News
KEMNAC, yaunga mkono taifa la Tanzania kutoruhusu Wanaharakati wa Kenya
Baraza kuu la mashauri ya Waislamu nchini KEMNAC limeunga mkono taifa la Tanzania kwa kutoruhusu Wanaharakati wa kijamii na baadhi ya viongozi kutoka Kenya kuingilia siasa za taifa hilo.
Mwenyekiti wa baraza hilo Sheikh Juma Ngao, alisema Tanzania kuna amani na utulivu mkubwa ikilinganishwa na mataifa mengine ya Afrika mashariki.
Sheikh Ngao, aliwataka vijana wanaotengeneza maudhui na semi za kutisha na kumkejeli Rais wa Tanzania Samia Suluhu Hassan kukoma mara moja, akisisitiza kuwa ni kumkosea heshima na kumdhalilisha kiongozi huyo bila sababu za msingi.
Sheikh Ngao alisema taifa la Kenya limejaa ukabila na chuki za kisiasa tofauti na na taifa la Tanzania ambalo linajulikana kuwa taifa lenya amani na uzalendo huku akiwataka wakenya kuimarisha umoja na mshikamano kabla ya kuenda kutafutia amani nchi zengine.
“Tanzania tangu ipate uhuru wake, jeshi lake halijathubutu kupindua nchi hapa waliothubutu, hakujaandamanwa kuvamia bunge na kulichoma hapa ilifanyika, hakujapiganwa mpaka kukapatikana Waziri mkuu wa nchini kule kulipatikana Waziri mkuu kisheria, kwa hivyo Kenya huweze kuwafundisha watu wa Tanzania mambo ya Amani”, alisema Sheikh Ngao.
Kwa upande wake, Abubakar Amin Al’alawi, ambaye ni Naibu Mwenyekiti wa Baraza hilo, aliwataka viongozi wa kidini, kijamii, na wazazi kuwaelimisha vijana na watoto wao kuhusu maadili mema ili kuepuka chuki miongoni mwa mataifa haya mawili.
Taarifa ya Mwanahabari wetu
Viongozi wa upinzani nchini wakiongozwa na Kinara wa Chama cha Wiper Kalonzo Musyoka na aliyekuwa Naibu Rais Rigathi Gachagua waliendeleza kampeni za Wantam dhidi ya rais William Ruto wakielenga uchaguzi mkuu wa mwaka wa 2027.
Wakazingumza wakati wa ziara yao ya kisiasa katika eneo la Pwani, Kalonzo alimkosoa rais Ruto akisema ameshindwa kuongoza taifa hali na kuendelea kuwanyanyasa vijana wa Gen Z kwa kuwateka nyara kiholela.
Kalonzo hata hivyo alidai kwamba serikali ya Kenya kwanza ina malengo fiche dhidi ya Bandari ya Mombasa, akisema kama wapinzani watahakikisha serikali ya rais Ruto ina hudumu kwa muhula moja pekee.
“Rais Ruto alishindwa kuongoza nchi na kuendelea kuwanyanyasa wakenya hasa vijana wa Gen Z kwani tumeshuhudia utekaji nyara wa kiholela na hata bandari ya Mombasa wako na malengo fiche na hiyo”, alisema Kalonzo.
Kwa upande wake aliyekuwa Naibu Rais Rigathi Gachagua na ambaye pia ni Kinara wa Chama cha DCP, amemkosoa rais Ruto na Katibu wa Muungano wa vyama vya wafanyikazi nchini COTU Francis Atwoli kwa kuwahadawa wakenya na kusambaratisha uchumi wa nchi pamoja na kufuja fedha za hazina ya NSSF huku Atwoli akilinyamazia suala hilo.
“Pesa ya NSSF imechukuliwa na Rais Ruto na kuendelea kujenga barabara na Bomas hiyo ni kinyume na sheria na hatutakubali na yule kiongozi wa kutetea wafanyikazi Atwoli amenyamaza ama wamekula hiyo pesa pamoja”, alisema Gachagua.
Upinzani waendeleza kampeni za Wantam
Hata hivyo viongozi walioandamana na Kalonzo katika ziara hiyo ya kisiasa eneo la Pwani wakiongozwa na Mgombea wa kiti cha ubunge wa eneo bunge la Magarini Furaha Chengo Ngumbao, walisema serikali imesheheni wizi wa mashamba ya wakaazi wa Pwani na kudia kwamba mamlaka yote yako nchini ya wananchi.
Wengine walioandamana na Kalonzo ni pamoja na Naibu Kinara wa DCP Cleophas Malala, Mbunge wa Wundanyi Danson Mwashako, Seneta wa Kisii Richard Onyonka miongoni mwa viongozi wengine.
Taarifa ya Mwahoka Mtsumi
Waziri wa Madini na Uchumi wa raslimali za bahari Ali Hassan Joho, aliwahimiza wakenya kujisajili katika mpango wa “Boma Yangu” ili kunufaika na nyumba za bei nafuu zinazojengwa katika maeneo mbalimbali nchini.
Waziri Joho alipongeza mradi huo wa serikali, akisema unalenga kuwaondoa wakenya kutoka kwenye makaazi duni na kuwapatia makaazi bora yenye hadhi na mazingira salama ya kuishi.
Akizungumza katika kaunti ya Mombasa baada ya swala ya Eid-ul-Adha, Joho aliwahimiza wakaazi wa eneo la Pwani kuchukua hatua za haraka kujisajili ili wasikose fursa hiyo muhimu ya kuboresha maisha yao.
“Kuna huu mradi unaitwa Affordable Housing, huu mradi mmeona umefanywa mahali kwingi sana na sai usajili wa ule mradi ambao utafanyika pale VOK eneo bunge la Nyali, nyumba 1,976 zitajengwa na mambo mengine, nawasihi kwa heshima kubwa sana waingie kwa Boma Yangu wajisajili”, alisema Joho.
Kwa upande wake Kamishna wa kaunti ya Mombasa Mohamed Nur aliwahimiza vijana kujitokeza kwa wingi kutuma maombi ya nafasi za ajira katika mpango wa kazi mtaani kwa vijana.
Taarifa ya Mwanahabari wetu
Gachagua, amkosoa Rais Ruto kwa madai ya uongozi duni
Harambee Stars Kuvaana Na Chad Mechi Ya Kirafiki.
