News
Mshukiwa wa wizi wa kimabavu akamatwa Likoni
Maafisa wa usalama eneo bunge la Likoni Kaunti ya Mombasa wanamzuiliwa mwaname mmoja kwa tuhuma za wizi wa kimabavu baada ya kuvamia hospitali ya kibinafsi akiwa amejihami na bunduki bandia.
Mwanamme huyo kwa jina Alfred Okoth mwenye umri wa miaka 27 alikamatwa baada ya kujaribu kuiba katika hospitali moja eneo la Konambaya huko Likoni.
Kulingana na polisi mwanamme huyo aliingia kwa siri katika hospitali hiyo na kuwatishia wafanyakazi pamoja na wagonjwa kwa kutumia bunduki bandia.
Maafisa wa polisi kutoka Kituo cha polisi cha Inuka waliingilia kati na kumwokoa mshukiwa kutoka mikononi mwa umati uliokuwa na ghadhabu, kabla ya kumpeleka kituoni kwa mahojiano zaidi.
Polisi walisema wanachunguza tukio hilo na kuwataka wananchi kuwa watulivu na kuepuka kujichukulia sheria mikononi mwao.
Taarifa ya Mwanahabari wetu
Gavana wa kaunti ya Tana River Dhadho Godhana amewataka wenyeji wa kaunti hiyo kujiepusha na wanasiasa ambao wanaingiza siasa kwenye masuala ya maendeleo.
Godhana alisema hilo limechangia kaunti ya Tana River kusalia nyuma kimaendeleo hali ambayo itasababisha miradi mingi kuzidi kukwama.
Godhana alisema ni lazima viongozi na wenyeji wa kaunti ya Tana River washirikiane na uongozi wa kaunti ili kuafikia utekelezaji wa miradi ya maendeleo.
Wakati huo huo Godhana aliesema mradi wa Village Cluster ambao umekuwa ukipingwa ndio utakaosaidia kudhibiti changamoto ambazo zinaikumba kaunti ya Tana River.
Naye Mahat Ali Loka ambaye ni Naibu Gavana wa kaunti ya Tana River, aliwaonya wanasiasa kutoka kaunti zingine dhidi ya kuingilia siasa za kaunti hiyo huku Spika wa bunge la kaunti hiyo Osman Noor Galole, akitoa onyo kwa wafanyikazi wa umma dhidi ya kujumu la serikali ya kaunti ya Tana River.
Taarifa ya Janet Mumbi
Polisi kaunti ya Mombasa wanachunguza kisa ambapo mwili wa mwanamme ambaye hajafahamika umepatikana ukielea katika maji ya bahari hindi kwenye ufuo wa Shelly Beach eneo bunge la Likoni.
Ripoti ya polisi ilibaini kuwa mwili huo uligunduliwa na wavuvi eneo hilo, ambao walipiga ripoti katika kituo cha polisi cha Shelly Beach kuhusiana na tukio hilo.
Polisi walisema hawakubaini mara moja anakotoka mtu huyo.
Vile vile haikubainika iwapo marehemu alizama au aliuawa kabla ya mwili wake kutupwa baharini.
Polisi walisema hawajakutana na stakabadhi zozote za kumtambulisha mtu huyo huku wakiwasihi wananchi kutoa taarifa iwapo wanafahamu familia ya marehemu.
Mwili unahifadhiwa katika hifadhi ya maiti katika hospitali ya Rufaa ya Coast General Mombasa wakati uchunguzi zaidi ukiendelea.
Taarifa ya Joseph Jira
Msururu Wa Raga Driftwood 7s Umengoa Nanga Mombasa
Godhana, awataka wakaazi kutoingiza siasa miradi ya maendeleo
