Sports
Kikosi Cha Raga Simbas Yashinda Tena
Kikosi cha Raga wachezaji 15 kila upande Simbas imepata ushindi wake wa pili katika mechi za kujipima nguvu kabila ya kombe la bara Afrika baadaye mwakani.
Simbas waliwatandika Super Babarians alama 27-22 mechi iliopigwa mjini Lumpopo Afrika Kusini.
Vijana hao wa kocha Jerome Parwater walikua wametoka sare mechi mbili 17-17 dhidi ya SWD Eagles na vilevile kupteza mechi mbili dhidi ya Chipukizi wa Afrika Kusini Blitz Bocks na Sanlam Bolam.
Timu hiyo imesalia na mechi moja ya kirafiki dhidi ya Limpompo kabila ya mashindano ya kombe la Bara Afrika mjini Kampala Uganda mwezi Julai mechi hizo zikitumika pia kama mechi za kombe la dunia nchini Australia mwaka 2027.
Manchester United imetwaa ubingwa wa kombe la ‘Premier League Summer Series’ kufuatia sare ya 2-2 dhidi ya Everton katika dimba la Mercedes-Benz, Atlanta, Georgia Marekani.
Michuano hiyo ya maandalizi ya msimu mpya ilishirikisha timu nne za Ligi Kuu England Man United, West Ham United, Everton na Bournemouth ambapo Mashetani hao Wekundu wamemaliza kileleni pointi 7 baada ya mechi tatu, wakishinda mechi mbili na kutoka sare mechi moja.
Kiungo Bruno Fernandes aliwaweka uongozini United dakika ya 18 kupitia mkwaju wa Penalti au Tuta kisha Iliman Ndiaye akisawazishia The Toffees dakika ya 40,United tena walichukua uongozi kupitia kwa kiungo mshambulizi Mason Mount dakika ya 69 kabila ya beki Ayden Heaven kujifunga dakika ya 75.
MSIMAMO:
1. Man UTD — mechi 3 — pointi 7
2. West Ham mechi 3 — pointi 6
3. Bournemouth mechi 3 — pointi 3
4. Everton mechi 3 — pointi 1
Timu ya Taifa ya Kenya (Harambee Stars) imechukua alama zote tatu kufuatia ushindi wa 1-0 dhidi ya Jamhuri ya Kidemokrasia ya Congo kwenye mchezo wa kwanza wa Kundi B wa kombe la Mataifa Afrika CHAN 2024 katika dimba la Moi Sports Centre, Nairobi.
Goli hilo la kipekee lilitiwa wavuni na kiungo mshambulizi Austine Odhiambo dakika 45 kipindi cha kwanza.
Rais William Ruto ambaye alifuatilia mechi hiyo uwanjani alitembelea kikosi katika chumba cha kubadilisha na kukabidhi ahadi yake ya shilindi milioni moja kwa kila mchezaji baada ya ushindi huo.
Stars wamekwea kileleni mwa kundi A na alama Tatu kundi ambalo pia lina Morocco,Zambia na Angola Mechi ijayo ya Stars ni dhidi ya Angola ni Agosti 7.
News8 hours ago
Serikali yaombwa kuondoa miili 400 hospitali ya Malindi
News9 hours ago
Rais Ruto amteua Amani Yuda Komora kuwa Mwenyekiti wa NPSC
Entertainment11 hours ago
