News

News Archives - COCO FM 98.9

news

news Archives - COCO FM 98.9

Mahakama ya Kilifi imemhukumu kifungo cha miaka 7 gerezani mwanaume mmoja aliyepatikana na hatia kwa kesi ya biashara ya meno za ndovu baada ya uchunguzi na ushahidi kukamilika. Akitoa hukumu hiyo, Hakimu wa Mahakama hiyo Charles Obulutsa alisema kuwa mshtakiwa Abdallah Mbithi ana siku 14 kisheria za  kukata rufaa endapo hajaridhishwa na hukumu hiyo. Hukumu hiyo ilitolewa baada ya uamuzi wa Mahakama kubaini kwamba Mbithi alipatikana na hatia baada ya Mahakama kuzingatia ushahidi uliotolewa ikiwemo ushahidi wa mshtakiwa wa kujitetea. Hakimu Obulutsa aidha alisema kuwa ndovu wako katika hatari kubwa ya kuuwawa hivyo basi kesi hiyo inayohusisha wanyamapori ina hukumu kali yenye kifungo cha maisha au kutoa faini ya shilingi milioni 20 hivyo mahakama imezingatia malilio yake na kumpuguzia kifungo hicho cha miaka saba. Awali Mahakama ilielezwa kwamba mshtakiwa alipatikana na kipande cha sehemu ya ndovu iliyoshukiwa kuwa pembe ya ndovu ambapo baadaye daktari aliyefanya uchunguzi wa maabara alithibitishia mahakama kwamba kipande hicho ni sehemu ya jino la ndovu na uzani wake ni kilo 3 yenye thamani ya shilingi laki 3. Taarifa ya Teclar Yeri.

Mwanaume wa umri wa makamu ahukumiwa kifungo cha miaka 7 gerezeni - COCO FM 98.9

Mwanaume wa umri wa makamu ahukumiwa kifungo cha miaka 7 gerezeni

Comment

https://backend.cocomedia.co.ke/wp-content/uploads/2025/09/1000185307.jpg

Home

COCO FM 98.9

https://backend.cocomedia.co.ke/wp-content/uploads/2024/10/cropped-Cocomedia-Logo-New.png

https://secure.gravatar.com/avatar/f498acb3e6d05ff2e4db9e308e3e11f563ce6dff94ad74c006699a77fe1e8f47?s=96&d=mm&r=g

Mwahoka

Viongozi wa Chama cha ODM wametaka ajenda 10 zilizotiwa saini kati ya Rais William Ruto na Hayati Raila Odinga kutekelezwa kikamilifu kabla ya uchaguzi mkuu wa mwaka 2027.  Viongozi hao wakiongozwa na Kinara wao mpya Dkt Oburu Oginga walisema kutekelezwa kikamilifu kwa ajenda hizo 10 kutaonyesha ukamilifu wa mkataba wa broad-based Government kwa wananchi. Wakizungumza wakati wa halfa ya kuwapokea wabunge wateule wa Chama cha ODM katika makao makuu ya chama hicho jijini Nairobi, viongozi hao walisema ripoti ya NADCO imeangazia masuala muhimu yanayomhusu mwananchi. Hata hivyo Kinara mpya wa chama hicho Dkt Oburu Oginga aliwarai viongozi na wafausi wa ODM kuungana na kushirikiana ili kuhakikisha umaarufu wa chama cha ODM unazidi kushamiri kote nchini. &#8220;Wanachama wa ODM mnafaa kuwa na furaha na ujasiri na pia tunafaa kufanya bidii zaidi kwa sababu kama hatutafanya bidii zaidi na kufanya chama chetu kuwa na umaarufu zaidi basi tutachukuliwa kama watu wasio na maana yeyote&#8221;, alisema Oginga. Taarifa ya Mwahoka Mtsumi

ODM yataka ripoti ya NADCO kutekelezwa kikamilifu - COCO FM 98.9

ODM yataka ripoti ya NADCO kutekelezwa kikamilifu

https://backend.cocomedia.co.ke/wp-content/uploads/2025/12/586024637_4130847548410818_8011128963740675704_n.jpg

Rais William Ruto amevunja kimya chake kuhusu hatamu ya uongozi na kuwakosoa wale wanaoshinikiza kuendelea kusalia madarakani kwa miaka 20 licha ya Katiba ya Kenya kuweka wazi kwamba hatamu ya rais ni mihula miwili. Rais Ruto aliwataka viongozi kuondoa fikra hizo na kuangazia maendeleo, akisema wadhfa wa urais sio kitu rahisi vile baadhi ya viongozi wanavyofikiria na kwamba wadhfa huo una changamoto nyingi. Akizungumza jijini Nairobi, Rais Ruto alisema mda wake wa uongozi ni mihula miwili na utakapokamilika basi ataondoka madarakani na kumuachia kiongozi wengine atakayechaguliwa na wakenya kuwa rais kwa kuzingatia kanuni na sheria za nchi. &#8220;Kuna watu wengine wako na tabia mbaya, wakaenda wakasema huyu mtu amesema atakuwa rais miaka ishirini kwani watu wanafikiria hii kazi ya rais ni kazi rahisi ya kupigiwa kelele kila siku, mimi nangojea siku nitatoka hapa niende mwengine achukue asonge ama namna gani&#8221;, alisema rais Ruto. Kauli yake ilijiri baada ya viongozi mbalimbali nchini hasa wale wanaoegemea upande wa serikali wakiongozwa na Seneta wa Nandi Samson Cherargei, wakipendekeza kubadilisha baadhi ya vipengele vya Katiba ili kuruhusu hatamu ya uongozi kurefushwa hadi miaka 7 badala ya miaka 5 kwa mujibu wa Katiba ya Kenya. Taarifa ya Mwahoka Mtsumi

Rais Ruto: Sina mipango ya kuongeza miaka ya uongozi - COCO FM 98.9

Rais Ruto: Sina mipango ya kuongeza miaka ya uongozi

https://backend.cocomedia.co.ke/wp-content/uploads/2025/11/577762490_1428167275331208_8935300510274099147_n.jpg

Mahakama ya Kilifi imetoa kibali cha kukamatwa kwa washukiwa wawili ya kati ya watatu ambao ni raia wa Italia wanaokabiliwa na mashtaka ya unyakuzi wa ardhi baada ya kukosa kufika Mahakamani. Agizo hilo limetolewa na Hakimu wa Mahakama hiyo Charlse Obulutsa baada ya mshtakiwa mmoja kufika mahakamani na kueleza kwaba kesi hiyo haiwezi kuendelea endapo washtakiwa wa kesi hiyo hawako kamili. Mshtakiwa Armando Tanzini aliagizwa kurudi Mahakamani mnamo tarehe 10 mwezi Disemba mwaka huu ambapo kesi hiyo itasikizwa endapo washtakiwa wenzake ambao ni Pijey Investiment na Pierluigi Caffini watakuwa wameshikwa na kufikishwa mahakamani. Awali Mahakama ilielezwa kwamba mnamo mwaka wa 1994, washtakiwa hao walifanya uhamisho wa shamba nambari ya usajili Chembe /Kibabamshe /408 yenye thamani ya shilingi milioni 165  miliki ya marehemu Kitsao Mashobo Nyaki  kwa kughushi hatimiliki ya ardhi hiyo. Taarifa ya Tecler Yeri

Mahakama ya Kilifi yatoa kibali cha kukamatwa kwa raia wawili wa Italia - COCO FM 98.9

Mahakama ya Kilifi yatoa kibali cha kukamatwa kwa raia wawili wa Italia

Kampeni za uchaguzi mdogo wa ubunge, useneta na uwakilishi wadi katika maeneo mbalimbali, zinatarajiwa kutamatika rasmi siku ya Jumatatu Novemba 24 mwaka huu wa 2025, saa kumi na mbili jioni. Hii ni baada ya Tume huru ya uchaguzi na mipaka nchini IEBC kupitia Mwenyekiti wake Erastus Ethekon kutangaza kipindi cha kampeni kuanza Oktoba 8 hadi Novemba 24 na kwamba zinafaa kufanyika kwa amani. Katika kampeni hizo za lala salama kabla ya dirisha la kampeni kufungwa rasmi na Tume ya IEBC, viongozi mbalimbali ikiwemo wale wa Serikali na upinzani walionekana kuonyeshana ubabe wa kisiasa katika kampeni hizo. Wazee wa Kaya za mijikenda katika eneo la Pwani, Wakiongozwa na Mratibu wa Wazee hao Tsuma Nzai Kombe, wameitaka Tume ya IEBC kuhakikishia chaguzi hizo zinakuwa huru na haki ili kudumisha amani nchini. &#8220;Sisi kama wazee wa Kaya tunataka uchaguzi uwe huru na haki na maafisa wa IEBC wahakikisha wanaandaa uchaguzi wa amani ili kila mmoja awe na haki ya kuchagua kiongozi anayemtaka. Hapa Magarini tunataka amani na sio vurugu kwa sababu watu wenyewe wa Magarini wanapenda amani&#8221;, walisema wazee hao. Kamishna wa IEBC Alutalala Mukhwana amewahakikishia wakenya uchaguzi huru na haki huku akionya kuchukuliwa hatua za kisheria kwa viongozi wanaolenga kuzuru vurugu wakati wa uchaguzi. &#8220;Sisi kama IEBC tumejipanga na tunawaambia watu wa Magarini na kwengine ambako uchaguzi utafanyika kwamba utakuwa huru na haki na maafisa wote wamepewa mafunzo kuhakikisha unatekeleza majukumu yao vyema&#8221;, alisema Alutalala. Taarifa ya Mwahoka Mtsumi

Kampeni za uchaguzi mdogo zatamatika rasmi - COCO FM 98.9

Kampeni za uchaguzi mdogo zatamatika rasmi

https://backend.cocomedia.co.ke/wp-content/uploads/2025/11/587481941_1389164459247456_3837952376857700811_n.jpg

Mwenyekiti wa baraza la magavana nchini Ahmed Abdillahi ameishtumu Wizara ya afya nchini kwa kutoshirikiana na serikali za kaunti katika utekelezaji wa bima ya afya ya jamii SHA. Abdillahi ambaye pia ni Gavana wa kaunti ya Wajir, alisema ni lazima serikali iweke mikakati bora zaidi ya kulinda serikali za ugatuzi kwani zinamchanga mkubwa katika kufanikisha maendeleo ya wananchi mashinani. Wakizungumza katika eneo la Naivasha wakati wa Kongamano la Afya, Magavana walisema Wizara ya Afya inaingilia majukumu ya serikali za kaunti na kuvurugu mpango wa SHA. Magavana hao walisema muingiliano huo wa majukumu kwenye sekta ya afya, kumechangia kucheleweshwa malipo kwa hospitali zinazotoa huduma za afya kupitia mpango wa SHA. Kwa upande wake Waziri wa Afya nchini Aden Duale alisema Wizara yake inaangazia upya mbinu ya kuongeza mgao wa fedha inazilipa. 

Magavana waishtumu Wizara ya afya nchini kwa kutoshirikiana na serikali za kaunti - COCO FM 98.9

Magavana waishtumu Wizara ya afya nchini kwa kutoshirikiana na serikali za kaunti

https://backend.cocomedia.co.ke/wp-content/uploads/2025/11/584521811_1275020684669142_7097953387720896836_n.jpg

Business

Business Archives - COCO FM 98.9

Muungano wa mawakala wa usafiri wa baharini nchini (KSAA), umeibua wasiwasi kuhusu ongezeko la gharama za uendeshaji wa shughuli za usafiri wa baharini katika bandari ya Mombasa. Muungano huo pia ulitahadharisha kwamba ucheleweshaji na ukosefu wa ufanisi, unahatarisha ushindani wa bandari hiyo ambayo ni kitovu kikuu cha biashara nchini. Akizungumza na Wanahabari Afisa mkuu mtendaji wa Muungano huo Elijah Mbaru, alisema sekta ya usafiri wa baharini ilikumbwa na mabadiliko makubwa mwaka uliopita, hali iliyosababisha hasara kwa kampuni za usafirishaji. Mbaru alisema meli nyingi zinatumia muda mwingi kusubiri vibali na nafasi ya kudokoa, jambo ambalo limeongeza gharama za mafuta, ada za kuchelewa na gharama nyingine za uendeshaji katika bandari ya Mombasa. Wakati huo huo Muungano huo uliitaka serikali na wadau husika kuboresha ufanisi, kupunguza ucheleweshaji, na kuongeza miundo mbinu ili kuhakikisha bandari ya Mombasa inaendelea kuimarika kimataifa. Taarifa ya Mwanahabari wetu

Muungano wa KSAA waibua wasiwasi kuhusu ongezeko la gharama za bandarini - COCO FM 98.9

Muungano wa KSAA waibua wasiwasi kuhusu ongezeko la gharama za bandarini

https://backend.cocomedia.co.ke/wp-content/uploads/2025/11/bandari.jpg

Wakfu wa George Kithi kwa mara nyengine umepata Tuzo za Africa Champions Awards kwa kutambulika kama Shirika linalotegemewa na wengi katika jamii. Tuzo hizo za Africa Champions Awards ambazo ni Tuzo za kimataifa zilifanyika katika hoteli moja kaunti Mombasa zikilenga kuwapa motisha wadau mbalimbali, mashirika, Wanahabri pamoja na wawekezaji. Masuala yaliyoangaziwa zaidi na wasimamizi wa Tuzo hizo na ambayo yalichangia Wakfu wa George Kithi kupata Tuzo hizo ni pamoja na juhuzi zinazoendeleza na Wakfu huo za kuiwezesha jamii ya kaunti ya Kilifi kujiimarisha zaidi katika masuala mbalimbali. Mpango wa hivi majuzi wa kuwasaidia zaidi ya wakaazi 5,000 kutoka kaunti za Pwani kwa matibabu ya bure kwenye kambi ya matibabu ya bila malipo iliyoandaliwa katika uwanja wa chuo kikuu cha Pwani pamoja na ufadhili wa masomo kwa wanafunzi wasiojiweza, ni kati ya vigezo vilivyoangaliwa na wasimamizi wa Tuzo hizo za Africa Champions Awards. Wakfu huo pia ulitambulika kwa juhudi zake za kuendelea kuisaidia jamii kujiimarisha kiuchumi kama dhamira ya Mkurugenzi wa Wakfu huo Wakili George Kithi, huku suala la kukuza vipaji na kufungua milango ya mustakabali ulio bora zaidi kwa jamii ukichangia zaidi Wakfu huo kupata Tuzo hizo. Hata hivyo Wakili George Kithi, alipongeza Waandalizi wa Tuzo hizo za Africa Champions Awards kwa kutambua juhudi zinazoendelezwa na Wakfu wa George Kithi pamoja na mipango na mikakati ya Wakili huyo kwa jamii ya kaunti ya Kilifi. Taarifa ya Mwahoka Mtsumi

Wakfu wa George Kithi wapata Tuzo za Africa Champions Awards - COCO FM 98.9

Wakfu wa George Kithi wapata Tuzo za Africa Champions Awards

https://backend.cocomedia.co.ke/wp-content/uploads/2025/11/Untitled-design-29.png

Kaimu Spika wa bunge la kaunti ya Taita taveta Anselm Mwadime pamoja na wajumbe wengine wa bunge la kaunti hiyo wamewasilisha hoja yao mbele ya bunge la kitaifa Anselm pamoja na Mwakilishi wadi wa Wundanyi Jimmy Mwamidi na Mwakilishi wadi mteule Shingira Rose, wanataka suala la usimamizi wa mbuga ya Wanyamapori ya Tsavo Mashariki na Tsavo Magharibi kusimamiwa na kaunt ya Taita taveta. Bunge la kaunti ya Taita taveta linasema raslimali hiyo inafaa kuwa chini ya usimamizi wa serikali ya kaunti ya Taita taveta jinsi mbuga ya Wanyamapori ya Amboseli ilivyokabidhiwa serikali ya kaunti ya Kajiado. Viongozi hao waliwasilisha hoja hiyo mbele ya kamati ya kitaifa kuhusu masuala ya umma wakitaka kubadilishwa hadhi ya mbuga ya wanyamapori ya Tsavo Mashariki na Tsavo Magharibi, wakisema mbuga hiyo inapatikana katika kaunti ya Taita taveta. Taarifa ya Mwahoka Mtsumi

Viongozi wanataka mbuga ya Tsavo kusimamiwa na kaunti ya Taita taveta - COCO FM 98.9

Viongozi wanataka mbuga ya Tsavo kusimamiwa na kaunti ya Taita taveta

https://backend.cocomedia.co.ke/wp-content/uploads/2025/11/Tsavo-west-national-park-Kenya-750x450-1.jpg

Katibu katika Idara ya huduma za magereza nchini Dkt. Salome Beacco amesema serikali itahakikisha wafungwa wanapata mazingira bora ya afya, elimu na jamii ili kuwawezesha kurejea katika jamii wakiwa watu waliobadilika. Dkt. Beacco alisema serikali inaendeleza mpango wa kuboresha magereza nchini, ikiwemo kutoa vitanda vipya, mavazi, huduma za maji safi na mafunzo ya stadi za maisha kwa wafungwa pamoja na kushughulikia maslahi ya maafisa wa magereza. Akizungumza wakati wa ufunguzi wa maktaba iliyoboreshwa katika gereza la Jela baridi eneo la Mvita kaunti ya Mombasa, Dkt. Beacco alisema mradi huo ulifadhiliwa na jamii ya Dawoodi Bohras, utachangia kuwapa wafungwa matumaini na dira mpya maishani. &#8220;Tuko na mipango bora kama serikali kuhakikisha wafungwa wanawezeshwa na kuwa katika mazingira bora ya afya, elimu na jamii ili kuwawezeshwa kurejea katika jamii wakiwa watu waliobadilika&#8221;, alisema Beacco. Kwa upande wake Mwenyekiti wa Shirika linaloshughulikia waraibu na wagonjwa wa afya ya akili, Amina Abdallah alieleza umuhimu wa ushirikiano kati ya serikali na sekta binafsi katika kuendeleza miradi ya maendeleo kwenye magereza. Taarifa ya Mwahoka Mtsumi

Beacco: Serikali itahakikisha wafungwa wanawezeshwa ili kusaidia jamii zao - COCO FM 98.9

Beacco: Serikali itahakikisha wafungwa wanawezeshwa ili kusaidia jamii zao

https://backend.cocomedia.co.ke/wp-content/uploads/2025/11/481085101_622072710577068_1146499507178247438_n.jpg

Katibu katika Wizara ya Elimu nchini Julius Bitok, amesisitiza kwamba elimu ya shule za msingi na zile za upili nchini ingali bila malipo  na kwamba mpango huo utaendelea. Bitok, alipinga vikali tetesi ambazo zinaendelezwa nchini kwamba serikali inapanga kusitisha ufadhili wa masomo, akisema mpango wa elimu ya bila malipo utaendelea kote nchini hasa katika shule za umma. Bitok alisema Wizara ya elimu nchini kwa ushirikiano na hazina ya kitaifa itaendelea kutoa fedha kwa shule ili kuhakisha sekta ya elimu inaboreshwa zaidi kote nchini. &#8220;Hakuna mipango yoyote ya kusitisha ufadhili wa masomo, bado utaendelea kwa kuhakikisha shule za msingi na upili ni bure na tunashirikiana na hazina ya kitaifa ili kuhakikisha ufadhili wa elimu unatekelezwa&#8221;, alisema Bitok. Wakati huo huo alisema serikali imepanga kwamba matokeo ya mtihani wa kitaifa wa gredi ya tisa KJSEA yatatangazwa tarehe 11 mwezi Disemba na wanafunzi kupangiwa shule baada ya matokeo hayo sawa na barua za shule walizoitwa kutolewa kabla ya sherehe za Krismas. Taarifa ya Mwahoka Mtsumi

Bitok: Serikali itaendelea na mpango wa ufadhili wa masomo - COCO FM 98.9

Bitok: Serikali itaendelea na mpango wa ufadhili wa masomo

https://backend.cocomedia.co.ke/wp-content/uploads/2025/11/Bitok-1.jpg

Kaunti ya Kilifi ni moja wapo ya kaunti 47 zinazokabiliwa na changamoto za dhulma za kijinsia, mimba za utotoni, umaskini, mila na tamaduni potovu na mifumo duni ya afya ya jamii. Takwimu za hivi punde, zinatoa picha ya wasiwasi kwani kufikia Oktoba mwaka wa 2024, zaidi ya wasichana 7,000 katika kaunti ya Kilifi walikuwa wamejifungua wakiwa na umri mdogo. Ingawa idadi hiyo ilipungua hadi takriban 4,500 mwaka huu, idadi hiyo inasalia kuwa kubwa mno na kuwafanya viongozi wa eneo hilo na watetezi wa watoto kutoa wito wa kuwepo kwa juhudi za haraka za kulinda wasichana wadogo na kutafuta suluhisio la kudumu. Akizungumza wakati wa uzinduzi wa mpango wa STRIDES for SRHR through Resilient Health Systems (STRIDES) katika kituo cha Afya cha Ganze, kaunti ya Kilifi, Naibu Gavana wa Kilifi Flora Mbetsa Chibule alitaja hali hiyo kuwa ya kusikitisha sana. &#8220;Kilifi, ni kati ya kaunti nyingi katika taifa letu, inaendelea kukabiliwa na changamoto za kipekee katika kuhakikisha kila kijana na kila mwanamke anafurahia haki ya kupata huduma bora za afya,&#8221; alisema Flora. Aidha alielezea wasiwasi wake juu ya kuongezeka kwa visa vya unajisi na kujamiiana na watu wa ukoo, akiwaonya wahalifu wanaowadhulumu wasichana walio katika mazingira magumu, hasa kutoka kwa familia zenye umaskini. Kulingana na Mkurugenzi Mtendaji wa Wakfu wa Aga Khan Kenya, Susan Otieno, mradi wa STRIDES ni ushirikiano wa miaka saba (2025–2032) wenye thamani ya takriban shilingi bilioni 2.3, unaofadhiliwa na Serikali ya Canada, zitasaidia pakubwa kukabiliana na unyanyasaji wa kijinsia kaunti ya Kilifi. Mpango huo utatekelezwa kupitia muungano wa washirika ikiwemo Chuo Kikuu cha Aga Khan (AKU), huduma za afya za Aga Khan (AKHS), Kituo cha kimataifa cha afya ya uzazi Kenya (ICRHK), na Moving the Goalposts (MTG)—kwa ushirikiano na Serikali ya kaunti ya Kilifi. Mpango huo utalenga kaunti ndogo tano—Kilifi Kaskazini, Kaloleni, Rabai, Malindi, na Ganze kwa lengo la kupunguza mimba za utotoni, kupambana na dhulma za kijinsia na kuimarisha uhusiano kati ya jamii na vituo vya afya. Taarifa ya Mwahoka Mtsumi

Bilioni 2.3 kuisaidia kupiga vita dhuluma za kijinsia kaunti ya Kilifi - COCO FM 98.9

Bilioni 2.3 kuisaidia kupiga vita dhuluma za kijinsia kaunti ya Kilifi

https://backend.cocomedia.co.ke/wp-content/uploads/2025/11/WhatsApp-Image-2025-11-14-at-03.06.33.jpeg

Baraza la mawaziri nchini limeidhinisha kuanzishwa kwa ubalozi wa Kenya katika jiji la Vatican hatua inayolenga kuboresha ushirikiano wa kidiplomasia na Vatican. Taarifa ya baraza hilo iliyotolewa septemba 11,2025  inaeleza kuwa ubalozi wa kudumu katika Vatican utaongeza uhusiano wa pande mbili na kuendeleza ushirikiano katika amani, mabadiliko ya tabia nchi vile vile miradi ya kiutu. Vatican ambayo ni makao makuu ya kanisa katoliki duniani inachukuliwa kama mhimili muhimu katika mazungumzo ya upatanishi na masuala ya kibinadamu. Ubalozi huo pia unatarajiwa kuimarisha ushirikiano na mashirika ya kimaendeleo ya kikatoliki ambayo kwa sasa yanasimamia shule zaidi ya 7,700 na vituo vya afya 500 hapa nchini Kenya. Baraza la mawaziri pia limeidhinisha kuanzishwa kwa ofisi nyingine za ubalozi huko Copenhagen nchini Denmark na Hanoi nchini Vietnam. Taarifa ya Joseph Jira

Ubalozi wa Kenya kuanzishwa jijini Vatican - COCO FM 98.9

Ubalozi wa Kenya kuanzishwa jijini Vatican

https://backend.cocomedia.co.ke/wp-content/uploads/2025/11/KENYA-EMBASSY-JARKATA.jpg

Kamati ya kitaifa kuhusu tuzo za Jamhuri imempongeza Wakili George Kithi kwa kutambuliwa kama shujaa wa afya, haki na masuala yanayoathiri jamii kwenye tuzo za kitaifa za mwaka 2025. Utambuzi huu wa kifahari unasherehekea kujitolea kwake katika kupigania haki, maendeleo ya afya, na uongozi wa jamii unaoleta mabadiliko. Kamati hiyo ilimtaja Kithi kama mwanasheria aliyebobea katika utumishi wa umma na mwenye huruma, na ambaye ameonyesha mara kwa mara kwamba uongozi hauhusu cheo, bali madhumuni na huduma zinazofaidi jamii. Imetaja juhudi za wakili huyo katika kuboresha upatikanaji wa hudumu bora za afya, kusaidia programu za matibabu za kijamii, na kuwawezesha wanawake na vijana katika kaunti ya Kilifi kama zinazogusa maisha mengi. Wakili George Kithi akisaidia mgonjwa aliyefika kusaka matibabu wakati wa kambi ya wiki ya matibabu ya bila malipo katika chuo kikuu cha pwani mjini Kilifi. Kupitia wakfu wa George Kithi Foundation, kamati hiyo ilidokeza kuwa matumaini ya wengi na ndoto zilizohamasishwa vimerejeshwa na kukuza kizazi kipya cha wakazi wanaoendeshwa na malengo. Katika sekta ya sheria, Kithi ametajwa kusimama kidete kwa usawa, ukweli, na uwajibikaji, sifa zinazoendelea kutia imani katika maono yake ya kuweko na Kilifi bora na jumuishi zaidi. Wakili George Kithi akitangamana na baadhi ya wakaazi  kwenye kambi ya wiki ya matibabu ya bila malipo katika chuo kikuu cha pwani mjini Kilifi. Wamesifia utendakazi wake kama unaoziba pengo kati ya sheria, uongozi na ubinadamu unaoendelea kuunda safari yake na kuwatia moyo wengi kote nchini. “Tuzo hii ya mwaka 2025 inasimama kama utambuzi wa kitaifa wa ujasiri wako, huruma, na kujitolea kwa mabadiliko ya umma”. imesema taarifa ya kamati hiyo. Taarifa ya Joseph Jira

Wakili George Kithi atambuliwa kama shujaa kwenye tuzo za kitaifa za Jamhuri, 2025 - COCO FM 98.9

Wakili George Kithi atambuliwa kama shujaa kwenye tuzo za kitaifa za Jamhuri, 2025

https://backend.cocomedia.co.ke/wp-content/uploads/2025/11/WhatsApp-Image-2025-11-11-at-2.02.53-AM.jpeg

Maafisa wa upelelezi eneo la Nyali, kaunti ya Mombasa, wamemkamata mwanamke anayedaiwa kupanga njama ya wizi dhidi ya mpenzi wake raia wa uingereza baada ya kumwalika nyumbani kwake. Mshukiwa huyo, Samira Mumbi Kiarie almaarufu Samira, anadaiwa kumlaghai mwingereza huyo kwa miezi kadhaa mtandaoni kabla ya kupanga njama ya kumvutia katika nyumba yake eneo la Nyali. Kwa mujibu wa maafisa wa DCI, dakika chache baada ya mwanaume huyo kuingia ndani, wanaume wawili walivamia nyumba hiyo mmoja akijitambulisha kama mume wa Samira na mwingine kama afisa wa polisi. Inasemekama walimtishia raia huyo na kumlazimisha kuhamisha zaidi ya shilingi laki nane kupitia simu kabla ya kutoweka. Hata hivyo, baada ya uchunguzi wa kina wa kijasusi, maafisa wa DCI walifanikiwa kumtia mbaroni Samira pamoja na mshirika wake Paul Webster Mangeni, maarufu Paulo. Ilibainika kuwa wawili hao ni sehemu ya genge linalowalenga wageni kupitia mitandao ya kijamii na kuwaibia. Watuhumiwa hao wanazuiliwa katika kituo cha polisi cha Nyali wakisubiri kufikishwa mahakamani huku msako ukiendelea kumtafuta mshukiwa mwingine aliyetoroka. Taarifa ya Mwanahabari wetu.

Watu wawili wakamatwa kwa kumlaghai mtalii shilingi laki nane Mombasa - COCO FM 98.9

Watu wawili wakamatwa kwa kumlaghai mtalii shilingi laki nane Mombasa

https://backend.cocomedia.co.ke/wp-content/uploads/2025/11/nyali.jpg

Baada ya kushuhudiwa vurugu na uharibifu wa mali ya shule katika Shule ya upili ya wavulana ya Malindi, hali imerejea kama kawaida na wanafunzi wa kidato cha nne katika shule hiyo wanaendelea na mitihani yao ya kitaifa ya KCSE. Hii ni baada ya watahiniwa wa kidato cha nne katika shule hiyo kutofautiana na mwalimu mkuu kuhusu mazingira tata, hali iliyosababisha uharibifu wa mali ya shule hiyo uliyotekelezwa na wanafunzi hao. Naibu Chifu wa Shella mjini Malindi Nichodemus Mwayele, alisema wanafunzi hao walimshinikiza Mwalimu mkuu wa shule hiyo kuwaruhusu kuendelea kujitayarisha kwa mitihani yao katika sehemu ambayo haijaruhusiwa. Mwayele alifichua kuwa hatua hiyo ndio ilipelekea wanafunzi kuzua vurugu na kuharibu mali ya shule hiyo ikiwemo Camera za siri CCTV, kung&#8217;oa Solar miongoni mwa vifaa vyengine, hali iliyosababisha maafisa wa usalama kuingilia kati. &#8220;Kulikuwa na vurugu na rabsha katika shule hii lakini tulitatua hiyo na sasa wanafunzi wanaendelea na masomo yao kama kawaida, hizi vurugu zilichangiwa na wanafunzi kumlazimisha walimu mkuu kuwaruhusu mahali ambapo wanafunzi walikuwa hawaruhusiwi ndio maafisa wa uslaama wakaja kutuliza vurugu hizo&#8221;, alisema Naibu chifu. Kwa upande wake Sarah Wambui mmoja wa wazazi wa wanafunzi wa shule hiyo, aliwataka wanafunzi hao kuzingatia nidhamu na kujiepusha na vurugu ili kuepuka kufutiliwa mbali kwa mitihani yao ya kitaifa. &#8220;Tunawaambia wanafunzi watulie wafanye mitihani yao kwa amani lakini wakiendelea kuzua vurugu basi huenda mitihani yao itasitishwa na sisi kama wazazi hatutaki hivyo, tunataka wanafunzi wafanye vizuri masomoni. Taarifa ya Mwahoka Mtsumi

Mtihani wa KCSE waendelea vyema baada ya vurugu katika shule ya upili ya Malindi - COCO FM 98.9

Mtihani wa KCSE waendelea vyema baada ya vurugu katika shule ya upili ya Malindi

https://backend.cocomedia.co.ke/wp-content/uploads/2025/11/WhatsApp-Image-2025-11-10-at-19.57.37.jpeg

Mamlaka ya ukusanyaji ushuru nchini (KRA) kwa ushirikiano idara ya usalama imekamata shehena ya sigara haramu milioni 9.5 katika bandari ya Mombasa zilizokuwa zimefichwa ndani ya vifurushi vya sodo. Naibu Kamishna wa KRA anayesimamia udhibiti wa mipaka Chege Macharia, alisema sigara hizo za thamani ya shilingi milioni 200 zilikuwa zimetoka Thailand kupitia meli ya CMA CGM, ilitangazwa kimakosa kuwa maboksi 1,100 ya sodo. Macharia alisema kufuatia ushirikiano wa kimataifa na taarifa kutoka Idara ya Forodha ya Marekani, waligundua kwamba shehena hiyo haikuwa na sodo bali sigara haramu aina ya Supermatch zenye nembo ya Mamlaka ya ushuru ya Uganda (URA) na maandishi ya “For export.” &#8220;Tumefanikiwa kunasa shehena ya sigara haramu milioni 9.5 ambazo zilikuwa zimefichwa kwenye maboksi ya Sodo baada ya kupata taarifa kutoka kwa makala wa forodha na hizi sigara ni hatari kwa maisha ya binadamu na hata pia kwa mapato ya serikali&#8221;, alisema Macharia. Macharia alisema hatua hiyo inaonyesha mafanikio makubwa katika vita dhidi ya bidhaa za magendo na ukwepaji wa ushuru, akiongeza kwamba biashara hiyo haramu inaathiri mapato ya serikali na afya ya wananchi. Taarifa ya Mwanahabari wetu

Shehena ya sigara haramu yanaswa bandarini Mombasa - COCO FM 98.9

Shehena ya sigara haramu yanaswa bandarini Mombasa

https://backend.cocomedia.co.ke/wp-content/uploads/2025/11/WhatsApp-Image-2025-11-10-at-04.59.11.jpeg

International News

International News Archives - COCO FM 98.9

Rais wa Tanzania Samia Suluhu sasa ametaka mazungumzo na upinzani wa taifa hilo baada ya uchaguzi uliokumbwa na utata na ghasia. Wito huu ukitolewa siku moja baada ya kukamatwa kwa katibu mkuu wa chama cha upinzani cha CHADEMA Amani Golugwa kwenye msako wa kuwatafuta washukiwa wa ghasia za baada ya uchaguzi. Emmanuel Nchimbi ambaye ni makamu wa rais wa Tanzania alisema hatua hiyo ni kutoa fursa kwa wapinzani kusikizwa na kuhakikisha Tanzania inasalia yenye amani. Nchimbi alisema rais Samia Suluhu Hassan anania ya kuweka udhabiti wa taifa hilo sawa na kuweka mazingira bora kwa wawekezaji. Rais Samia amekosolewa pakubwa kutokana na uchaguzi huo ulioshuhudia kuzimwa kwa mitindao pamoja na kukandamizwa kwa vyombo vya habari. Waangazili wa mashirika kama vile umoja wa afrika, na hata muungano wa mataifa ya kusini mwa afrika SADC yalisema uchaguzi huo haukuwa huru na haki. Taarifa ya Joseph Jira

Rais Samia aitisha mazungumzo na upinzani - COCO FM 98.9

Rais Samia aitisha mazungumzo na upinzani

https://backend.cocomedia.co.ke/wp-content/uploads/2025/11/SAMIA.jpg

Serikali ya kaunti ya Mombasa imeshinikizwa kuheshimiana na bunge la Kaunti hiyo katika utendakazi wao, kwani malumbano kati yao yanaweza kuathiri utekelezaji wa miradi ya maendeleo mashinani. Akizungumza na wandishi wa habari, seneta wa Mombasa, Mohammed Faki, alisema kuwa bunge la kaunti linatambulika kikatiba kupitia sheria ya ugatuzi, hivyo kulikandamiza ni kukosa kuliheshimu kama taasisi muhimu ya utawala. Hata hivyo, aliwataka wawakilishi wa wadi kushirikiana na serikali ya kaunti ili kuhakikisha maswala muhimu waliyowaahidi wananchi yanatekelezwa ipasavyo. Wakati huo huo Faki alisema kuna masuala mengi yanayostahili kujadiliwa ndani ya bunge hilo, ikiwemo uimarishaji wa miundombinu ya barabara, kupitishwa kwa mawaziri walioteuliwa pamoja na mambo mengine muhimu yanayohusu ustawi wa wananchi wa Mombasa. Kauli hiyo ilijiri siku chache baada ya kushuhudiwa vurugu wakati wa kikao kati ya kamati ya ardhi ya bunge la kaunti na mafisa wa idara hiyo wakiongozwa na waziri Mohamed Hussein. Taarifa ya Mwanahabari wetu

Kaunti ya Mombasa yashinikizwa kuheshimiana na bunge la kaunti hiyo - COCO FM 98.9

Kaunti ya Mombasa yashinikizwa kuheshimiana na bunge la kaunti hiyo

https://backend.cocomedia.co.ke/wp-content/uploads/2025/11/Faki-Senator.jpg

Hatimaye wanaharakati Bob Njagi na Nicholas Oyoo wameachiliwa huru, siku 38 baada ya kutekwa nyara nchini Uganda wakisema walizuiliwa na jeshi la nchi hiyo kwa muda huo wote. Wakizungumza muda mfupi baada ya kuwasili jijini Nairobi, Njagi na Oyoo walisema waliteswa mikononi mwa kikosi maalum cha jeshi la Uganda. Wawili hao waliwashukuru wakenya kwa juhudi zao za kushinikiza waachiliwe. Awali serikali ya Uganda ilikana kwamba wanaharakati hao walikuwa wanazuiliwa nchini humo. Hata hivyo watetezi wa haki za binadam walieleza wasiwasi wao kuhusu taswira hii ya ukiukaji wa haki za kimsingi. Njagi na Oyo waliachiliwa huru na kusafirishwa hadi mpaka wa Kenya eneo la Busia wakiandamana na Balozi wa Kenya nchini Uganda. Taarifa ya Joseph Jira

Wanaharakati wa Kenya Bob Njangi na Nicholas Oyoo waachiliwa huru - COCO FM 98.9

Wanaharakati wa Kenya Bob Njangi na Nicholas Oyoo waachiliwa huru

https://backend.cocomedia.co.ke/wp-content/uploads/2025/11/NJAGI-NA-OYOO.jpg