Sports
Kilabu Ya Barca Kurejea Camp Nou Agosti
Ni rasmi kuwa kilabu ya Barcelona ya Uhispania itarejea kwenye uga wao wa kihistoria Camp Nou Agosti 10 kwa ajili ya Kombe la Joan Gamper, mchuano wao wa Ufunguzi wa msimu.
Uwanja huo umekua ukikarabatiwa kwa muda wa misimu miwili sasa ikiwalazimu miamba hao wa Catalunya kuutumia uwanja wa Olympic stadium kwa kipindi hicho katika mechi zake zote.
Barca hata hivyo itacheza mechi za nyumbani na mashabiki kati ya 50,000 hadi 60,000 kwanza mpaka pale itakapokamilisha kikamilifu ukarabati na utaweza kuhifadhi mashabiki 99,354
Mara ya mwisho Barcelona kucheza Camp Nou ilikuwa Mei 2023.
Manchester United imetwaa ubingwa wa kombe la ‘Premier League Summer Series’ kufuatia sare ya 2-2 dhidi ya Everton katika dimba la Mercedes-Benz, Atlanta, Georgia Marekani.
Michuano hiyo ya maandalizi ya msimu mpya ilishirikisha timu nne za Ligi Kuu England Man United, West Ham United, Everton na Bournemouth ambapo Mashetani hao Wekundu wamemaliza kileleni pointi 7 baada ya mechi tatu, wakishinda mechi mbili na kutoka sare mechi moja.
Kiungo Bruno Fernandes aliwaweka uongozini United dakika ya 18 kupitia mkwaju wa Penalti au Tuta kisha Iliman Ndiaye akisawazishia The Toffees dakika ya 40,United tena walichukua uongozi kupitia kwa kiungo mshambulizi Mason Mount dakika ya 69 kabila ya beki Ayden Heaven kujifunga dakika ya 75.
MSIMAMO:
1. Man UTD — mechi 3 — pointi 7
2. West Ham mechi 3 — pointi 6
3. Bournemouth mechi 3 — pointi 3
4. Everton mechi 3 — pointi 1
Timu ya Taifa ya Kenya (Harambee Stars) imechukua alama zote tatu kufuatia ushindi wa 1-0 dhidi ya Jamhuri ya Kidemokrasia ya Congo kwenye mchezo wa kwanza wa Kundi B wa kombe la Mataifa Afrika CHAN 2024 katika dimba la Moi Sports Centre, Nairobi.
Goli hilo la kipekee lilitiwa wavuni na kiungo mshambulizi Austine Odhiambo dakika 45 kipindi cha kwanza.
Rais William Ruto ambaye alifuatilia mechi hiyo uwanjani alitembelea kikosi katika chumba cha kubadilisha na kukabidhi ahadi yake ya shilindi milioni moja kwa kila mchezaji baada ya ushindi huo.
Stars wamekwea kileleni mwa kundi A na alama Tatu kundi ambalo pia lina Morocco,Zambia na Angola Mechi ijayo ya Stars ni dhidi ya Angola ni Agosti 7.
News10 hours ago
Serikali yaombwa kuondoa miili 400 hospitali ya Malindi
News11 hours ago
Rais Ruto amteua Amani Yuda Komora kuwa Mwenyekiti wa NPSC
Entertainment13 hours ago
