News
Wabunge washinikiza sheria mpya ya kuwakabili waandamanaji.
Wabunge wanaharakisha mchakato wakutunga sheria inayolenga kuwakinga wao wenyewe na taasisi nyingine za serikali dhidi ya athari za maandamano ya umma siku zijazo.
Katika mapendekezo ya marekebisho ya sheria ya utaratibu wa umma (Sura ya 56), mwakilishi wakike kaunti ya Nairobi Esther Passaris anataka kuwazuia waandamanaji kukusanyika ndani ya mita 100 za maeneo yaliyohifadhiwa, ikiwemo majengo ya bunge.
Pendekezo lake lililenga kuweka maeneo yaliyotengwa kwa uwazi, ya makutano na maandamano ambamo mikutano ya hadhara na maandamano yanaweza kufanyika, kulingana na Kifungu cha 37 cha Katiba.
Passaris pia ilishinikiza marekebisho ya kifungu cha 2 cha Sheria ya utaratibu wa umma ili kufafanua upya maneno “mkutano wa hadhara” na “maandamano ya hadhara.”
Zaidi ya hayo, alipendekeza kujumuisha ufafanuzi wa “mji mkuu,” “mji,” “eneo la mijini,” na “eneo la kusanyiko na maandamano.”
“Kifungu cha 5B kilichopendekezwa kinakataza kufanya mkutano wa hadhara au maandamano ndani ya eneo la mita 100 kutoka eneo la bunge, kama ilivyoelezwa chini ya sheria ya mamlaka na haki za bunge, maeneo yaliyohifadhiwa chini ya sheria ya maeneo yanayolindwa, na majengo yenye vyumba vya mahakama,” alisema Passaris.
Mwakilishi wakike kaunti ya Nairobi Esther Passaris katika hafla ya awali.(Picha kwa hisani)
Ukiukaji wa kifungu hiki utachukuliwa kuwa kosa linaloadhibiwa kwa faini isiyozidi shilingi 100,000, kifungo cha hadi miezi mitatu, au zote mbili.
Akiwa mbele ya kamati ya bunge kuhusu usalama na utawala, Passaris alitetea pendekezo lake, akisema halilengi kukiuka uhuru wa kujieleza bali ni kuhakikisha maandamano yanafanyika kwa utaratibu.
“Utaratibu sio adui wa demokrasia, lakini msingi wake. Ninaiomba kamati kuunga mkono mswada huu – sio kwa serikali, sio kwa bunge, lakini kwa kenya,” aliongeza Passaris.
“Nilipofikiria kuhusu sheria hii, nia yangu ilikuwa kulinda utakatifu wa taasisi zinazotuweka pamoja,” aliongeza.
Hata hivyo, pendekezo hilo liligawanya kamati,baadhi ya wanachama walitoa wasiwasi kuhusu athari zake kwa uhuru wa raia.
Mwakilishi wa kike kaunti ya Kisumu Rosa Buyu alitilia shaka athari zinazoweza kutokea kwa haki ya kusikilizwa, akibainisha kuwa mara nyingi maandamano hutokea wakati wananchi wanahisi kutosikilizwa na wanahitaji kueleza hadharani kutoridhika.
Taarifa ya Joseph Jira
Kamati ya afya ya bunge la seneti sasa imetoa wito kwa serikali kuu kuiondoa miili zaidi ya 400 ambayo inaendelea kuhifadhiwa katika makafani ya hospitali ya Malindi kaunti ya Kilifi baada ya kufukuliwa katika msitu wa Shakahola.
Akizungumza kwa niaba ya kamati hiyo, seneta wa kaunti ya Bungoma David Wakoli, alisema maiti hizo zimezuia serikali ya kaunti ya Kilifi kuendeleza ujenzi wa makafani mpya katika hospitali hiyo.
Wakoli alisema ikiwa serikali itazingatia hilo basi serikali ya kaunti ya Kilifi itaweza kujenga makafani hiyo bila changamotoz zozote.
“Tunataka kuiomba serikali kuu kuruhusu serikali ya kaunti ya Kilifi kuendeleza ujenzi huo, na serikali inapaswa kutafuta eneo maalumu la kuhifadhi na kuizika miili hiyo’’ Alisema Wakoli
Hii ni baada ya serikali kutenga fedha katika bajeti ya mwaka jana ili kujenga makafani mpya kushindwa kuendeleza ujenzi huo kutokana na miili ambayo bado haijatambuliwa.
Ni kauli ambayo iliungwa mkono na seneta wa kaunti ya Kilifi Stewart Madzayo ambaye aliitaka serikali kuu kukamilisha shughuli ya uambatanishaji wa chembechembe za msimbojeni-DNA, ili kupeana miili hiyo kwa wapendwa wao kabla ya kuanza kufukua miili mingine katika eneo la Kwa Binzaro huko Shakaholo.
“Kule Shakahola tumeona watu wanaendelea kufa na wengine kuzikwa, kwahivyo tunaomba zile maita ambazo ziko hapa ziweze kuondolewa na serikali kuu maana hakuna nafasi,’’ alisisitiza Madzayo.
Taarifa ya Janet Mumbi
Rais William Ruto amemteua Amani Yuda Komora kuwa Mwenyekiti wa Tume ya kitaifa ya Huduma ya Polisi (NPSC) na Angeline Yiamiton Siparo kuwa mwanachama.
Uteuzi huo unafuatia mahojiano ya hivi majuzi yaliyofanywa na Tume ya Utumishi wa Umma (PSC) kati ya Julai 1 na Julai 3 2025, baada ya kuorodhesha wagombea wanane wa uwenyekiti na 11 wa wajumbe.
Wawaniaji walitakiwa kuwasilisha kitambulisho halisi cha kitaifa, hati za masomo, na idhini halali kutoka kwa mashirika ya serikali.
Stakabadhi nyingine ilikuwa ni pamoja na nyaraka za mamlaka ya ukusanyaji ushuru nchini (KRA), tume ya maadili na kupambana na ufisadi (EACC), fomu maalum kutoka kwa mkurugenzi wa idara ya upelelezi wa jinai (DCI), bodi ya mikopo ya elimu ya juu (HELB) na ofisi yoyote iliyosajiliwa ya marejeleo ya mikopo.
Wale walio na shahadi ya digrii za mataifa ya kigeni walilazimika kuwasilisha barua za utambulisho kutoka kwa tume ya elimu ya vyuo vikuu.
Shughuli ya uteuzi ilianza mnamo mwezi Februari baada ya kujiondoa kwa tume ya awali, inayoongozwa na Eliud Kinuthia, ambaye muhula wake wa miaka sita ulimalizika mapema mwaka huu wa 2025.
Iwapo itaidhinishwa na Bunge, NPSC itajumuisha Komora kama Mwenyekiti na wanachama watano wakiwemo, Peris Muthoni Kimani, Edwin Cheluget, Benjamin Juma Imai, Collete Suda na Angeline Yiamiton Siparo
Komora ni naibu mwenyekiti wa zamani wa tume ya kutathmini mishahara na marupurupu ya wafanyakazi wa umma (SRC), na hapo awali alikuwa na majukumu ya juu ya rasilimali watu katika Mamlaka ya Bandari KPA na KRA.
Taarifa ya Joseph Jira
Serikali yaombwa kuondoa miili 400 hospitali ya Malindi
Rais Ruto amteua Amani Yuda Komora kuwa Mwenyekiti wa NPSC
