News

News Archives - COCO FM 98.9

news

news Archives - COCO FM 98.9

Waziri wa Elimu nchini Julius Migos Ogamba amewaonya Walimu wakuu dhidi ya kuwarudisha nyumbani wanafunzi ambao hawana karo ama sare za shule, akisema watakaopatikana watachukuliwa hatua kali za kisheria ikiwemo kufutwa kazi. Waziri Ogamba alisema sera ya serikali ya asilimia 100 ya wanafunzi kujiunga na shule inaendelezwa, akidoeza kwamba kufikia sasa ni asilimia 8 pekee ya wanafunzi ambao bado hawajajiunga na shule za Sekondari ya juu nchini. Akizungumza na wadau wa sekta ya elimu jijini Nairobi, Ogamba aliwataka Walimu wakuu wa shule za Sekondari ya juu kuhakikisha wanatumia raslimali walizonazo shuleni ili kuhakikisha hakuna Mwanafunzi anakosa kujiunga na gredi ya 10. &#8220;Tunashirikiana na waajiri wa walimu TSC, na Mwalimu wakuu watakaowarudisha wanafunzi wa gredi ya 10 nyumbani eti hawana karo ama sare za shule tutawachukulia hatua kwa sababu haina haja ya kurudisha wanafunzi wawili ama watatu kwa kukosa sare za shule, hiyo haitakubalika&#8221;,alisema Waziri Wakati huo huo alidokeza kwamba tayari serikali imesambaza asilimia 50 ya fedha za kusimamia shughuli za masomo ya kalenda ya mwaka 2026, ili kuhakikisha shule hazikumbwi na changamoto. Taarifa ya Mwahoka Mtsumi

Ogamba awaonya walimu wakuu dhidi ya kuwarudisha wanafunzi nyumbani - COCO FM 98.9

Ogamba awaonya walimu wakuu dhidi ya kuwarudisha wanafunzi nyumbani

Comment

https://backend.cocomedia.co.ke/wp-content/uploads/2026/01/615983380_1374792891328545_9133563469711398716_n.jpg

Home

COCO FM 98.9

https://backend.cocomedia.co.ke/wp-content/uploads/2024/10/cropped-Cocomedia-Logo-New.png

https://secure.gravatar.com/avatar/f498acb3e6d05ff2e4db9e308e3e11f563ce6dff94ad74c006699a77fe1e8f47?s=96&d=mm&r=g

Mwahoka

Kinara wa Chama cha DCP Rigathi Gachagua amejitokeza na kudai kwamba serikali iko na njama ya kumuangamiza licha ya Rais William Ruto pamoja na wabunge kufualu kumtimua uongozini wakati akiwa Naibu Rais wa Kenya. Gachagua alimshtumu Rais Ruto kutokana na uvamizi uliyotekelezwa wakati wa ibada ya Jumapili katika Kanisani la Witima eneo la Othaya kaunti ya Nyeri mapema leo asubuhi Januari, 25. Gachagua aliweka wazi kwamba na watu anaodai kuwa maafisa wa polisi ambao hakuwa na sare za kazi ndio walitekeleza uvamizi huo, akisema walikuwa na njama ya kumuangamiza kwani matukio hayo yamekuwa yakiendelea mara kwa mara licha ya kuwasilisha ripoti wa idara ya upelelezi nchini DCI. Katika kikao na Wanahabari nyumbani kwake katika eneo la Wamunyoro baada ya tukio hilo, Gachagua alimshtumu Waziri wa usalama wa ndani Kipchumba Murkomen, akisema agizo lake la uchunguzi kuhusu tukio hilo ni sawa na kuzima macho wakenya. Kiongozi huyo hata hivyo alidokeza kwamba kuna mbunge mmoja pamoja na mkewe wamekuwa wakishirikiana na wakuu wa usalama kumfuatilia katika shughuli zake pamoja na kuvuruga mikutano yake ya kisiasa, akisema mbunge huyo yuko na malengo fiche. Taarifa ya Mwahoka Mtsumi

Gachagua asema serikali ina njama ya kumuangamza - COCO FM 98.9

Gachagua asema serikali ina njama ya kumuangamza

https://backend.cocomedia.co.ke/wp-content/uploads/2026/01/616832654_1414248690490056_3066227724395105007_n.jpg

Waziri wa Usalama wa ndani Kipchumba Murkomen amelaani vikali tukio la kuvurugwa kwa ibada ya Jumapili katika Kanisa la ACK, Witima eneo la Othaya, kaunti ya Nyeri, ambayo Kinara wa Chama cha DCP Rigathi Gachagua alikuwa amehudhuria. Ibada hiyo ilivurugika baada ya watu wanaoaminika kuwa maafisa wa polisi waliokuwa wamevaa kiraia kurusha vitoa machozi na kufyatua risasi. Murkomen alisema kuvunjwa kwa utulivu wa waumini Kanisani ni kinyume cha maadili ya kidemokrasia, akibainisha kwamba tukio hilo ni shambulio la moja kwa moja dhidi ya uhuru na demokrasia. Waziri Murkomen alisema tayari amefanya mazungumzo na Inspekta Jenerali wa Polisi nchini Douglas Kanja, ili kuhakikisha uchunguzi wa kina unafanywa mara moja na waliohusika kuchukuliwa hatua za kisheria. Wakati huo huo aliwataka wakaazi wa kaunti ya Nyeri kudumisha utulivu, akisema vikosi vya usalama vinaendelea kushughulikia suala hilo. Hata hivyo Kinara wa DCP Rigathi Gachagua alimshtumu Rais Ruto, akisema kwamba ana njama ya kumuangamizi kutokana na misururu ya mashambulizi dhidi yake ambayo yamekuwa yakitekelezwa na maafisa wa polisi wasiovaa sare za kazi. Taarifa ya Mwahoka Mtsumi

Murkomen, aagiza uchunguzi kufanywa kuhusu kuvamiwa kwa Gachagua Kanisani - COCO FM 98.9

Murkomen, aagiza uchunguzi kufanywa kuhusu kuvamiwa kwa Gachagua Kanisani

https://backend.cocomedia.co.ke/wp-content/uploads/2026/01/619087790_1442094243948054_1809348568437822949_n.jpg

Rais William Ruto amemteua mke wa Hayati Raila Odinga, Mama Ida Odinga kuwa Balozi na Mwakilishi wa kudumu wa Kenya katika Shirika la Mazingira la Umoja wa mataifa UNEP. Uteuzi wake umetangazwa rasmi na Mkuu wa utumishi wa umma Felix Koskei na kuchapishwa katika gazeti rasmi la serikali. Koskei amesema rais Ruto ametumia mamlaka yake ya kikatiba na kumteua Mama Ida kushikilia wadhfa huo sawa na kuendeleza juhudi za serikali za kukabiliana na changamoto za mabadiliko ya tabianchi, kuendeleza sera za taifa za mazingira pamoja na kuhakikisha umoja wa mataifa uchangia pakubwa utumizi wa mazingira. Rais Ruto amesifia juhudi zilizofanywa na Mama Ida katika sekta ya elimu, mchapa kazi, na kusimamia na Hayati Raila Odinga katika ulingo wa siasa huku Mama Ida akitarajiwa kufika mbungeni kupigwa msasa kabla ya kuanza majukumu yake mpya. Uteuzi huo umejiri baada ya Rais Ruto jumahili kufanya mabadiliko kadhaa katika nyadhfa za ubalozi ili kuhakikisha Kenya na mataifa mbalimbali ulimwenguni yanaimarisha uhusiano wao mwema. Mama Ida inachukua nafasi hiyo baada ya Ababu Namwamba ambae alikuwa akishikilia wadhfa huo kuteuliwa na rais Ruto kama Balozi wa Kenya nchini Uganda. Taarifa ya Mwanahabari wetu

Rais Ruto amteua Mama Ida Odinga kuwa Balozi na Mwakilishi wa Kenya katika UNEP - COCO FM 98.9

Rais Ruto amteua Mama Ida Odinga kuwa Balozi na Mwakilishi wa Kenya katika UNEP

https://backend.cocomedia.co.ke/wp-content/uploads/2026/01/gettyimages-1242354199-612x612-1.jpg

Mbunge wa Kiharu Ndindi Nyoro amesisitiza umuhimu wa serikali kuweka mikakati thabiti itakayohakikisha elimu katika shule za upili za kutwa inatolewa bila malipo. Akizungumza jijini Mombasa, Nyoro alipendekeza kuanzishwa kwa mfuko maalum wa kitaifa wa kukusanya rasilimali zitakazosaidia kugharamia masomo ya wanafunzi wote katika shule hizo kote nchini. Kwa mujibu wa mbunge huyo, utekelezaji wa pendekezo hilo utaondoa vikwazo vya kifedha na kuhakikisha kila mtoto wa Kenya anapata haki ya elimu. Aidha, Nyoro aliwataka viongozi wa kisiasa kuacha kutumia masuala ya elimu kama nyenzo ya kutafuta umaarufu, akiahidi kushiriki kikamilifu katika juhudi za kuhakikisha elimu ya shule za upili za kutwa inakuwa bure kwa wote. Taarifa ya Mwanahabari wetu

Ndindi Nyoro: Elimu kwa shule za upili za kutwa iwe bila malipo - COCO FM 98.9

Ndindi Nyoro: Elimu kwa shule za upili za kutwa iwe bila malipo

https://backend.cocomedia.co.ke/wp-content/uploads/2026/01/NYORO.jpg

Wanafunzi wa gredi ya kumi wanatarajiwa kuanza rasmi masomo yao wiki ijayo kufuatia kusambazwa kwa vitabu kwa shule za sekondari ya juu kote nchini. Taasisi ya mtaala nchini KICD na wizara ya elimu zilisema kuwa wachapishaji vitabu tayari wamechapisha vitabu na kusambaza asilimia 50 ya vifaa vya masomo. Afisa mkuu wa KICD profesa Charles Ong’ondo alisema jumla ya vitabu milioni 11.87 vinahitajika kwa mwaka huu wa kwanza wa elimu ya shule ya upili. Uchapishaji na usambazaji wa vitabu hivyo umecheleweshwa kwa miezi kadhaa kufuatia mvutano kati ya wizara na wachapishaji kuhusu madeni ya shilingi bilioni 11 ambayo yalikuwa hayajalipwa. Hata hivyo serikali ililipa sehemu ya deni hilo na kuwezesha wachapishaji kuanza kazi yao muhimu. Waziri wa elimu nchini Julius Migos Ogamba alidokeza kuwa shughuli za masomo zitaendeshwa kwa njia iliyosawa na bila matatizo. Taarifa ya Joseph Jira

Masomo ya gredi ya kumi kuanza rasmi wiki ijayo - COCO FM 98.9

Masomo ya gredi ya kumi kuanza rasmi wiki ijayo

https://backend.cocomedia.co.ke/wp-content/uploads/2026/01/Ogamba-waziri.jpg

Familia za wakenya waliokwama nchini Urusi zinaendelea kulilia serikali kuingilia kati kuwarejeshwa jamaa zao nyumbani. Baadhi ya wakenya hao wanaripotiwa kuzuiliwa kama wafungwa wa vita na majeshi ya Ukraine huku wengine wakiripoti kuuawa. Wizara ya mashauri ya kigeni nchini ilisema kuwa wengi wa wanaoripotiwa walisajiliwa kwa njia zisizo halali. Familia ya Oscar Agola Ojiambo imekuwa ikifanya ziara za mara kwa mara katika ofisi za mashauri za kigeni zilizoko Upper Hill Nairobi kufuatilia na kuiomba serikali iingiliea kati ili kufanikisha kurejeshwa kwa mwili wa mpandwa wao nyumbani. Ojiambo mwanajeshi wa zamani wa KDF aliondoka nchini mwezi juni mwaka jana 2025 kujiunga na jeshi la Urusi, japo mwezi mmoja baadaye mawasiliano yake na familia yalikatika ghafla na hawajapata habari zozote kumhusu. Katibu wa mashauri ya kigeni Daktari Korir Sing’oei alisema japo serikali ya kenya imejitolea kuwalinda raia wake walio nje ya nchi, baadhi ya wakenya wamekuwa waathiriwa wa ulanguzi wa binadam. Taarifa ya Joseph Jira

Familia za wakenya waliokwama nchini Urusi zahangaika - COCO FM 98.9

Familia za wakenya waliokwama nchini Urusi zahangaika

https://backend.cocomedia.co.ke/wp-content/uploads/2026/01/KORIR.jpg

Business

Business Archives - COCO FM 98.9

Serikali ya Kenya na Rwanda zimesaini mkataba wa makubaliano (MoU) unaolenga kuanza rasmi utekelezaji wa ofisi ya uhusiano ya halmashauri ya bandari nchini (KPA) jijini Kigali, Rwanda. Hafla hiyo imeongozwa na katibu Mkuu wa idara ya uchukuzi nchini Mohamed Daghar, pamoja na katibu mkuu wa wizara ya miundombinu nchini Rwanda, CPA Canoth Manishimwe. Akizungumza wakati wa hafla hiyo, Daghar alisema makubaliano hayo yanaashiria dhamira ya pamoja ya nchi hizo mbili, kuimarisha ushirikiano wa kikanda, biashara na nafasi yao kimkakati katika sekta ya usafirishaji wa mizigo baharini na nchi kavu Afrika Mashariki. Kwa upande wake, katibu mkuu wa Rwanda CPA Manishimwe alisema KPA ina mchango mkubwa katika kurahisisha biashara ya kikanda na kusaidia wafanyabiashara wa Rwanda na kwamba kuanzishwa kwa ofisi ya KPA Kigali kutarahisisha na kupunguza gharama za kutoa mizigo, huku wateja wakiweza kufanya taratibu nyingi wakiwa majumbani mwao. Mkurugenzi Mkuu wa halmashauri ya bandari nchini KPA nahodha William Ruto, alisisitiza juhudi zinazoendelea za kuboresha shughuli za bandari, kuongeza uwezo na kuimarisha utoaji wa huduma akisema Rwanda inaendelea kuwa mojawapo ya masoko makubwa ya mizigo inayopita katika Bandari ya Mombasa, ambapo mwaka 2025 soko hilo lilikua kwa asilimia 22 sawa na tani 156,107. Taarifa ya mwanahabari wetu.

KPA kuanzisha ofisi ya uhusiano Kigali, Rwanda - COCO FM 98.9

KPA kuanzisha ofisi ya uhusiano Kigali, Rwanda

https://backend.cocomedia.co.ke/wp-content/uploads/2026/01/KPA.jpg

Mahakama ya kuu jijini Nairobi imesikiliza kesi ya ufisadi inayomkabili aliyekuwa Mwenyekiti wa Tume ya kitaifa ya Ardhi (NLC), Prof Mohammad Swazuri, pamoja na washukiwa wengine 16. Upande wa mashtaka umekuwa na nafasi ya kumhoji Swazuri kuhusu sakata ya ufisadi ya ulipaji fidia kwa waathiriwa wa mradi wa reli ya kisasa SGR wakati akiwa Mwenyekiti wa Tume hiyo. Swazuri pamoja na wenzake 16 wanadaiwa kupanga njama ya kutekeleza ufisadi wa takriban shilingi milioni 220, fedha ambazo zilitengwa kulipa fidia waathiriwa wa mradi wa SGR ili ardhi zao zichukuliwe kwa ajali ya mradi huo. Kulingana na uchunguzi uliyofanywa na idara ya upelelezi na kuwasilishwa Mahakamani, ulibaini kwamba kampuni binafsi ya Dasahe Investments na Olomotit Estate Limited, zililipwa fidia kwa njia isiyo halali licha ya madai kuwa ardhi husika ilikuwa mali ya umma. Akijitetea mbele ya Hakimu Mkuu Mwandamizi Eunice Nyutu, Swazuri alijitenga na sakata hiyo akidai kwamba ni shtuma anazoelekezewa ni njama za kumchafulia jina na kumsambaratisha kisiasa, akiweka wazi kwamba hajawahi husika na sakata hiyo ya ufisadi. Kesi hiyo itaendelea siku ya Ijumaa katika Mahakama hiyo. Taarifa ya Mwahoka Mtsumi

Swazuri afikishwa Mahakamani kwa tuhma za ufisadi - COCO FM 98.9

Swazuri afikishwa Mahakamani kwa tuhma za ufisadi

https://backend.cocomedia.co.ke/wp-content/uploads/2026/01/swaz.jpg

Rais William Ruto amewaagiza wanafunzi wote wa gredi ya 10 ambao hawana karo ama sare za shule kuhakikisha wanaripoti shuleni kuanzia hapo kesho siku ya Ijumaa. Rais Ruto alisema serikali kupitia Wizara ya Elimu nchini imesambaza shilingi bilioni 44 shuleni, fedha ambazo zitatumika kufanikisha shughuli mbalimbali za masomo pamoja na matumizi ya shule. Kiongozi wa taifa, aliwaagiza pia maafisa tawala ikiwemo Machifu na manaibu wao kuhakikisha agizo hilo linatekelezwa kikamilifu ili kufanikisha mpango wa serikali wa kuhakikisha asilimia 100 ya wanafunzi wanahudhuria masomo shuleni. &#8220;Naagiza hakuna mtoto anafaa kusalia nyumbani kwa sababu hakuna karo ya shule, watoto wote waende shule kwa sababu tumetuma pesa bilioni 44 kusomesha watoto wetu na walimu kutekeleza shughuli za masomo, kwa hivyo machifu na manaibu wao wasaidie kuhakikisha watoto wote wanaenda shule, wawe na karo ama hawana ni lazima waende shule&#8221;, alisema rais. Kauli yake imejiri baada ya idadi kubwa ya wazazi kulalamikia kuhangaishwa shuleni kutokana na changamoto za usajili wa wanafunzi pamoja na ukosefu wa karo za shule. Taarifa ya Mwahoka Mtsumi

Rais Ruto aagiza wanafunzi wote kuripoti shule hata kama hawana karo - COCO FM 98.9

Rais Ruto aagiza wanafunzi wote kuripoti shule hata kama hawana karo

https://backend.cocomedia.co.ke/wp-content/uploads/2025/09/ruto.jpg

Watu saba wanazuiliwa na maafisa wa polisi katika eneo la Rabai kaunti ya Kilifi baada ya kukamatwa kwa madai ya kufanya uchawi katika kijiji cha Buni, Kibaoni. Saba hao wanajumuisha msichana mwenye umri wa miaka 25. Kundi hilo lilipatikana na maafisa wa polisi wakifanya matambiko katika boma la Mzee Mburusi Gibson na vitu vya ajabu vinavyohusishwa na uchawi. Watu hao walipatikana wamekita kinu kilichofungwa kwa vitambara vyekundu na kisha kuzungushiwa majani ya mgomba katika mlango wa boma hilo. Saba hao wanajumuisha Tobias Kassim Ngao mwenye umri wa miaka 53, Mrisa Nyae Chaka ambaye ni mganga maarufu kutoka kaunti ya Kwale, Ali Mchonyi Mwantsaka, Ngoka Kumbiro Chilonga, Omari Kombira Kimboga, Happy Menza Pola na Nachiro Chitsava. Wanatarajiwa kufikishwa Mahakamani baada ya polisi kukamilisha uchaguzi dhidi yao. Taarifa ya Mwanahabari wetu

Watu 7 wakamatwa na Polisi kwa kushiriki Uchawi - COCO FM 98.9

Watu 7 wakamatwa na Polisi kwa kushiriki Uchawi

https://backend.cocomedia.co.ke/wp-content/uploads/2026/01/WhatsApp-Image-2026-01-21-at-7.23.31-PM.jpeg

Mbunge wa Kilifi Kaskazini Owen Baya amesema kunahaja ya serikali kuu kuhusisha maoni ya umma katika suala la raslimali za madini kabla ya kuruhusu waekezaji kuanza kuchimba raslimali hizo. Baya alisema wakaazi wa eneo husika wanafaa kupewa fursa ya kufahamu namna watakavyofaidika na raslimali hizo hasa iwapo zinapatikana katika ardhi zao. Mbunge huyo ambaye pia ni naibu kiongozi wa wengi katika bunge la kitafa, alisema viongozi hawafai kuwatenga wananchi katika mjadala huo, akisema eneo la pwani linaraslimali nyingi ambazo kufikia sasa hazijamfaidi mpwani. Matamshi yake yanajiri huku kukiwa na mgogoro wa uchimbaji madini katika eneo la Dzombo kaunti ya Kwale, ambapo uongozi wa kaunti umekuwa ukishinikiza umuhimu wa wakaazi wa eneo hilo kuhusishwa kabla ya zoezi la uchimbaji kuanza. Taarifa ya Joseph Jira

Owen Baya ataka wananchi kuhusishwa kwenye mjadala wa madini - COCO FM 98.9

Owen Baya ataka wananchi kuhusishwa kwenye mjadala wa madini

https://backend.cocomedia.co.ke/wp-content/uploads/2026/01/BAYA.jpg

Waziri wa elimu nchini Migos Ogamba ameonya wakuu wa shule wanaolazimisha wazazi kununua sare katika maduka maalum. Waziri Ogamba alisema hali hiyo inakiuka kaununi zilizowekwa na serikali huku akiwataka wazazi kuripoti walimu hao. Alikiri kuwepo malalamishi kutoka kwa wazazi kuhusu kuongezeka kwa gharama za vifaa vya shule akisema limechangiwa na jinsi baadhi ya wakuu wa shule wanavyolazimisha wazazi kununua vifaa maalum kutoka sehemu husika. Wakati huo huo waziri Ogamba alisema asilimia 85 ya wanafunzi tayari wameripoti kujiunga na gredi ya 10 katika shule za umma nchini huku zoezi la kukusanya takwimu za waliojiunga na shule za kibinafsi likiendelea. Taarifa ya Joseph Jira

Waziri Migos Ogamba aonya walimu wakuu - COCO FM 98.9

Waziri Migos Ogamba aonya walimu wakuu

https://backend.cocomedia.co.ke/wp-content/uploads/2026/01/ogamba.jpg

Serikali imehakikishia wakaazi wa kaunti 23 nchini ambazo zinakabiliwa na makali ya ukame kwamba inachakula cha kutosha cha kuwawezesha kukabiliana na makali ya njaa. Akizungumza katika kaunti ya Tanariver baada ya kuongoza ugawaji chakula kwa waathiriwa, waziri wa utumishi wa umma Geoffrey Ruku, alisema hakuna mkenya atakayeaga dunia kwa kukosa chakula. Waziri Ruku alisema msaada wa chakula hicho ni kwa ajili ya familia zisizo na uwezo katika jamii huku akiwataka maafisa wa utawala wa mkoa kutoa ripoti kuhusu walagahai wa chakula cha msaada. Wakaazi wa maeneo ya Tanariver wameitaka serikali kubuni mikakati ya Kukabiliana na athari za kiangazi vile vile mafuriko. Wakati huo huo mbunge wa Garsen katika kaunti ya Tanariver Ali Wario alishinikiza serikali kuu kuongeza mgao wa chakula kwa familia zinazoishi maeneo yanayokabiliwa na makali ya njaa. Wario alisema msimu wa mwezi mtukufu wa Ramadhan unakaribia na familia zilizoathirika na ukame na mafuriko zinafaa kuzingatiwa hata na zaidi upande wa msaada wa chakula. Wario alibainisha kuwa usalama wa chakula unafaa kupewa kipaumbele hasa kwa jamii maskini ili kuepusha mahangaiko na maafa. Taarifa ya Joseph Jira

Wakaazi wa maeneo kame wahakikishiwa usalama wa chakula - COCO FM 98.9

Wakaazi wa maeneo kame wahakikishiwa usalama wa chakula

https://backend.cocomedia.co.ke/wp-content/uploads/2026/01/ruuku.jpg

Mbunge wa Embakasi Mashariki Babu Owino amekosoa uongozi wa Kinara wa Chama cha ODM Dkt Oburu Oginga na kumtaka kuukabidhi uongozi wa Chama hicho kwake. Owino amemtaka Oburu kuitisha mkutano wa kitaifa wa viongozi wote wa chama hicho ili kufanya uchaguzi wapya wa viongozi, akisema Chama cha ODM kinahitaji viongozi wenye malengo na wawajibikaji. Akizungumza na Wanahabari jijini Nairobi, Owino alisema wakati umefika sasa wa Chama cha ODM kuongozwa na viongozi vijana ambao watahakikisha chama kinajenga msingi dhabiti mashinani na wala sio viongozi wazee. Aidha alisisitiza kwamba siasa itaendelea jinsi zilivyo, huku akiweka wazi kwamba chama hicho kinahitaji viongozi vijana na wenye fikra pana. &#8220;Wakati sasa wa chama cha ODM kuitisha mkutano wa kitaifa wa viongozi wote wa chama hicho ili kufanya uchaguzi wapya wa viongozi na kwamba Kiongozi wa chama anafaa kupewa babu Owino, alisema Owino. Taarifa ya Mwahoka Mtsumi

Babu Owino akosoa uongozi wa Oburu Oginga katika ODM - COCO FM 98.9

Babu Owino akosoa uongozi wa Oburu Oginga katika ODM

https://backend.cocomedia.co.ke/wp-content/uploads/2026/01/images.webp

Serikali kuu imesema imefikia asilimia 70 ya wanafunzi wanaojiunga na shule za gredi ya 10 kote nchini ili kuhakikisha hakuna wanafunzi anasilia nyumbani. Waziri wa usalama wa ndani Kipchumba Murkomen aliwataka maafisa tawala ikiwemo machifu na manaibu wao kuhakikisha wanafunzi waliomaliza gredi ya 9 wanajiunga na shule za sekondari ya juu ili kufanikisha malengo yao. Waziri Murkomen alisema serikali iko tayari kutafuta ufadhili wa masomo kwa wanafunzi kote nchini ili kuhakikisha agizo la rais la wanafunzi wote waliomaliza gredi ya 9 wanajiunga na shule za sekondari ya juu ama gredi ya 10 linatimizwa. Aidha alidokeza kwamba Wizara ya elimu nchini iliongeza mda wa wanafunzi wanaojiunga na gredi ya 10 ili kupiga jeki sekta ya elimu na kuwawezesha wanafunzi wanatimiza ndoto yao masomoni. &#8220;Wizara ya elimu iliongeza mda wa wanafunzi ambao hawakutayari kujiunga na gredi ya 10 wazazi wao wanakamilikisha huo mpango na watoto hao wanaingia shule ili kuhakikisha kunafikia ile asilimia 100 ya wanafunzi kujiunga na shule kote nchini&#8221;, alisema Waziri. Taarifa ya Mwahoka Mtsumi

Murkomen: Serikali imefikia asilimia 70 ya wanafunzi kujiunga na gredi ya 10 - COCO FM 98.9

Murkomen: Serikali imefikia asilimia 70 ya wanafunzi kujiunga na gredi ya 10

https://backend.cocomedia.co.ke/wp-content/uploads/2025/11/murkomen.jpg

Maafisa wa usalama mjini Malindi kaunti ya Kilifi wamewakamata washukiwa 18 kwenye msako uliolenga magenge ya kihalifu yaliyokuwa yakiwahangaisha wakaazi wa eneo hilo. Oparesheni hiyo ilifanyika eneo la Muyeye na Milano ambapo washukiwa hao walikamatwa wakiwa na simu za wizi, runinga na silaha zinazoaminika kutumika kutekelezea uhalifu. Washukiwa hao wanazuiliwa katika kituo cha polisi cha Malindi wakitarajiwa kufikishwa mahakamani. Idara ya usalama imetoa onyo kali kwa wakaazi ambao wanaendelea kuwaficha wahalifu ikizingatiwa kwamba wahalifu hao wanaishi miongoni mwao. Taarifa ya Mwanahabari wetu

Washukiwa 18 wa uhalifu wakamatwa Malindi - COCO FM 98.9

Washukiwa 18 wa uhalifu wakamatwa Malindi

https://backend.cocomedia.co.ke/wp-content/uploads/2025/09/ed1ef84569025044.jpeg

Mamlaka ya Kitaifa ya Usafiri na Usalama barabarani, NTSA, imetoa tahadhari ya kiusalama ikiwataka madereva na watumiaji wengine wa barabara kuwa waangalifu kutokana na mvua kubwa na ukungu unaoendelea kushuhudiwa katika maeneo mbalimbali ya nchi. Katika taarifa yake iliyotolewa NTSA ilisema hali ya hewa inayoshuhudiwa kwa sasa imezidisha kwa kiwango kikubwa hatari katika barabara kuu nchini. NTSA iliwashauri watumiaji wa barabara kupunguza mwendo, kudumisha umbali kati ya magari, kuepuka kupita magari mengine endapo kuna ukungu, pamoja na kuwa makini na maeneo yenye maji mengi hasa katika barabara za maeneo ya tambarare. Onyo hilo linajiri kufuatia tahadhari ya idara ya hali ya hewa iliyoeleza kuwa maeneo kadhaa yanatarajiwa kupokea mvua ya wastani hadi ya zaidi ya milimita ishirini hadi thelathini. Maeneo hayo ni pamoja na nyanda za chini za kusini mashariki, nyanda za juu za mashariki na magharibi mwa Bonde la Ufa, Bonde la Ziwa Victoria pamoja na sehemu za Pwani

NTSA, yatoa tahadhari ya kiusalama kwa madereva - COCO FM 98.9

NTSA, yatoa tahadhari ya kiusalama kwa madereva

https://backend.cocomedia.co.ke/wp-content/uploads/2025/12/10.jpg

Waziri wa usalama wa ndani Kipchumba Murkomen amewataka machifu na manaibu wao kuongeza juhudi katika vita dhidi ya pombe haramu na matumizi ya dawa za kulevya. Waziri Murkomen alisema kuwa biashara na matumizi ya pombe haramu pamoja na dawa za kulevya vinaendelea kudhoofisha afya ya umma, usalama na utulivu wa kijamii nchini. Akizungumza katika eneo la Cherangany kaunti ya Trans Nzoia, Murkomen alisema kuwa mapambano dhidi ya pombe haramu na mihadarati yanahitaji ushirikiano wa pamoja kati ya serikali ya kitaifa, kanisa na jamii kwa ujumla. &#8220;Tuko na jukumu kama serikali ya kitaifa kuhakikisha tunakomesha uuzaji wa pombe haramu na mihadarati kwa ushirikiano wa pamoja na makanisa na jamii kwa sababu hii biashara inafanyika sana mashinani na sasa ndio tunasema ni lazima tukomeshe hii biashara kabisa&#8221;, alisema Waziri Murkomen. Aidha alisisitiza kuwa wasimamizi wa ngazi ya mashinani wana jukumu muhimu katika kusimamia sheria na kulinda jamii dhidi ya madhara ya bidhaa hizo haramu. Waziri huyo alibainisha kuwa kaunti ya Trans Nzoia ni miongoni mwa kaunti zinazoongoza kwa visa vya pombe haramu na matumizi ya dawa za kulevya, hali aliyosema haikubaliki kamwe. Taarifa ya Joseph Jira

Murkomen, awataka machifu na polisi kupambana na pombe haramu - COCO FM 98.9

Murkomen, awataka machifu na polisi kupambana na pombe haramu

https://backend.cocomedia.co.ke/wp-content/uploads/2025/12/9.jpg

Mkurugenzi mkuu wa halmashauri ya bandari nchini, nahodha William Ruto, ameibua matumaini mapya kuhusu uboreshaji wa Bandari ya Mombasa baada ya kutangaza hatua mbalimbali za kisasa zinazolenga kuongeza ufanisi wa shughuli za bandari. Akizungumza kwenye kikao na viongozi wa chama cha mawakala wa forodha nchini (KIFWA), nahodha Ruto alisema KPA imeanza kutekeleza miradi muhimu kama kudhibiti kina cha bahari kwa ajili ya kupokea meli kubwa, ujenzi wa Gati ya kwanza katika eneo la Dongo Kundu, pamoja na uendelezaji wa Gati 19B ili kupanua uwezo wa bandari ya Mombasa kushughulikia mizigo zaidi. Alieleza kuwa KPA pia imewekeza kwenye mitambo ya kisasa yenye ufanisi wa nishati, ikiwemo kreni za ‘rubber-tyred gantry’, hatua ambayo itapunguza muda wa meli kukaa bandarini na kuongeza kasi ya kazi. Katika hatua nyingine, Ruto alisema utekelezaji wa mifumo ya kiotomatiki utaongeza kasi ya huduma hususan kwenye lango la bandari, akibainisha kuwa mageuzi ya kidijitali ndiyo dira ya kufanikisha shughuli za bandari kwa viwango vya kimataifa. Pia alisisitiza umuhimu wa bandari ya Lamu, akisema kituo hicho kinazidi kuimarika kama nguzo muhimu ya mradi wa LAPSSET, huku akialika viongozi wa KIFWA kufanya ziara ya kujifunza kwenye bandari hiyo. Kwa upande wake, mwenyekiti wa KIFWA kanda ya Pwani, Rajab Hamisi, aliwapongeza wanachama kwa kazi yao thabiti, na kuishukuru KPA kwa kuendeleza ushirikiano unaolenga kuongeza ushindani na ufanisi katika sekta ya usafirishaji. Taarifa Mwanahabari wetu.

KPA inamatumaini bandari ya Mombasa kuimarika zaidi - COCO FM 98.9

KPA inamatumaini bandari ya Mombasa kuimarika zaidi

https://backend.cocomedia.co.ke/wp-content/uploads/2025/12/bandari.jpg