EU Waidhinisha Kuchukuliwa Kwa MotorGP Na Liberty

Published

1 month ago

June 24, 2025

Kaka JP

Bodi ya Bara Ulaya EU limeidhinisha kuchukuliwa kwa mashindano ya mbio za magari MotorGP na kampuni ya Liberty Media ya Marekani ambao pia ni wamiliki wa Formula One.

Haya yanajiri baada ya Kampuni ya Liberty pamoja na Bodi hiyo kutoa taarifa kamili wakithibitisha kuafikiwa kwa makubaliano hayo ambayo yalipata ungwaji mkono mkubwa mno.

Liberty ilikua imeafikia makubaliana na Dorna Sports mwaka 2024 kununuliwa kwa kampuni hiyo ila Bodi hiyo ya bara Ulaya EU ikafungua uchunguzi kuthibitisha uhalali wa ununuzi huo.

Kampuni hiyo yenye makao yake mjini Colorado itamiliki asilimia 84 ya hisa ya MotorGP ,huku Dorna mabyo makau yake ni Madrid nchini Uhispania ikibaki na asilimia 14 ya umiliki wa kampuni hiyo.

Hata hivyo dili hiyo itamalizwa kupigwa sahihi ya mwisho kabila ya Julai 3.

Manchester United Ndiyo mabingwa wa ‘PREMIERE LEAGUE SUMMER SERIES’

Published

17 hours ago

August 4, 2025

Kaka JP

Manchester United imetwaa ubingwa wa kombe la ‘Premier League Summer Series’ kufuatia sare ya 2-2 dhidi ya Everton katika dimba la Mercedes-Benz, Atlanta, Georgia Marekani.

Michuano hiyo ya maandalizi ya msimu mpya ilishirikisha timu nne za Ligi Kuu England Man United, West Ham United, Everton na Bournemouth ambapo Mashetani hao Wekundu wamemaliza kileleni pointi 7 baada ya mechi tatu, wakishinda mechi mbili na kutoka sare mechi moja.

Kiungo Bruno Fernandes aliwaweka uongozini United dakika ya 18 kupitia mkwaju wa Penalti au Tuta kisha Iliman Ndiaye akisawazishia The Toffees dakika ya 40,United tena walichukua uongozi kupitia kwa kiungo mshambulizi Mason Mount dakika ya 69 kabila ya beki Ayden Heaven kujifunga dakika ya 75.

MSIMAMO:

1. Man UTD — mechi 3 — pointi 7

2. West Ham mechi 3 — pointi 6

3. Bournemouth mechi 3 — pointi 3

4. Everton mechi 3 — pointi 1

Sports

Stars yaanza vema CHAN kwa ushindi goli 1-0 dhidi ya DR-Congo

Published

1 day ago

August 3, 2025

Kaka JP

Timu ya Taifa ya Kenya (Harambee Stars) imechukua alama zote tatu kufuatia ushindi wa 1-0 dhidi ya Jamhuri ya Kidemokrasia ya Congo kwenye mchezo wa kwanza wa Kundi B wa kombe la Mataifa Afrika CHAN 2024 katika dimba la Moi Sports Centre, Nairobi.

Goli hilo la kipekee lilitiwa wavuni na kiungo mshambulizi Austine Odhiambo dakika 45 kipindi cha kwanza.

Rais William Ruto ambaye alifuatilia mechi hiyo uwanjani alitembelea kikosi katika chumba cha kubadilisha na kukabidhi ahadi yake ya shilindi milioni moja kwa kila mchezaji baada ya ushindi huo.

Stars wamekwea kileleni mwa kundi A na alama Tatu kundi ambalo pia lina Morocco,Zambia na Angola Mechi ijayo ya Stars ni dhidi ya Angola ni Agosti 7.