News
Kikao cha Kusafisha eneo la Owino Uhuru Chachukua Mkondo tofauti
Mamlaka ya Mazingira nchini NEMA imefanya kikao na waathiriwa wa sumu ya Lead kutoka kijiji cha Owino Uhuru eneo bunge la Jomvu kaunti ya Mombasa ili kuwaeleza jinsi zoezi la kusafisha mazingira litakavyotelekelezwa katika kijiji hicho.
Kikao hicho kilichofanyika katika mtaa wa mataa ya ndege na wala sio eneo la Owino Uhuru kama ilivyoratibiwa awali kutokana na sababu za kiusalama, idadi ndogo ya wakaazi ndiyo waliyojitokeza kuhudhuria kikao hicho.
Akizungumza wakati wa kikao hicho, Mkurugenzi wa uzingatiaji na utekelezaji katika Mamlaka ya NEMA Robert Orina amekanusha madai yaliyoibuliwa kwamba mda uliyopewa Mamlaka ya NEMA wa kusafisha mazingira umepita, akiwataka wakaazi kushirikiana na mamlaka hiyo.
Kwa upande wake Mwakilishi wadi ya Mikindani kaunti ya Mombasa Jackton Madialo amewataka wakaazi kujiepusha na propaganda, na badala yake kuhakikisha wanaipa Mamlaka ya NEMA nafasi ya kusafisha mazingira ya Owino Uhuru.
Hata hivyo wakaazi waliohudhuria kikao hicho wakiongozwa na Samuel Obwaka wameeleza kuridhishwa na hatua ya NEMA kusafisha eneo hilo, wakiwataka wenzao kushirikiana na NEMA kutekeleza zoezi hilo.
Aliyekuwa mbunge wa Kisauni Ali Mbogo ameikosoa serikali ya kaunti ya Mombasa kwa kushindwa kutatua suala tata la uskwota linalowakumba wakaazi wengi wa kaunti hiyo.
Akizungumza katika eneo la Kisauni katika kaunti ya Mombasa, Mbogo amesema tatizo la uskwota limeendelea kuwa chanzo kikuu cha migogoro ya ardhi na ukosefu wa usalama katika maeneo mengi ya kaunti ya Mombasa huku serikali ya kaunti hiyo ikionekana kulifumbia macho suala hilo.
Mbogo amedai kwamba maelfu ya wakaazi wa Kisauni na Mombasa kwa jumla wanaishi kwa hofu ya kufurushwa katika ardhi zao walizoishi tangu jadi kufuatia ukosefu wa hati miliki.
Wakati huo huo amedokeza kwamba baadhi ya maafisa wa serikali ya kaunti hiyo wanahusishwa na visa vya uporaji wa ardhi za umma kwa kushirikiana na waekezaji jambo ambalo amelitaja kuwa dhulma.
Nahodha wa Kikosi cha Soka vijana chipukizi wasiozidi umri wa miaka 20 Rising Stars Amos Wanjala amesema kwamba lengo lao kuu ni kufuzu kombe la dunia kwenye fainali ya mashindano ya Afcon kwa chipukizi iliofungua milango yake weikndi hii mjini Cairo Misri.
Akizungumza akiwa kambini mjini Cairo Wanjala anamini kwamba wana kikosi bora cha kuandikisha matokeo chanya kwenye kombe hilo licha ya kuwa ni mara yao ya kwanza kushiriki katika kipute hicho.
“Tuko tayari kufuzu World cup maana tumekua tukijiandaa vyema kwa mashindano haya,nataka niwatoe hofu wakenya kwamba kundi letu ni la kifo kwani wawe tayari kupata burudani kutoka kwetu.”
kwa Mujibu wa tineja huyo wa academia ya Nasty Sports ya Uhispania ni kwamba licha mabadiliko ya hali ya anga akilinganisha na Kenya kila mmoja yuko tayari kuonyesha uwezo wake katika jukwaa hili.
“Tuko syched up kucheza na mpinzani yeyote,kila mmoja amejiandaa vizuri kutendea haki na kupeperusha bendera ya taifa letu. Nikitaka kushukuru wizara ya michezo pamoja na shirikisho kwa kutuunga mkono kuanzia mwanzo wa mazoezi yetu mpaka mandhari ambayo tumepata hapa.”
Vijana wa nyumbani wanafungua kampeni dhidi ya Morocco May 1 wakiwa kundi B pamoja na Tunisia na vilevile Nigeria
Mbogo: Kaunti ya Mombasa Imeshindwa Kutatua Mzozo wa Ardhi
Tuko Tayari Kufuzu Kombe La Dunia
