Business
Wadau wa sekta ya uvuvi walalamikia unyakuzi wa ardhi
Kamati ya bunge la kitaifa kuhusu uchumi wa bahari na masuala ya ubaharia imewataka wawekezaji wote waliovamia ardhi zilizotengewa
Kauli hii ilijiri baada ya wavuvi na wasimamizi wa fuo za bahari kuelekeza lalama zao kwa kamati hiyo wakidai kuhangaishwa kila mara na baadhi ya mabwenyenye wanaodaiwa kushirikiana na baadhi ya maafisa wa serikali.
Walidai kwamba unyakuzi huo umekuwa donda sugu na uliadhiri pakubwa shughuli za uvuvi huku wakiitaka serikali ya kitaifa kuingilia kati na kuhakikisha ardhi hizo zinarudhishwa mikononi mwa jamii za wavuvi haraka iwezekanavyo.
Kwa upande wake Mwenyekiti wa kamati hiyo na ambaye pia ni mbunge wa Marakwet Mashariki David Kangogo Bowen alisema ujenzi wa kibinafsi katika maeneo ya mita 60 kutoka ukingo wa bahari ni ukiukaji wa sheria kwani maeneo hayo yametengwa mahususi kwa matumizi ya wavuvi.
“Wale wamejenga mita 60 kando ya bahari waondolewa ndio hawa wavuvi wapewe nafasi ya kufanya biashara yao vizuri na pia wapate sehemu ya kuegeza maboti yao”. … alisisitiza David Bowen.
Kauli yake iliungwa mkono na mbunge wa Matunga Kassim Sawa Tandaza aliyesema agizo hilo ni sharti litekelezwa mara moja na yeyote atakayekiuka agizo hilo atachukuliwa hatua kali za kisheria.
Taarifa ya Elizabeth Mwende
Washirika kutoka mataifa saba duniani wanatarajiwa kushiriki katika maonyesho ya kimataifa ya kilimo ya mwaka 2025 yanayofanyika eneo la Mkomani kaunti ya Mombasa.
Mwenyekiti wa maonyesho hayo Henry Nyaga, alidokeza kuwa maonyesho hayo yamevutia washirika kutoka mataifa ya afrika mashariki, vile vile mataifa ya India, China, Botswana, Zambia na DR.Congo.
Akizungumza na Coco Fm katika uwanja wa maonyesho hayo, Nyaga alisema maonyesho ya mwaka huu wa 2025 yanaangazia kilimo biashara akisistiza umuhimu wa vijana kushiriki katika hafla hiyo iliyoambatanishwa na matumizi ya teknolojia na mabadiliko ya tabia nchi kwa kuhifadhi mzaingira.
“Kuna wale kutoka mataifa saba ambao tayari wameonyesha watakuwa nasi, tayari amewasili yule ambaye anatoka nchi ya Botswana, tunazingatia mambo haya ya tabia nchi ambayo yamefanya ulimwengu umekuwa tofauti sasa, kwa hivyo tunatarajia washiriki wote watatuonyesha jinsi gani tunaweza kukabiliana na hali hii ya mabadiliko ya tabia nchi, na ningependa haswa vijana muweze kufika hapa katika maonyesho kwa sababu kuna mengi ya kiteknolojia ambayo yanaweza kuwasaidia”,alisema Nyaga.
Kwa upande wake mwenyekiti wa maonyesho ya kilimo nchini Edith Onzare pamoja na mwanachama wa baraza la maonyesho ya Kilimo Mombasa- Anisa Abdhalla waliwasihi wananchi kutumia fursa hiyo kujifunza mengi kuhusu kilimo endelevu na namna ya kujiendeleza kuhusu ufugaji wa kisasa.
“Njooni kwa wingi tutajifunze mengi ya kilimo, kuna mifugo ya aina mbali mbali kuna kilimo na teknolojia hasa kwa vijana wetu, magen z kuna kazi nyingi ambazo ukija hapa kwenye maonyesho utajifunza mambo mengi ya kiteknolojia na taaluma mbali mbali ambazo utaweza kupata usaidizi”,walisema viongozi hao.
Baadhi ya washirika katika maonyesho hayo walishinikiza wakenya kukumbatia kilimo cha kisasa katika kuboresha mapato vile vile kulinda mazingira.
Wakiongozwa Benson Muchiri, waliwahimiza wakulima kujitenga na mbinu za jadi za kupalilia mashamba, akisema zimekuwa zikichangia mazao duni.
Muchiri ambaye amekuwa akitumia chupa na mabomba ya maji yaliyorushwa kuandaa sehemu za kuotesha mbegu kabla ya upanzi, amesema mbinu hiyo inasaidia kuokoa matumizi ya ardhi ipasavyo, sawa na kuhifadhi mazingira.
“Ninataka kuonyesha wakulima jinsi ya kufanya kilimo cha mjini, sio lazima uwe na kipande kikubwa cha ardhi ndio ufanye ukulima hasa kilimo cha mboga, ukiangalia vile vitu tulivyotumia hapa ni vile ambavyo ni kero, ukiangalia tuna chupa za plastiki ambazo tumezitumia, kile ambacho kinachafua mazingira hicho ndio tunahimiza mkulima badala ya hicho kitu kipotee wacha kiwe faida kwako”,alisema Muchiri.
Zaidi ya washirika 200 wanahudhuria maonyesho hayo ambayo yanaanza rasmi Jumatano 3 Septemba 2025, na kukamilika Jumapili 7 Septemba 2025.
Taarifa ya Joseph Jira
Wafugaji wa Nyuki eneo la Mida kaunti ya Kilifi wameitaka serikali kuu na zile za kaunti kukumbatia Kilimo cha Nyuki ili kuendeleza uzalishaji wa Asali na kuchangia mapato zaidi kwa jamii.
Kulingana na wafugaji hao, serikali hazijakumbatia ufugaji wa Nyuki jambo ambalo walisema limesababisha mapato duni kwa wakulima.
Wakizungumza na CocoFm, wafugaji hao walisema Kilimo kama vile Mahindi, Matunda na hata misitu inategemea Nyuki ili kuzalisha mazao kwa wingi hivyo kukumbatia ufugaji wa Nyuki ni kukumbatia mazao bora.
Wakulima wa ufugaji nyuki wakiendeleza kilimo{picha kwa hisani}
Wakati huo huo waliitaka serikali kuwawezesha wafugaji wa Nyuki humu nchini ili kuendeleza biashara zao bila changamoto zozote.
”Nyuki ndio wajenzi wakubwa wa msitu na kilimo kama vile cha Mahindi na Matunda na bora kwani huimarisha mazao na serikali inapaswa kuwasaidia wafugaji na kuwawezesha ili kuimarisha uvugaji wa nyuki na kuboresha mazao”, walisema wakulima.
Taarifa ya Pauline Mwango
Gavana Sakaja aponea shoka la kutimuliwa mamlakani
Wazazi walalamikia mazingira duni ya Elimu, Magarini
