Sports
Stars Yapanda Msimamo Wa FIFA
Timu ya Taifa ya soka Harambee Stars imepanda nafasi mbili juu katika msimamo wa Shirikisho la Soka Ulimwenguni FIFA kutoka 111 hadi 109 msimamo unaotolewa kila mwezi ukiwa ni msimamo wa mwezi jana.
Stars katika kipindi hicho ilicheza mechi mbili za kirafiki wakitoka sare na badaye wakishinda taifa la Chad magoli 2-1 ,Taifa la Uganda lingali la kwanza Afrika Mashariki wakiwa nafasi ya 97.
Taifa la Morocco linashikilia nafasi ya kwanza Barani Afrika na ni ya 12 ulimwenguni wakifutwa na mataifa ya Senegal kisha Misri katika nafasi ya pili na tatu.
Mabingwa wa Dunia Argentina ni ya kwanza kote ulimwenguni likifutwa na Uhispania,Ufaransa na Uingereza,nafasi ya pili tatu na nne mtawalia.
Manchester United imetwaa ubingwa wa kombe la ‘Premier League Summer Series’ kufuatia sare ya 2-2 dhidi ya Everton katika dimba la Mercedes-Benz, Atlanta, Georgia Marekani.
Michuano hiyo ya maandalizi ya msimu mpya ilishirikisha timu nne za Ligi Kuu England Man United, West Ham United, Everton na Bournemouth ambapo Mashetani hao Wekundu wamemaliza kileleni pointi 7 baada ya mechi tatu, wakishinda mechi mbili na kutoka sare mechi moja.
Kiungo Bruno Fernandes aliwaweka uongozini United dakika ya 18 kupitia mkwaju wa Penalti au Tuta kisha Iliman Ndiaye akisawazishia The Toffees dakika ya 40,United tena walichukua uongozi kupitia kwa kiungo mshambulizi Mason Mount dakika ya 69 kabila ya beki Ayden Heaven kujifunga dakika ya 75.
MSIMAMO:
1. Man UTD — mechi 3 — pointi 7
2. West Ham mechi 3 — pointi 6
3. Bournemouth mechi 3 — pointi 3
4. Everton mechi 3 — pointi 1
Timu ya Taifa ya Kenya (Harambee Stars) imechukua alama zote tatu kufuatia ushindi wa 1-0 dhidi ya Jamhuri ya Kidemokrasia ya Congo kwenye mchezo wa kwanza wa Kundi B wa kombe la Mataifa Afrika CHAN 2024 katika dimba la Moi Sports Centre, Nairobi.
Goli hilo la kipekee lilitiwa wavuni na kiungo mshambulizi Austine Odhiambo dakika 45 kipindi cha kwanza.
Rais William Ruto ambaye alifuatilia mechi hiyo uwanjani alitembelea kikosi katika chumba cha kubadilisha na kukabidhi ahadi yake ya shilindi milioni moja kwa kila mchezaji baada ya ushindi huo.
Stars wamekwea kileleni mwa kundi A na alama Tatu kundi ambalo pia lina Morocco,Zambia na Angola Mechi ijayo ya Stars ni dhidi ya Angola ni Agosti 7.
News4 hours ago
Serikali yaombwa kuondoa miili 400 hospitali ya Malindi
News4 hours ago
Rais Ruto amteua Amani Yuda Komora kuwa Mwenyekiti wa NPSC
Entertainment6 hours ago
