wa Kaya wanataka bunge kupitisha sheria kudhibiti mauaji ya wazee
