Sports

Kenya Mabingwa Afrika, Kombe La Catchball

Published

1 month ago

June 25, 2025

Kaka JP

Kikosi cha Taifa cha Kenya mchezo wa Catchball ndiyo mabingwa wa Afrika kombe hilo lililotamatika mjini Soweto Afrika Kusini mwishoni mwa Juma.

Mashindano hayo ambayo ni ya akina dada yalingoa nanga Juni 14-21 yalikua yanajumuisha mataifa ya Kenya,Uganda,Ghana na Afrika Kusini yakilenga kuimarisha mchezo huo katika ukanda wa Afrika kwa jumla.

Kulingana na Rais wa mchezo huo Papa Douglas Shilubane akiwashukuru timu zote za kigeni kwa kuitikia mwito ametaja kuwa lengo lao ni kufanya mchezo wenyewe ujulikane barani.

“Tunalenga kuhahakisha mchezo huu unaenea kote Barani Afrika na kukuja kwenu ni hatua mwafaka wa kuendeleza mchezo huu tulionza hapa Afrika kusini na kueneza kote Barani.”

Kenya ilishinda mechi zake zote tano ambazo alishiriki na hivyo basi kutawazwa kuwa bingwa wa makala hayo ya kwanza.

Sports

Manchester United Ndiyo mabingwa wa ‘PREMIERE LEAGUE SUMMER SERIES’

Published

14 hours ago

August 4, 2025

Kaka JP

Manchester United imetwaa ubingwa wa kombe la ‘Premier League Summer Series’ kufuatia sare ya 2-2 dhidi ya Everton katika dimba la Mercedes-Benz, Atlanta, Georgia Marekani.

Michuano hiyo ya maandalizi ya msimu mpya ilishirikisha timu nne za Ligi Kuu England Man United, West Ham United, Everton na Bournemouth ambapo Mashetani hao Wekundu wamemaliza kileleni pointi 7 baada ya mechi tatu, wakishinda mechi mbili na kutoka sare mechi moja.

Kiungo Bruno Fernandes aliwaweka uongozini United dakika ya 18 kupitia mkwaju wa Penalti au Tuta kisha Iliman Ndiaye akisawazishia The Toffees dakika ya 40,United tena walichukua uongozi kupitia kwa kiungo mshambulizi Mason Mount dakika ya 69 kabila ya beki Ayden Heaven kujifunga dakika ya 75.

MSIMAMO:

1. Man UTD — mechi 3 — pointi 7

2. West Ham mechi 3 — pointi 6

3. Bournemouth mechi 3 — pointi 3

4. Everton mechi 3 — pointi 1

Sports

Stars yaanza vema CHAN kwa ushindi goli 1-0 dhidi ya DR-Congo

Published

1 day ago

August 3, 2025

Kaka JP

Timu ya Taifa ya Kenya (Harambee Stars) imechukua alama zote tatu kufuatia ushindi wa 1-0 dhidi ya Jamhuri ya Kidemokrasia ya Congo kwenye mchezo wa kwanza wa Kundi B wa kombe la Mataifa Afrika CHAN 2024 katika dimba la Moi Sports Centre, Nairobi.

Goli hilo la kipekee lilitiwa wavuni na kiungo mshambulizi Austine Odhiambo dakika 45 kipindi cha kwanza.

Rais William Ruto ambaye alifuatilia mechi hiyo uwanjani alitembelea kikosi katika chumba cha kubadilisha na kukabidhi ahadi yake ya shilindi milioni moja kwa kila mchezaji baada ya ushindi huo.

Stars wamekwea kileleni mwa kundi A na alama Tatu kundi ambalo pia lina Morocco,Zambia na Angola Mechi ijayo ya Stars ni dhidi ya Angola ni Agosti 7.