Business
Bei ya Madaktari wa Kibinafsi Yawasukuma Wafugaji Kwenye Hasara
Wakulima katika eneo la malindi kaunti ya Kilifi wanaiomba serikali ya kaunti kuajiri madaktari zaidi wa mifugo ili kuboresha sekta ya ufugaji kwani wafugaji wa mashinani wamekuwa wakitegemea madaktari binafsi ambao hutibu mifugo wao kwa bei ghali.
Wakiongozwa na Nzaro Mlewa, wafugaji hao wanasema wamekuwa wakipitia changamoto ya huduma za matibabu kwa mifugo wao hali inayoathiri pakubwa sekta ya ufugaji eneo hilo.
Aidha Mlewa amedai kuwa wakulima kutoka mashinani wanakadiria hasara kutokana na mifugo yao kushambuliwa na maradhi huku wakishindwa kupata madakitari .
Sasa wanaitaka serikali ya kaunti kuajiri madakitari zaidi ili kuwapunguzia changamoto na hasara wanazopitia.
“Serikali inapaswa kuajiri madakitari wa mifugo zaidi ili tusaidia sisi wakulima wa mashini kwa sababu mara nyingi imetulazimu kutafuta madakitari wa kibinafsi ilihali wengi wetu hatuna uwezo maana wako ghali.”
Siku moja baada ya mamlaka ya udhibiti wa kawi nchini, EPPRA kutangaza kupandishwa kwa bei ya mafuta, sekta ya uchukuzi katika kaunti ya Kilifi inaelezea hofu ya kuathirika kwa biashara zao.
Wahudumu wa tuktuk,teksi, bodaboda na magari ya usafiri wa umma hapa mjini Kilifi wanasema kupanda kwa bei ya petrol na diseli kutaathiri pakubwa sekta hiyo ya uchukuzi.
Sasa wanasema kuwa watalazimika kuongeza nauli kwa abiria kutokana na gharama ya mafuta.
Ni hali ambayo imeathiri wakaazi ambao wanatarajiwa kutumia vyombo hivyo vya usafiri wakisema kuwa watalazimika kutembea kwa mguu kwa safari fupi fupi katika utekelezaji wa shughuli zao za kawaida.
Hatahivyo wametoa wito kwa serikali kuhakikisha kuwa inaingilia kati ili kuona kwamba bei za mafuta zinadhibitiwa.
Haya yamejiri huku lita moja ya mafuta aina ya petrol kaunti ya KIlifi ikiuzwa kwa shilingi 183.88 huku diseli ikiuzwa kwa shilingi 169.16 kila lita.
Lita moja ya mafuta ya taa inauzwa kwa shilingi 153.29.
Takwimu za kibiashara kati ya kenya na ufaransa katika kipindi cha miezi mitatu ya mwisho wa mwaka 2024 zinaonyesha kuwa ufaransa ilileta humu nchini bidhaa za thamani ya shilingi bilioni 6.5 na kuagiza bidhaa za thamani ya shilingi bilioni 5.7 kutoka humu nchini hali iliyoleta uwiano bora wa kibiashara kati ya nchi hizi mbili.
Nchi hiyo sasa inalenga kuimarisha zaidi uhusiano wake na kenya ambapo kenya imewaalika waekezaji zaidi kutoka nchini ufaransa kuekeza katika sekta kadhaa za kenya.
Waziri mwenye mamlaka makuu Msalia Mdavadi anasema ufaransa inalenga sekta za kawi, miundomsingi na tekinolojia ili kuongeza biashara kati yake na kenya.
Rais Ruto Awapa Morale Kikosi Cha Stars Kambini
Christine: Wahudumu wa afya 1,340 wapokea mafunzo Taita Taveta
