Sports
Matumizi ya Rekodi ya Pauni Bilioni 3 Katika Usajili wa Majira ya Kiangazi Yaimarisha Ligi Kuu England Kama “Ligi Zaidi Duniani”
Matumizi ya rekodi ya pauni bilioni 3 ($4 bilioni) katika dirisha la usajili la majira ya kiangazi yamezidi kuimarisha hadhi ya Ligi Kuu ya England kama “ligi yenye ushindani zaidi katika soka la dunia”, kulingana na wataalamu wa kifedha wa Deloitte.
Dirisha hilo lilifungwa kwa mtindo wa kipekee Jumatatu usiku baada ya Liverpool kutangaza usajili wa rekodi ya Uingereza wa pauni milioni 125 kwa mshambuliaji wa Newcastle, Alexander Isak, kufuatia siku iliyojaa uhamisho mkubwa.
Kwa mujibu wa Deloitte, matumizi hayo ya jumla ya zaidi ya pauni bilioni 3 ni ya juu kwa karibu pauni milioni 650 kuliko rekodi ya awali ya pauni bilioni 2.4 iliyowekwa mwaka 2023. Hii ni mara ya tatu mfululizo majira ya kiangazi ambapo matumizi yamezidi pauni bilioni 2, na mara ya kwanza kufikia pauni bilioni 3.
Matumizi hayo yamepita yale ya jumla katika ligi tano kubwa za Ulaya (La Liga, Bundesliga, Serie A na Ligue 1), yakichangia asilimia 51 ya matumizi yote kati ya makundi hayo.
Tim Bridge, mshirika kiongozi katika Deloitte Sports Business Group, alisema:
“Rekodi hii ya tatu ya matumizi ya majira ya kiangazi ya Ligi Kuu England katika kipindi cha miaka minne ni ishara tosha kwamba, licha ya matumizi kuwa madogo barani Ulaya kwa jumla, klabu hazina mpango wa kupunguza uwekezaji wao katika bidhaa ya uwanjani.
“Kwa idadi kubwa zaidi ya timu za Kiingereza kushiriki katika mashindano ya Ulaya kuliko ligi nyingine yoyote barani humo, klabu za Ligi Kuu zinalenga kuvutia vipaji bora na kuimarisha zaidi ligi hii kama ligi inayoshindana zaidi duniani.”
Mkufunzi wa kilabu ya Kenya Police Bullets, Beldine Odemba, amesema timu yake iko tayari kupambana hadi mwisho na kutwaa ubingwa wa CECAFA Qualifiers za Ligi ya Mabingwa wa Wanawake wa CAF.
Mabingwa wa FKF Women’s Premier League wataanza kampeni yao siku ya hapo kesho, Septemba 4, 2025, dhidi ya Kampala Queens ya Uganda katika Uwanja wa Nyayo National Stadium. Wapo Kundi A, ambalo pia linajumuisha Denden FC ya Eritrea.
Kundi B lina mabingwa watetezi Commercial Bank of Ethiopia (CBE), pamoja na Top Girls Academy ya Burundi na Rayon Sports WFC ya Rwanda.
Kundi C linaongozwa na JKT Queens ya Tanzania, wakijiunga na Yei Joint Stars ya Sudan Kusini na JKU Princess ya Zanzibar.
“Wasichana wako tayari kabisa kuanza mashindano ya CECAFA.wamepata mafunzo makali na naamini faida ya kucheza nyumbani itatufanikisha kutwaa taji na kufuzu kwa Ligi ya Mabingwa wa Wanawake wa CAF. Kama nilivyosema awali, tutaheshimu kila timu na hatuwezi kuidharau timu yoyote,” alisema Odemba.
Mwalimu huyo akiwahimiza mashabiki kujitokeza kwa wingi katika viwanja vya Nyayo Stadium na Ulinzi Complex kuwashangilia Bullets.
Kwa Police Bullets, dhamira ni ya kulipiza kisasi.
Mwaka jana mjini Addis Ababa, walikaribia kufuzu lakini wakapoteza 1-0 dhidi ya CBE kwenye fainali. Safari hii, wamedhamiria kutumia nafasi yao ipasavyo wakiwa nyumbani.
Kila kitu kimekamilika kwa Mashindano ya Golf ya SportsBiz Africa,makala ya tano ya Sunshine Development Tour East Africa Swing, yanayoanza leo katika Kigali Golf Resort & Villas.
Mashindano haya ya siku tatu yenye mashimo 54 yamevutia wachezaji 121 wa kulipwa na wa ridhaa wa kiwango cha juu kutoka nchi 16 za Afrika, Ulaya na Amerika Kaskazini.
Shindano hili litakuwa na zawadi ya dola 25,000 za Marekani, pamoja na pointi muhimu za Official World Golf Ranking (OWGR) na World Amateur Golf Ranking (WAGR).
Mkurugenzi wa Mashindano, David Kihara, alisema maandalizi yameenda vizuri na uwanja uko katika hali bora kabisa kuwapokea wachezaji wa kimataifa.
“Kuhusu maandalizi yetu, naamini tuko tayari. Uwanja uko katika hali bora, umependezesha vizuri sana na nyasi za kijani ni za kasi. Tunatarajia zitakuwa na mwendo wa takribani 11.
Sehemu yenye majani marefu ni magumu sana, hivyo wachezaji lazima wawe makini wanapopiga mipira yao ya golf,” alisema Kihara.
Akizungumzia wachezaji, Kihara alisema:
“Tunao washiriki wenye nguvu, karibu wa kimataifa, kutoka Uingereza, Kanada, Nigeria, Côte d’Ivoire, Zimbabwe, Zambia, Afrika Kusini na, bila shaka, kutoka maeneo mbalimbali ya Afrika Mashariki.
Hali ya hewa inatarajiwa kuwa nzuri kwa golf; kavu, upepo kidogo, lakini hakuna mvua, hivyo tuko tayari kuanza.”
Njoroge Kibugu wa Kenya, mshindi wa hatua ya Ruiru, ni miongoni mwa wanaopewa nafasi kubwa kwenye mashindano ya Kigali na amesema ana imani kubwa kuelekea kwenye michuano hiyo.
“Kushinda kule Ruiru kulinipa motisha kubwa. Kulinionyesha kwamba mchezo wangu unaweza kustahimili shinikizo. Kila mashindano ni tofauti, lakini ninajihisi nikiwa na imani na ari kubwa kuingia Kigali.
Nataka tu kuendeleza mwendo huu na kujiweka kwenye nafasi bora ya kushindana tena.”
Akirejelea ubora wa ushindani katika Swing, Kibugu aliongeza:
“Kiwango cha ushindani kimekuwa cha juu sana, ambacho kimenisukuma kuinua kiwango changu.
Funzo kubwa ni uvumilivu; huwezi kulazimisha mambo hapa. Ni lazima kuamini mchakato wako na kubaki na nidhamu.
Pia nimejifunza kuzoea haraka hali tofauti za viwanja, na nitachukua mtazamo huo hadi Kigali.”
Kibugu pia alibainisha maeneo aliyoyazoeza zaidi:
“Nimefanya kazi kubwa kwenye mchezo mfupi na upigaji wa mipira kwenye mashimo (putting), kwa sababu hapo ndipo mashindano mara nyingi hushindiwa au kushindwa. Pia nimezingatia usimamizi wa uwanja, kufanya maamuzi bora zaidi chini ya shinikizo.
Nikijumuisha hayo na uimara wangu kwenye mipira mirefu, nitakuwa kwenye nafasi nzuri.”
Mshiriki mwingine nguli, Dismas Indiza wa Kakamega Sports Club na bingwa wa Ruiru, ambaye amekuwa mmoja wa wachezaji waliovutia zaidi katika Swing, alisema yuko tayari kwa changamoto baada ya raundi nzuri ya mazoezi.
“Maandalizi yangu yamekuwa thabiti. Nimezingatia kuweka mchezo wangu makini na kuhakikisha putting yangu ni ya kudumu.
Raundi ya mazoezi hapa Kigali ilikuwa nzuri; uwanja uko katika hali bora, njia ni nyembamba na nyasi za kijani ni za kasi. Najua itahitaji usahihi na uvumilivu.
Lengo langu ni kubaki thabiti kuanzia tundu la kwanza na kujiweka kwenye nafasi nzuri kuelekea siku ya pili na ya mwisho.
Haitakuwa rahisi kwa sababu wachezaji ni wenye nguvu, lakini nina imani na mchezo wangu na nasubiri kwa hamu changamoto hii.”
Mashindano ya SportsBiz Africa Golf Championship yanadhaminiwa na SportsBiz Africa, Johnnie Walker (EABL), Kigali Golf Resort & Villas, na Pure Travel.
Tukio hili pia ni utangulizi wa Mkutano wa SportsBiz Africa 2025, kongamano la kila mwaka la siku mbili litakalofanyika Kigali kwa lengo la kukuza sekta ya michezo Afrika na kujenga mfumo thabiti wa biashara ya michezo kwa maendeleo endelevu.
Wavuvi kaunti ya Kwale walalamikia kutohusishwa kwa vikao vya umma
Police Bullets Kuanza kampeni ya CECAFA kwa matarajio ya kutwaa ubingwa
