Sports
George Foreman: Bingwa wa Masumbwi Afariki Dunia Akiwa na Miaka 76
Bingwa wa zamani wa masumbwi kwa uzito wa juu George Foreman, amefariki dunia akiwa na umri wa miaka 76. Kwa mujibu wa taarifa iliyotolewa na familia yake na kunukuliwa na vyombo vya habari, Foreman alifariki huko nchini Marekani.
Foreman alijulikana sana Kwa kuzipiga ngumu na pambano lake la kihistoria, likiwemo lile la Rumble in the Jungle mwaka 1974 dhidi ya Muhammad Ali jijini Kinshasa DRC ambapo alipigwa kwa KO.
Aliiweka rekodi kwa kuwa bingwa wa uzani wa juu mwenye umri mkubwa zaidi (miaka 45) aliposhinda taji hilo mwaka 1994.
Mbali na masumbwi, Foreman alipata mafanikio makubwa kibiashara, hasa kupitia majiko yake ya umeme ya kuchoma nyama George Foreman Grill, ambapo alifanikiwa kuuza zaidi ya majiko milioni 100 duniani kote.
Foreman ameacha familia kubwa, wakiwemo watoto wake 12, wanawake 7 na wanaume 5 na wote wanaitwa George.
Continue Reading
Manchester United imetwaa ubingwa wa kombe la ‘Premier League Summer Series’ kufuatia sare ya 2-2 dhidi ya Everton katika dimba la Mercedes-Benz, Atlanta, Georgia Marekani.
Michuano hiyo ya maandalizi ya msimu mpya ilishirikisha timu nne za Ligi Kuu England Man United, West Ham United, Everton na Bournemouth ambapo Mashetani hao Wekundu wamemaliza kileleni pointi 7 baada ya mechi tatu, wakishinda mechi mbili na kutoka sare mechi moja.
Kiungo Bruno Fernandes aliwaweka uongozini United dakika ya 18 kupitia mkwaju wa Penalti au Tuta kisha Iliman Ndiaye akisawazishia The Toffees dakika ya 40,United tena walichukua uongozi kupitia kwa kiungo mshambulizi Mason Mount dakika ya 69 kabila ya beki Ayden Heaven kujifunga dakika ya 75.
MSIMAMO:
1. Man UTD — mechi 3 — pointi 7
2. West Ham mechi 3 — pointi 6
3. Bournemouth mechi 3 — pointi 3
4. Everton mechi 3 — pointi 1
Timu ya Taifa ya Kenya (Harambee Stars) imechukua alama zote tatu kufuatia ushindi wa 1-0 dhidi ya Jamhuri ya Kidemokrasia ya Congo kwenye mchezo wa kwanza wa Kundi B wa kombe la Mataifa Afrika CHAN 2024 katika dimba la Moi Sports Centre, Nairobi.
Goli hilo la kipekee lilitiwa wavuni na kiungo mshambulizi Austine Odhiambo dakika 45 kipindi cha kwanza.
Rais William Ruto ambaye alifuatilia mechi hiyo uwanjani alitembelea kikosi katika chumba cha kubadilisha na kukabidhi ahadi yake ya shilindi milioni moja kwa kila mchezaji baada ya ushindi huo.
Stars wamekwea kileleni mwa kundi A na alama Tatu kundi ambalo pia lina Morocco,Zambia na Angola Mechi ijayo ya Stars ni dhidi ya Angola ni Agosti 7.
Entertainment2 hours ago
Sijakataa Kuchangiwa, Ila Nipewe Heshima, Nyevu Fondo Afunguka
News4 hours ago
ODM yapinga barua ya Orengo kujiuzulu
Sports5 hours ago
