National News
Gavana Mung’aro Aagizwa Kulifanyia Marekebisho Baraza Lake la Mawaziri
Baadhi ya wakaazi kaunti ya Kilifi wamemtaka gavana wa kaunti hiyo Gedion Mung’aro kulifanyia marekebisho baraza lake la mawaziri kwa madai ya kufeli kutekeleza wajibu wake kikamilifu.
Kulingana na Mwakilishi wa vijana wadi ya Mtepeni kaunti hiyo Wisdom Ndoro, baadhi ya mawaziri hawafahamu wa majukumu yao ya kikazi licha ya kupewa raslimali za kutosha kwa lengo la kufaidisha wakaazi.
Ndoro amemuonya Gavana Mung’aro kuwa wananchi wa Kilifi watathimini utendakazi wake kabla ya kufanya maamuzi kwenye uchaguzi mkuu ujao wa 2027
Ndoro amesema Gavana Mung’aro ameshindwa kutatua suala la uskwota licha ya kuwa na uwezo wa kusaidia wakaazi kutatua tatizo hilo.
Wakati huo huo amesema suala la ukosefu wa maji safi katika kaunti ya Kilifi linaendelea kutatiza wakaazi, akidokeza kwamba maeneo ambayo Gavana alizindua miradi ya maji hivi karibuni kufikia sasa hakuna maji yanayowafikia wakaazi.
Mwenyekiti wa kamati ya Leba katika bunge la kitaifa Ken Chonga amesema baadhi ya wakenya ambao wanasafiri katika mataifa ya miliki za kiarabu kusaka ajira wamekosa kuzingatia sheria za Wizara ya Leba nchini na kuangukia mikononi mwa walaghai.
Chonga amesema ni lazima wakenya hao wachunguze mawakala wanaowasafirisha katika mataifa hayo kama wanatambulika na serikali, ndipo waingie katika mikataba ya uajiri ambayo imezingatia sheria za Leba nchini.
Akizungumza na Wanahabari mjini Kilifi, Chonga ambaye pia ni Mbunge wa Kilifi Kusini amesema ili wakenya waepuke madhila mbalimbali kutoka kwa waajiri wao katika mataifa hayo ni lazima wasafirishwe na mawakala waliosajiliwa na serikali.
Wakati huo huo amesema japo serikali iko mbioni kuhakikisha inawatafutia wakenya kazi katika mataifa ya ughaibuni ni lazima wanaosaka ajira za ughaibuni waingie katika mkataba wa uajiri kabla ya kusafiri nje ya nchi.
Serikali ya kaunti ya Kilifi imesema visa vya dhulma za kijinsia katika kaunti hiyo vimepungua kwa kiwango kikubwa.
Kulingana na Naibu Gavana wa kaunti hiyo Flora Mbetsa Chibule, visa hivyo viliongezeka zaidi msimu wa maambukizi ya virusi vya Corona, ambapo kaunti ya Kilifi iliorodheswa nafasi ya tatu nchini baada ya kaunti ya Bungoma na Samburu.
Chibule amesema kwa sasa ni asilimia 12.3 pekee ya visa hivyo vilivyoripotiwa tofauti na asilimia 30 wakati wa maambukizi ya Corona, akisisitiza kwamba juhudi hizo zimefanikiwa kupitia ushirikiano wa jamii na wadau mbalimbali.
Kiongozi huyo amedokeza kwamba serikali ya kaunti imetoa mafunzo kwa maafisa wa kutoa ushauri nasaha ili kusaidia kupambana na visa hivyo mashinani, akisema juhudi hizo zitaendelezwa sawa na kudhibiti madhila hayo.
Wakati uo huo ameweka wazi kwamba kaunti hiyo imekamilisha ujenzi wa sehemu salama ya kuwahifadhi watoto wanaopitia dhulma za kijinsia wakati kesi zao zikiendelea Mahakamani.
Kalonzo, Gachagua Wapinga Ujenzi wa Kinu cha Nuklia Kilifi
Liverpool Kuwasilisha Ofa Mpya Kusajili Wirtz
